BBQ @ 家姐屋企 ( 31-MAY-2013 )

個爐咁大   燒隻乳豬都得呀


腸仔 / 墨魚丸 / 魚蛋 / 龍蝦丸 / 牛丸


加埋辣汁好味呀

好餓呀   家姐燒 2 條腸比我食先   唔好喺樹嘈 

工人又即燒隻雞翼比我   太好喇   不過我覺得自己無咩耐性燒嘢食   因為成日問熟未熟未 

大蜆

媽咪買嘅蜆

生菜包牛扒    加埋生蒜同辣汁   家姐話喺韓國咁樣食法好好味   但係辣到我頭痕呢   家姐幫我加辣   我無諗過咁辣   食到一半頭都痕   之後飲咗半罐可樂   再狂食 10 塊生菜先解到辣   之後講比家姐知好辣   佢笑住話食嘅時候都覺得辣   不過無同我講   因為佢無諗過區區 2 粒指天椒咁辣呀


美心排包 - 家姐話之前朋友話用排包係好好味   不過又真係好好味   本身有牛油香   燒完再加牛油   真係香上加香呀 


印尼甜豉油 + 乾蔥 + 指天椒 - 甜甜辣辣超級好味   但咁樣算唔算係辣汁呢 ?! 

我唔係用 ABC 呢個牌字   下次買呢個牌子嚟試下先


黃蕃薯 + 粟米 - 燒嘅時候好香   但食落無咩味嘅

( 31-MAY-2013  FRI )

唔知係咪尋晚食得太多荔枝   再加埋食薯格   所以半夜好熱咁   熱氣嘅熱呀   好在最後都瞓得幾好咋 ~

早餐食芝腿治烘底   睇報紙慢慢食   最鍾意咁樣呢 ~

菇場忙咗陣   之後去 Pack 箱   話咁快就 Lunch Time 喇 ~

仲未餓   所以 1 點先食 Lunch Box ~  

3 點半又開始 Pack 箱喇   差唔多 5 點就搞掂一部份   星期一再 Pack 埋去   咁就了咗心事喇 ~

放工即走   坐小巴去旺角睇中醫   6 點半搞掂哂   今晚去家姐屋企 BBQ   咁媽咪又買咗啲蜆仔同西瓜比我哋食   咁我就去媽咪屋企等埋家姐   佢楂車接我去佢屋企 ~

其實我初初話打邊爐   咁家姐叫工人買嘢   佢工人居然記得我話過   下次嚟要 BBQ   所以家姐又即打嚟問 B 唔 B   我梗想 B 呀   因為打邊爐自己屋企都打到   B 就無可能啦   所以最後決定 BBQ 喇   我哋差唔多 7 點半先開始燒   估唔到又有風喎   因為里奧大人冷笑哋咁話我哋咁熱嚟燒嘢食呀 ~

開始燒嘅時候   接到個怪電話   應該係呃人電話啦   今次話自己有馬拉口音   成日問我聽唔聽得出   咁我話妳喺邊個   我以為係朋友小寶呀   不過佢無答我   之後仲話聽日去大陸   會嚟香港探我喎   黐鬼線 ~  

里奧大人唔駛上大陸   但 9 點先放工   不過我都未咁快走   我燒到成 10 點呀   之後再入屋食埋番薯同粟米   同狗狗影下相   抖多陣就走喇   家姐車我番屋企   沖埋涼原來都 11 點   好少會咁夜呀 ~

住家飯 @ 媽咪屋企 ( 30-MAY-2013 )

粟子蠔豉燜豬手

龍躉仔

炒西生菜

節瓜粟米豬橫脷豬骨湯

妃子笑

大粒又甜又多汁

( 30-MAY-2013  THU )

