御家 @ 旺角 + 探朱朱 + 沉重打擊

尋晚同埋媽咪同家姐探朱朱   順便睇朱朱肝臟報告
結果係肝硬化   肝臟同埋腎同肝中間有個瘤   不過無生命危險   但要有心理準備   可能只有幾個月生命
其實我都預感朱朱身體係有嘢   因為無可能唔食嘢唔飲水   所以我聽醫生講報告嘅時候   都比較平靜   (但其實好想大喊  但唔可以  因為媽咪同家姐已經啜泣   如果我再係咁   會唔知道醫生講咩)   好在朱朱都精神   肯食小小嘢   但都係繼續要留院觀察同吊鹽水   好 d 就會比佢出院   咁媽咪可以餵食嘢同行街吸新鮮空氣嘛
媽咪話買靈芝粉比朱朱   因為佢 d 貓友話食咗好好喎   醫生又話 ok   所以會買寵物靈芝粉比朱朱食   
探完朱朱就一齊去食 "御家" 食壽司   可能心情唔好啦   我地覺得唔係咁好食   之後就各自回家喇
                
今日 day off   所以同里奧大人去大快活食早餐   再去銀行取消保險箱   之後再去大昌同百佳買嘢就番屋企喇

好在今日我 day off   因為喊到眼腫腫   d 同事實會眼望望   好煩啊
唉   我好擔心朱朱之餘   又好擔心自己   因為我好驚自已甲狀腺又翻發啊   我情緒一唔好    呢個病就好鍾意搵我架喇   
神呀   求神繼續保守朱朱有強健嘅身體   有精神力氣   健健康康過每一日   阿門