鹵水雞翼 + 地們粟米湯 + 皮蛋酸薑

尋日晏晝過將軍澳 3 姑奶屋企   去到將軍澳   天氣突然驟變   好大風同好多沙   要 me 埋對眼行呀   好恐怖呀   因為出門口時好好天家嘛 

上到 3 家姐屋企   里奧大人就傾請工人比奶奶嘅事   而我就玩貓貓   唔知係咪因為係波斯貓關係   所以 d 毛好滑   抱住佢真係好似抱住個毛公仔咁架   好可愛呢 

之後就同里奧大人去美心食 tea 份量超細啊   所以要叫 3 個 tea set 呢

食食下居然見到里奧大人舊公司同事 " 濛芝芝"   最邪係朝早提過佢嘛

食完就同里奧大人搭車番屋企喇   因為我好想好想好想煮飯呢

是日懶餐 - 鹵水雞翼 + 地們粟米湯 + 皮蛋酸薑
鹵水雞翼 - 用樽裝鹵水汁整   燜咗半個鐘   不過覺得無咩味同埋唔夠色咁   真係要整多幾次先得呢 

地們粟米湯 - 無買菜嘛   所以就要飲粟米湯喇   本來加罐頭蘑菇   但一開見到有 d 黑色一點點咁   嚇到即刻掉咗   唉   下年 2 月先係 expiry date   點解會咁架 

皮蛋酸薑 - 覺得一樣餸好似好孤寒咁   所以求其加多碟小食比自己 

食完就係洗碗   沖涼   之後一路食薯片一路睇獎門人   但 d 組合就唔好笑囉 

之後再做 mask   睇一陣報紙   10 點半就瞓覺 lu


  

      

今朝食芝蛋治烘底 + 奶茶 ($15)   太耐無食   好似麻麻地好食咁嘅 

番到菇場忙呀   所以要做哂嘢先玩 msn

晏晝同里奧大人食水餃河 + 韭菜餃麵   我碗水餃河得 3 隻水餃咋   而里奧大人嘅韭菜餃就有 5 隻   梗係啦   成隻都係得韭菜   好似食齋素餃咁呀 

依家成日同里奧大人一齊食晏   雖然搽咗防曬   但我朝早又曬   晏晝又曬   真係好驚有雀斑同埋會曬黑 d 皮膚啊   妳知啦 一白遮三醜嘛