今日陽光普照   藍天白雲   所以心情勁好呀 ~

早餐食奶油豬仔包   之後 8 卦又話嚟一齊食早餐呢 ~  

菇場唔忙喇   可以 Load 相   做下自己嘢咁啦 ~

Lunch Time 陪 8 卦出去拎嘢   之後先再去食 Lunch   食完行陣就番菇場喇 ~

我嘅潮州四寶丸米粉   啲丸難食到呢   麵粉嚟嘅

8 卦嘅滑蛋蝦仁飯   又係唔好味

忙咗陣又繼續 Load 相   幾咁快就 5 點半放工呀   即走啦   今晚番媽咪屋企食飯呀 ~

去到媽咪屋企就即飲湯   家姐今晚 6 點半就番到媽咪屋企喇   所以好快可以開飯   食完飯又食下生果   睇下電視傾下偈   8 點 15 分就走喇 ~

番到屋企即沖涼   以前夏天沖涼多數用凍水   依家真係唔得 lu   最多用暖水   覺得用暖水沖涼 Relax 啲咁呢 ~

里奧大人今日唔駛上大陸   但 9 點幾先放工   佢買 KFC 番屋企食   因為要我幫手食薯格   我對薯格真係麻麻哋   因為好飽肚咁   食食下嘢   里奧大人話上次喺台中機場原來用咗漫遊打比家姐   唔係用 Wifi   所以要交多 $88 電話費   仲話唔怪得上次收得咁清添   原來係漫遊   不過喺台灣買張電話卡其實都要百幾蚊   計落有賺啦 ~ 

冬菇節瓜甫 + 七味粉煎龍脷柳 + 蔥粒肉碎炒飯 ( 29-MAY-2013 )

( 29-MAY-2013  WED )

今朝勁想食碎蛋治   所以見無咩人就去食喇   之後 8 卦 Whatsapp 我   佢已經喺鑽石山   叫我幫佢買埋嘢食   不過無佢食嘅火腿   後尾又要再排過   但佢話唔想食   所以去對面餐廳食麵餐 ~

番到菇場超級忙   對手未停過   真係做到 Lunch Time 先停呢 ~

今日有 Lunch Box   同事話終於見到我有帶飯盒   其實我有時煮飯唔帶之嘛 ~

4 點終於搞掂哂   真係鬆咗一口氣 ~ 

放工去超市買豬肉就番屋企 lu   預備哂晚餐就拖地   之後抖陣又煮飯喇 ~

今晚 8 點自己食飯先   因為里奧大人打嚟話好夜先放工   佢差唔多 9 點半先放工   好在番到屋企都有胃口食嘢咋 ~ 

是日晚餐 - 冬菇節瓜甫 + 七味粉煎龍脷柳 + 蔥粒肉碎炒飯

冬菇節瓜甫 - 買咗 2 個節瓜   其中一個大嘅原來爛咗一半   但買果時又睇唔到   激氣   今次釀肉碎   不過好 "鞋"   下次試下釀蝦膠先 ~ 

七味粉煎龍脷柳 - 喺佳寶買   $13/條   都好厚肉   同埋唔腥   下次可以大量入貨 lu ~ 

蔥粒肉碎炒飯 - 加咗 $2 蔥   加埋節瓜甫用剩嘅冬菇豬肉碎   再加埋醬料包一齊炒   不過今次唔得乾身   唔係應該更好味呢 ~    

黑椒京蔥牛仔骨 + 菠菜 ( 28-MAY-2013 )

( 28-MAY-2013  TUE )

今朝有啲餓   所以食米粉餐   8 點半 8 卦打嚟話一齊食早餐   同佢一齊唔夠 9 點就會番到菇場   咁都好   依家想 9 點前番到菇場呢 ~

11 點先忙   仲諗住 Hea 過添 ~  

Lunch 食麥皮   今次唔餓都食喇   唔係夜晚放工真係會餓暈 ~

忙呀忙   忙到放工   依家要發奮煮飯   所以去街市買餸   多啲款   如果有冷氣就更加好啦 ~

去完街市再去佳寶   我鍾意行凍肉舖   因為好多唔同嘅肉同海鮮   雖然係急凍   不過我無咩所謂   又唔係即日食   最緊要屋企有呢啲後備   唔想去街市買嘢都有啲餸煮下嘛 ~

番到屋企即醃肉   浸菜   開機洗衫   執下嘢   眨眼又 7 點幾   要開始煮飯 lu ~

今晚自己食先   之後里奧大人 8 點半就番到屋企   呢兩晚佢都食得哂我留比佢啲飯餸   可能依家份量係正常   佢先食得哂呢 ~

是日晚餐 - 黑椒京蔥牛仔骨 + 菠菜

黑椒京蔥牛仔骨 - 超勁想食京蔥   $6/2 條   同超市一樣   咁下次可以去超市買 lu ~

菠菜 - 尋晚食剩 1 Pack   今晚食埋去 ~  

呢排都會睇埋肥媽 "食平 D" 先瞓   不過次次睇佢煮餸   我都會話突然好肚餓   里奧大人就好鬼驚呢 ~

西刀魚丸出前一丁 & 辛辣麵 + 菠菜 ( 27-MAY-2013 )

