山牛 (Yakiniku Yamagyu) @ 官塘 ( 3-NOV-2026 )

炭火燒豚丼 (中 $42) - 留番一半比里奧大人聽日帶飯   我依家夜晚真係最多食半碗仔飯都夠哂飽   其實咁都好㗎   咁唔駛食咁多嘢   哈哈

炭火燒照燒雞肉丼 (中 $42) - 上次同里奧大人食呢個飯   佢真係慢慢將啲飯細細啖放入口   但今晚居然食哂呀   佢今次發咁耐燒   我真係擔心咁耐   做咩都無心機咁   所以我話最遲下星期都真係要煮飯   成日出去食真係好無益呢

( 3-NOV-2026  TUE )

感恩一覺瞓到鬧鐘響呀   感覺好似自然醒咁呢 ~

今朝里奧大人去買早餐   之後就去佢公司喇 ~

菇場超級忙呀   咁就好喇   忙反而會精神   無嘢做真係好悶會中眼瞓   哈哈 ~

船頭話啲方麵好乾   就算夾咗火腿都好乾   我話我有 BB 沙律醬呀   我上次買咗 4 支呀   所以即刻比支佢啦   佢話當堂好食好多呀 ~

Lunch Time 約咗阿 J 12 點拎地拖   但佢話遲 10 分鐘先到   咁無問題啦   我可以周圍行下 ~

拎完就去買兩餸飯   番到菇場就 12 點半   呢個時間開餐都唔錯 ~

鹹蛋炸雞膇拚咕嚕雞   今餐只係食哂雞膇同少少飯   始終飲埋碗湯都真係好飽下

咕嚕雞就留番聽日食

仍然忙呀   好在 4 點半搞掂可以抖下 ~

菇場又派座枱日曆   不過我多數比阿妹   因為我會用自己買嘅座枱日曆   望住真係開心好多㗎

放工去睇中醫   咁啱里奧大人又係呢個時間要拎藥   不過佢同細佬要傾啲嘢    咁我自己去睇喇 ~

睇完就見到里奧大人   但我要煎藥   所以好快走得 ~

去埋里奧大人公司拎啲嘢就坐車番屋企   但要番屋企放低啲嘢先去食晚餐 ~

食完都番屋企喇   開埋機洗衫就沖涼休息   之後同里奧大人一齊睇 "璀璨之城" ~

今晚又係 10 點 40 分瞓覺   我覺得依家瞓覺時間正常番呀   之前真係瞓得勁差   因為擔心里奧大人   所以家都仍然係要補眠   哈哈 ~