水餃米 + 水餃福麵 + 炒粟米 + 跑步機

尋日熱辣辣  食完 lunch 番工都幾辛苦   加上唔夠瞓   所以喺公司度超眼瞓呀 

好在里奧大人話夜晚想食麵   我就咁去街市買 2 條粟米 ($7) 同富士蘋果 ($12) 就搞掂    呢排發覺自己好似無咩食生果   再唔食就唔掂架喇 

難得唔駛探奶奶   番到屋企又再洗衫 lu   因為成日一唔喺屋企就會積埋積埋幾堆衫   之前已經拎咗兩袋去洗衣舖架喇   都唔明點解會咁多衫   熨衫熨到人都顛呀 

是日懶餐 - 水餃米 + 水餃福麵 + 炒粟米
水餃米 + 水餃福麵 - 超易   唔駛講啦 
炒粟米 - 無難度   又唔駛講啦   不過我發覺唔用牛油炒 d 粟米係好易燶架   同埋無咁甜    可惜可惜

9 點幾同里奧大人去做機   太耐無做   所以做 20 分鐘就算 lu

沖完涼見到幾堆衫真係好恐怖   所以走去熨衫   熨完即刻放入衣柜   唔駛咁阻掟呀 

 

      

今朝無啦啦想食 kfc 嘅 雞扒芝士包 + 奶茶 ($15)   好正呀   但就比較油 d 囉 

番到菇場都有小小嘢做架   不過就唔係 urgent 嘅   可以慢慢做 

里奧大人上咗大陸   所以晏晝買咗雙餸飯 (茄子魚柳 / 薯仔雞翼) 去媽咪屋企食   超難食    不過可以陪媽咪   又可以睇朱朱就無所謂啦 

朱朱心太野   又係唔願瞓   瞓喺我 "膝頭哥" 陪我食飯   真係開心到爆呀 

但其實佢係呢個時候係瞓緊覺架   但我一黎咗就即刻唔瞓   中下中下咁   搞到我阻住個老人家休息添