( 27-MAY-2013  MON )

尋晚 11 點幾   見眼瞓就瞓啦   勁開心   因為 4 點飲咗杯奶茶   咁晏飲多數夜晚瞓唔到   但上到床其實又瞓唔着喎   之後里奧大人瞓瞓下又出廳睇電視   因為頭先飲咗茶   瞓唔着   而我就繼續喺床典嚟典去啦   我估我起碼 2 點幾 3 點先瞓到呀 ~

瞓得唔好   仲要今日係星期一添   好在又唔係話好攰   同埋依家唔想懶床呀 ~

早餐食芝腿治烘底   飽到震   坐隔離位係 4 個麻甩仔   無着衫㗎   粗口爛舌又大聲   比佢哋影響哂心情   佢哋一走   餐廳靜哂   但無用啦   我都要番工喇 ~

之前堆哂啲嘢未做   今朝做做做   做到 11 點半呀   充實到呢 ~

到 Lunch Time 仲未餓   同埋都唔想食嘢   我差唔多 3 點先有啲餓   食咗幾件粟餅   但其實又唔飽   不過都懶得再食餅 lu ~

放工超餓呀   頭都暈   滿腦子係食物   本來想食埋 Tea 先番屋企   不過要去超市買菜   咁買完菜即飛番屋企喇 ~

番到屋企除低鞋即入廚房開爐煮麵喇   第一次咁咋   因為真係餓得好緊要呢 ~

食完個人精神哂喇   抖陣就洗埋碗   再拖地執下嘢   之後沖涼喇   都係唔想一次過做咁多嘢住 ~

里奧大人 8 點放工   咁我就煮個辛辣麵比佢食   再淥埋碟菠菜一齊食   洗埋碗就真正休息喇 ~

粟米蛋花湯 ( 26-MAY-2013 )

( 26-MAY-2013  SUN )

今朝里奧大人問我起身未   我話好攰   之後我繼續瞓   一起身已經 12 點 lu ~

其實仲想瞓下   不過里奧大人要我落去行下喎   所以去大快活食嘢   我又唔餓   Share 食一份餐算喇 ~

食完又番屋企抖   里奧大人又熨衫   仲話好忙添   我話你知做家務係幾咁忙呢   我平時放工番到屋企仲要煮埋飯添呀   佢笑但唔敢出聲 ~ 

差唔多 3 點幾   突然想食魚柳包   所以里奧大人又去買麥記番屋企食喇 ~

今晚里奧大人約咗朋友 6 點半喺別府食飯   我就喺屋企休息   差唔多 8 點就飲粟米湯   1 個人飲 1 罐真係頂到上喉嚨呀 ~ 

牛肉飯 + 鳳爪排骨飯 (外賣) ( 25-MAY-2013 )

( 25-MAY-2013  SAT )

今朝 8 點 15 分先起身呀   個人超級攰   又有啲餓   所以都係打的番菇場喇 ~

買咗腿治 + 菜蜜   但無胃口食   不過飲完杯菜蜜   個人又舒服好多呢   但仍然攰 ~

菇場凍到震   所以勁想瞓   我都坐喺位度係咁中眼瞓呀   有一下都 Feel 到自己跌落山添呀   所以頂唔順去廁所   中咗 25 分鐘先出嚟呢   我真係好少會咁做呢   之後 8 卦都問我係咪去咗瞓覺 ~ 

放工即走喇   番到屋企即沖涼   之後就同里奧大人講我要瞓陣先   瞓醒先食嘢   點知一瞓就瞓到 4 點   我就超級精神   里奧大人就餓到頭暈   所以即刻叫外賣番屋企食喇 ~

里奧大人上身呀   開機洗衫又連熨 2 機衫   我次次唔舒服佢都好主動做家務   咁樣都幫輕我唔少㗎喇 ~

7 點幾佢出去余仁生買黑棗   之後再買埋飯番屋企   其實我仲未餓   不過里奧大人話餓   咁我都要食囉 ~  

住家飯 @ 媽咪屋企 ( 23-MAY-2013 ) + ( 24-MAY-2013 )

煎薯仔餅 - 媽咪跟肥媽整薯仔餅加麵粉   反而口感變咗唔煙韌 

陳皮絲蒸鮑魚

蒸海斑

炒通菜

牛大力粟米豬筒骨湯

( 23-MAY-2013  THU )

