久違了的煲仔飯 + 南瓜粟米栗子豬展湯

原本鬧鐘係校 10 點起身嘅...但同里奧大人不約而同咁 9 點 3 已經起咗身...之後就即刻梳洗沖涼...里奧大人話去椰林閣食早餐...因為應該無咩人喎...去度真係無咩人...所以即刻 order 炸魚柳 + 鮮果沙律 + 多士配熱朱朱力...而里奧大人就 order 腿旦治 + 牛奶麥皮配熱檸茶..total $42...椰林閣早餐 d 份量真係好多...但最討厭係要等好耐先有得食...最快要 20 分鐘...試過有次等咗 30 分鐘...真係等到火滾成身慶呀...諗住早咗起身...早 d 食早餐早 d 番教會...點知都係同平時校 10 點起身嘅時間一樣...激 c
食完早餐慢慢行番去教會...熱到嗌救命...但去到教會又越坐越涷...真係遲早病呀...今次只係聽完道就走 lu ...因為里奧大人要去圖書館借書啊...而我又可以借到 3 本整 cake 嘅書...太好喇...講真...我唔係咁捨得買 d 甜品書...因為好貴...同埋一本得幾款啱自已係幼稚園班級數整嘅...所以都係借嘅好
之後去街市入面嘅熟食中心食馳名撈麵...我食蝦子雲吞撈麵 ($26)...里奧大人食豬油撈麵 ($15)...再加一碗淨魚旦水餃 ($15) 同隔離食檔嘅涷胚芽珍珠奶茶 ($12) + 炸兩 ($8)...好飽呀   
蝦子雲吞撈麵 - 好多蝦子...好味...而雲吞同麵嘅味道就一般

豬油撈麵 - 得個油字

魚旦 + 水餃 - 味道一般

炸兩 - 好味...不過再脆一 d 就更 perfect

涷胚芽珍珠奶茶 - 有水準...珍珠唔小又煙韌...$12 真係又抵又好味

之後同里奧大人去買嘢...買咗一個我突然好 like 嘅小天使裝飾品...再去街市買半個南瓜 ($7) + 3 支粟米 ($9) + 半磅栗子 ($5)...就番屋企 lu
番到屋企各有各忙...我就忙煲湯 + 煲藥 + 執衫...里奧大人忙就做功課...話希望聖誕節前做完可以夠我行街買嘢喎
雖然星期日...但都忙到天昏地暗...本來諗好煮飯...但里奧大人想同奶奶..二姑奶佢地食煲仔飯...所以就出去食喇...去苑記食臘腸雞飯 + 窩旦牛肉飯 + 菜心...唉...真係希望越大失望越大...個煲仔飯一 d 都唔好食...好似就咁將煮好嘅飯放落煲仔度咁嘅...d 飯又林...又無飯焦...失望失望...好在飲左又好味又超甜嘅南瓜湯潤下....唔係就燥 c 咯
又 12 點先瞓喇...仲要聽日係星期一添