全日瞓 ( 10-DEC-2007 )

真係好攰...瞓極都唔夠...兼且唔係咁舒服...所以都無番教會...一路瞓到 1 點...腰骨痛先起身

個人一啲胃口都無...連水都唔想飲...淨係飲碗中藥...之後 "灘" 喺梳化睇咗兩個鐘頭電視...又睇下又瞓下咁

4 點幾突然好鬼想食多士...所以就叫里奧大人買嘢食...食咗半件油醬多已經頂住個胃...好在里奧大人都鍾意食多士啫...唔係又嘥哂喇

6 點幾里奧大人約咗奶奶配眼鏡...順便食埋飯...而我就喺屋企繼續瞓覺

不過尋晚雖然唔係咁舒服...但都好開心...因為有線有好多旅遊節目...我次次睇親旅遊節目就好開心...因為真係好 Relax...好似自己都去咗咁

                       

今朝里奧大人又北上...所以我晏少少先起身番工...真係無胃口...所以就咁喺 7-11 買支熱麥精 ($5.5) 番公司飲就算喇

番到公司真係唔想做嘢...因為實在太攰喇

家姐今日放假...所以晏晝就約埋媽咪...婆婆...工人一齊去翠園飲茶...食咗迷你桶飯 + 香煎韭菜粿 + 甫魚蒸燒賣 + (小心) 流沙包 + 鮮菌牛肉腸粉 + 桂花龍鬚旦散 + 豉汁蒸鳳爪 + 竹笙素粉果 + 蜆芥鯪魚球...難得咁多人食咁多點心...點知自己又唔係咁舒服...食唔到嘢...可惜可惜

晏晝都係坐喺度等放工...因為無力做嘢呀...