南丫島 ( 榕樹灣 -> 索罟灣 ) + 城寨風味 @ 九龍城 ( 1-MAY-2011 )

藍妹大支裝 - 用碗嚟裝真係好有古裝 Feel   超 Like 呀   如果有埋隻雞肶就 Perfect 喇   因為啲古裝好鍾意一路飲酒一路食雞肶

蒿頭 / 花生 - 蒿頭好好味呀   超開胃   花生就無食到喇
陳醋木耳 - 好香醋味呀   影子話好香麻油味添啊   呢個小食好養生呢

秘製豆豉辣椒醬炒油麥菜 - 呢碟菜超正呀   甜甜哋辣辣哋咁   又整得多汁喎   真係超級勁正呀

炸錦滷雲吞 - 好鬆化呀   隔咗好耐再食   都一樣咁脆

酸甜汁 - 有埋豬腸 豬肚 豬潤   個汁變得好豐富咁呀

菜甫蠔仔煎蛋 - 呢個有驚喜呀   蛋有蛋味   蠔有蠔味   啲蠔唔細隻㗎   同埋加咗菜甫超惹味呀
1/4 隻乳豬 - 期待好耐嘅乳豬   個皮又薄又脆   真係好正   但我覺得好細碟囉   同埋差唔多最後先上菜   都食到 7 成飽   如果唔係應該覺得更好味呢

招牌糯米飯糕蟹- 影子點㗎   難得佢主動點菜呢   不過呢隻蟹都好多肉同好多膏   而糯米飯就腍咗啲   但都好好味   影得啲都唔大籠呀   白費咗影子一番心機添
白飯 - 一碗㗎咋   其一里奧大人要食飯   其二佢話見到個木桶仔好得意喎   所以叫嚟食   不過後尾影子話隔離枱嘅白飯係用普通玻璃碗   佢哋望住里奧大人碗飯好耐   好羨慕咁呀

最鍾意一齊影相   啲感覺好得意呀   總知啲餸一上枱   我哋第一時間係影影影   唔知其實人有無覺得我哋好怪呢   哈哈哈哈

( 1-MAY-2011  SUN )

今朝同里奧大人 8 點半起身食早餐   之後番屋企梳洗就出發去中環碼頭喇 ~

今日好開心   因為約咗影子同小寶一齊去南丫島行山   好健康呀 ~

人算不如天算   諗住搭架多班次嘅 619   點知等咗半個鐘先有車   真係激氣   所以我哋遲咗 15 分鐘呀 ~

不過好感恩   因為假期關係   所以有加班船   11 點 15 分開嘅   我哋可以搭呢班船呢 ~

其實估唔到今日可以一齊行山㗎   因為天氣報告話會落雨   但今日居然無落雨   只不過係焗啲咁呢 ~

今次好似 25 分鐘就到南丫島   都好快呀   落船就周圍影下相   買下零食   諗住去食 Pizza   但無位   因為好多都係啱啱 Order 食物   都唔知會依到幾時   所以我哋轉場去茶餐廳食喇 ~

我嘅什果沙律裝 - 太熱唔想食熱嘢呀

里奧大人嘅五香肉丁麵 - 無特別

影子嘅蝦球炒麵 - 炒麵就好靚喇   但蝦仔就唔掂啦   唔應該叫蝦球誤導人囉

小寶嘅芝士三文治 + 奶茶 - 無問小寶好唔好食喎   呵呵

食完再去食豆腐花   不過今次口感好怪   都唔滑嘅   我叫咗啲小食諗住一齊食   點知得我一個食 ~

開始行山 lu   行下停下影下   最開心係去到個涼亭度玩自拍    影到有人嚟先走   我木7行咗差唔多 3 個鐘   去到碼頭都好多人搭船   好在有位呢 ~

呢日有啲焗  但唔算好曬  最緊要唔好落雨就得㗎 ~

唔知咩嚟   影子拻咗一粒嚟聞   我同佢講話唔食得㗎   佢反白眼好不屑咁笑笑口   斷估其實佢都唔會食啦   但我見佢動作好快   驚佢真係食呀   呵呵 ~

經過洪聖爺灣   好想跳落水呀   因為我覺得好熱呀 ~

今晚去九龍城食嘢   但我地唔知巴士站喺邊   所以都係一路行一路搵巴士站   里奧大人話我又唔預早搵定資料   我一早話去九龍城啦 ~

終於搵到巴士站   所以都好快出到九龍城   時間尚早   行咗一陣就去城寨風味喇 ~

呢間食店講明限時兩個鐘   如果無人就可以繼續坐喎 ~

其實我係第二次黎食架咋   只知道乳豬最出名   睇食評又係話最好食係乳豬   但今次我哋 Order 嘅食物都好好味   唔會話求求其其整   我覺得有驚喜呀 ~

今次又係一路食一路影一路傾   真係好忙呀   同埋又係差唔多同一時間嚟齊   張枱都唔夠位放添呀   不過我真係好鍾意全枱都係食物   就咁睇都覺得好滿足呀   哈哈 ~

食完就送影子到車站   我同里奧大人就番屋企 lu   番到屋企先知道條頸紅哂   應該曬傷咗   啲紫外光真係好勁呀 ~

影子今次又買咗江魚仔比我呀   仲有 Air Asia 嘅文件夾   好有意思呀   同埋今次影子特登去買咗一種葉   飲完之後   應該會改善到經痛問題   真係好有心呀   因為呢隻葉嘅保鮮期好短咋   擺得一兩日就會發黑   所以小寶就逐塊逐塊葉抹乾呀   好感動呀 ~