涼拌芋絲 + 煎黑椒鴨胸 + 粟米素翅蛋花湯 + 流浪影子卜聚 @ 金滿堂甜品 (九龍灣) ( 2-MAY-2011 )

( 2-MAY-2011  MON )

今日係假期   所以都係瞓到自然醒   次次都係瞓到 10 點半就醒   呢個時間醒就最好   因為有足夠時間梳洗再食早餐呢 ~

我平時夜晚會熄電話   但會飛線番屋企   里奧大人都係咁   咁啱今朝一起身   里奧大人電話就有 SMS   原因佢無熄電話   咁啱家姐又 Send SMS 問我哋起身未   咁即係整定同佢食啦 ~

食完早餐就一齊番屋企   家姐打機   我有我煲藥   今日里奧大人仲好主動幫手焗乾啲葉   好感動呀 ~ 

家姐 2 點就走 lu   我哋埋佢上巴士就去池記食 Tea   不過呢間池記都好迫   同埋好似酒樓咁鬼嘈呀   落單要大大聲先得 ~

食完行一陣就番屋企 Hea 喇   6 點就開始煮飯呢 ~

差唔多煮完嘅時候   里奧大人喺廳呱呱叫   原來話影子 Send SMS 問去唔去金滿堂食甜品   咁當然去啦   難得又去我屋企附近喎 ~  

是日懶餐 - 涼拌芋絲 + 煎黑椒鴨胸 + 粟米素翅蛋花湯

涼拌芋絲 - 超勁想食薑 蒜 豆辦醬   所以就整呢個餸喇 ~

煎黑椒鴨胸 - 諗唔到煮咩   見到冰格有就拎出嚟煮 ~ 

粟米素翅蛋花湯 - 唔知點解覺得加咗素翅係好飽肚咁囉 ~ 

洗完碗就去沖涼喇   唔想油頭垢臉見人呀 ~

我哋 9 點半先到   估唔到影子同小寶已經到咗   我哋坐出面呀   天氣涼涼哋好舒服呢   多啲人食嘢真係好開心   樣樣食啲最鍾意咁   我哋 11 點就走人喇   唔知幾時可以再見面呢 ~