鯪魚球 + 雲吞 + 炸醬麵 + 菜心 ( 12-DEC-2007 )

尋日都忙...但都係慢慢做為妙...因為個人攰好易會做錯嘢呀

尋晚突然好想食鯪魚球...所以同里奧大人去食咗淨鯪魚球 + 淨雲吞 + 炸醬麵 + 菜心 + 忌廉 ($48)...之後再買份木瓜 ($10) 就走 lu

番到屋企好在有里奧大人幫手煲藥...而我就拚命熨衫...幾日無做家務...熨完兩機嘅衫成個人就散哂...抖一抖之後就沖涼睇電視...又係 11 點前瞓...太好喇

功課做哂...星期五考試...之後就唔駛番 lu...可以抖下...可以執下屋...可以焗下嘢...以去下街...但里奧大人仲要讀成年呢

                   

尋晚里奧大人三點幾起咗身...話瞓唔着喎...所以出咗廳睇書...搞到我都醒咗...我係一個好難入睡嘅人...咁搞一搞又成個鐘先瞓得着

里奧大人今朝要見客...所以得我一個人搭車...真係幾悶下

今朝好鬼肚餓...所以食咗腿旦治烘底 + 熱朱朱力 ($15)...飽到呢

番到公司都仲係忙...但今朝好開心...因為 CC 提早番工...所以可以同佢 MSN...我覺得有 MSN 真係好好...因為有咩都可以第一時間話比對方知...唔駛下下打電話咁煩...又可以練下字...幾好呀

晏晝好想食包...所以去旦撻王買咗個叉燒包 + 花生醬包 ($9.5)...諗住唔飽買兩個包...點知飽到眼癱

癱...