Babymama: 5月 2008

2008年5月31日星期六

元綠壽司 + 跑步機

尋日里奧大人無啦啦又要北上睇廠...所以又係同我差唔多時間番到屋企...有見及此...都係唔好浪費時間煮飯...出去食好過喇...唔知點解...一到某段時間就會心思思想食壽司...所以又去元祿喇 00212.gif image by fatfatfamily

今次食好小嘢咋...食三文魚手卷 + 鰻魚手卷 + 吉列炸蝦卷 + 蠔情卷 + 素魚翅海哲壽司 + 燒雞 pizza ($102) 搞掂 248.gif image by fatfatfamily

同里奧大人特登唔食咁飽...因為想番屋企食 "大記" 紅豆糕呀 17245646.gif image by fatfatfamily

上次行 jusco...第一次見 d 紅豆糕有咁多同咁大粒紅豆...所以買黎試下...果真大大粒紅豆呀 .. 真材實料...最緊要係唔太甜...係咁易食 1/4 件已經好飽肚喇 0212.gif image by fatfatfamily

食完抖陣就同里奧大人一齊做機喇 ra35.gif image by fatfatfamily

諗住第日係 day off 會夜 d 瞓...點知 11 點已經瞓咗覺 lu 085-1.gif image by fatfatfamily

今朝同里奧大人 9 點幾醒咗喇...去太興食早餐...食人氣火腿通粉餐 + 花生醬厚多士...慢慢食...超 relax 呀 _2172.gif image by fatfatfamily

番到屋企見里奧大人開咗部電腦又唔用..咪唔好嘥遊下 blog 咁囉...其實好唔想遊架...因為驚星期一番到公司無嘢做嘛...

晏晝同里奧大人去茶記食 tea...食魚皮餃魚片頭湯濛 + 豉油王炒麵 + 奶醬多 ($52)...食完去家品店買嘢就番屋企 lu...今日唔方便做機...要喺屋企休息...所以得里奧大人勁 happy 一個人去做機喇 2499.gif image by fatfatfamily

2008年5月30日星期五

節瓜粒粒粒粒粒湯飯 + 跑步機

里奧大人正式開始忙 lu...所以放工後我會有大把時間去買嘢預備晚飯同做機...但...相對要 9 點幾先可以食晚飯囉...對於我黎講覺得好夜食呀...但又唔想一個人食先...其一要分開煮兩次...其二係里奧大人應該好期待每晚番屋企同我一齊食晚飯嘛 160-1.gif image by fatfatfamily

尋晚就咁去超市買豬肉 ($11) 就得喇...非常方便...之後就番屋企換衫做機喇 051.gif image by fatfatfamily

里奧大人 8 點半先放工...所以可以睇下電視...慢慢預備...仲可以順便拖埋地 07500.gif image by fatfatfamily

是日懶餐 : 節瓜粒粒粒粒粒湯飯
節瓜粒粒粒粒粒湯飯...將五粒 (節瓜 + 東菇 + 瑤柱 + 雲腿 + 瘦肉) 切粒備用...我驚 d 湯飯無味...所以留埋東菇水同瑤柱水備用...等到里奧大人番屋企前 25 分鐘就要 ready 煲水喇...將所有材料加東菇水瑤柱水一齊大火煲...再加小小雞粉調味就搞掂架喇...一鍋有瓜有肉有飯極到方便...最緊要係今次整得好好食呀 D8.gif image by fatfatfamily

食埋飯洗埋碗沖埋涼已經十點幾...但同自己講過要有恆心做 mask...所以做埋 mask 睇一陣電視就瞓喇...唉...d 食物都未消化就瞓...想唔肥都幾難呀 B2.gif image by fatfatfamily

今朝又係早咗番公司...我覺得係因為早一晚諗定着咩衫...咁可以唔駛嘥咁多時間襯衫嘛...
今朝食芝蛋治烘底 + 咖啡 ($15)...我真係第一次咁他條食早餐...慢慢食...仲可以慢慢嘆報紙添呀...食完份早餐都係啱啱 9 點咋...

亞 head 唔舒服無番...所以勁他條...加上今日 friday...仲更加 happy ii4.gif image by fatfatfamily

晏晝里奧大人同同事出街食...所以我就去 7 仔買咗蒜香撈麵 + 10 粒魚肉燒賣 ($15.5)...點解唔飽嘅 951.gif image by fatfatfamily

真係好開心呀...因為聽日 day off 呀 _1712.gif image by fatfatfamily

2008年5月29日星期四

珊瑚堡 + 跑步機 ( 29-MAY-2008 )

尋晚好開心呀...因為里奧大人晏晝北上完就同我差唔多時間番到屋企...所以可以一齊食晚飯同做機呀...

今餐唔煮啦...唔想比人笑喇...

由於仲有珊瑚堡 $50 Cash Coupon...而呢間 Cafe 啲服務水準極差...食物又一般...怕佢遲早執呀...所以就去食埋先喇...

去到發達啦...因為珊瑚堡有新分店開張...所以食指定套餐就會送相同價錢嘅 Coupon...同里奧大人 Share 紐西蘭肉眼牛扒 + 芝士蒜蓉煙肉焗紐西蘭青口意粉 ($116)...因為扣埋 $50 Cash Coupon 所以咁平...但無得送 Coupon...因為用咗 $50 Cash Coupon...真係比佢啲 Waiter 激到嘔血...事緣我 Order 之前已經問咗用 Cash Coupon 仲會唔會有呢個優惠嘅 Coupon...佢話有我先會叫...點知最後埋單係無嘅...之後個 Waiter 話: 算啦...今次比 Coupon 你...無 Say Sorry...我咪話咩嘢算呀 ?!...係你搞錯先呀...之後無幾耐有個 Manager 過嚟話公司規定用咗 Cash Coupon 就唔可以送㗎...咁我咪話咁就叫妳哋啲同事講清楚啲啦...問得咁清楚都仲要搞錯...最後個 Manager 話會比 $150 Coupon...但點知原來係張 $50 Coupon...消費滿 $100 先可以用...咁就叫 $150 ?!...妳話係咪顛㗎 ?!...不過我都唔要求比 $150...因為 Eexpiry Date 係 30-Jun-2008...

條氣仲係谷住谷住...係嬲點解啲人會咁唔用心做嘢嘅...做錯唔認錯...唔識就問啦...問完就記住啦...咁做嘢點得㗎...仲要係服務性行業添...

食完抖一陣就同里奧大人一齊去做機 lu...兩個人做機真係無咁悶...

今朝天氣非常差...大雨到不得了...驚塞車...所以早啲出門口...

早咗番到公司附近...所以可以嘆個沙爹牛肉蛋公仔麵 + 奶茶 ($13)...影完相放番相機落袋...心血來潮 Check 下個 Key Holder...點知無咗...摷咗 3 次都無...嚇到標紙...因為驚鎖門之後唔記得拎番出嚟...拿拿聲打比里奧大人叫佢搵 5 姑奶幫手睇睇係咪真係漏咗無拎...點知話無 Key 喎...咁我好快咁食完番公司倒哂所以嘢再摷兩次...原來係因為個暗袋爛咗...所以跌咗落底...好在搵到咋...如果唔係就要換鎖㗎喇...同埋最唔好意思係搞到人嘛...

番到菇場比較忙...所以要尊心種菇...種完先認真巡 Blog...

晏晝同里奧大人去食粉...食水餃河 + 切腩麵套餐 ($49)...食完又兜個大運就各自番公司喇...