今朝食餐蛋治烘底   好耐無食   覺得好漏添 ~

菇場唔忙   可以抖抖 ~

Lunch Time 未餓   所以我差唔多 1 點幾先食半杯麥皮   其實可以唔食   不過唔食又驚餓喎 ~

無啦啦好忙   4 點先搞掂哂   咁都好   有個半鐘抖抖 ~ 

個肚谷住谷住   所以放工即去睇醫生   咁拎定聽日病假紙   唔駛又要落去睇醫生呢 ~ 

里奧大人上大陸   我就番媽咪屋企食飯喇   家姐差唔多 7 點番到媽咪屋企   最鍾意係 7 點食飯   多啲時間消化嘛 ~

同家姐 8 點半走喇    番到屋企即沖涼   再等埋里奧大人   佢差唔多 11 點先番到屋企   同佢傾幾句   我都入房瞓 lu ~

( 24-MAY-2013  FRI )

每月一到喇   又唔係話劇痛   但都請病假   咁可以喺屋企盡情瞓 ~

今次無嘔得咁犀利   同埋唔係痛到顛   唔知係咪食咗靈芝丸   身體好咗啲啲呢   定係中藥對身體有幫助呢 ~   

我幾勁呀   瞓到 7 點呀   里奧大人今日唔駛上大陸   咁佢都食埋嘢先番屋企   番到屋企都 10 點 lu ~

其實我有啲餓   但飲咗啲葡萄適又覺得頂胃   所以瞓覺算喇 ~ 

臘潤腸蒸排骨 + 蒜蓉炒青莧菜 ( 22-MAY-2013 )

( 22-MAY-2013  WED )

今朝 7 點幾電話響   個心離一離   之後聽里奧大人對話   應該係屋企人打嚟話唔駛番工   原來嗰個係我家姐   不過家姐唔打嚟   我哋應該會如常咁沖涼   之後臨出門口先知唔駛番工   因為我哋無開電視習慣   同埋里奧大人多數臨出門之前先開電話呢 ~

黑雨警告到 9 點   咁再瞓啦   反正尋晚瞓得唔好   之後 9 點醒咗   又話到 10 點先取消   咁 9 點 45 分起身喇   同埋里奧大人去大家樂食早餐   食完就番屋企沖涼   之後就番工喇 ~

11 點 15 分番到菇場   坐咗無耐就已經 12 點 05 分喇   要去叮飯   好搞笑啦   食完早餐無耐又要食 Lunch   不過我 1 點先慢慢開始食   其實都仲未餓 ~ 

話咁快又放工喇   落緊毛毛雨   咁去超市買餸算 lu ~  

番到屋企即預備晚餐   再拖地   之後就煮飯喇 ~

是日晚餐 -臘潤腸蒸排骨 + 蒜蓉炒青莧菜

臘潤腸蒸排骨 - 想整肉醬意粉   不過又驚整得好多要食幾日   所以唔整喇   都係蒸排骨算喇   夠方便 ~

蒜蓉炒青莧菜 - 之前 $10/2 Pack   之後就 $12/2 Pack   依家 $15/2 Pack   不過今次買嘅青莧菜好乾淨   同埋份量都好多   但唔知喺街市買 $15 有幾多呢 ~

里奧大人 8 點半先放工   好在我食先咋   我盡量希望 8 點前食哂飯   多啲時間消化嘛 ~

洗埋碗都 9 點幾   即刻沖涼喇   再睇多陣 Just for Laughs   10 點 15 分開始頂唔順   即入房瞓喇 ~ 

豆豉醬炒雞 + 粟米蛋花湯 ( 21-MAY-2013 )

( 21-MAY-2013  WED )

又係好焗熱呀   呢啲天氣最煩   真係好影響心情 ~

早餐食芝腿治烘底   咁焗唔好食麵   唔係會出汗   因為呢間餐廳啲冷氣唔夠凍呢 ~

番到菇場忙咗陣就 Hea 過喇   無啦啦勁大雨又行雷閃電呀   啲雨點想打爆玻璃咁   幾咁大聲呀   好在又有 Lunch Box 咋   如果唔係出一出去肯定成身濕哂 ~

同 8 卦 skype   佢比咗啲討論區嘅 Link 我睇   之後又一齊傾   其實我哋真係好無聊   但唔係咁啲時間好難過   不過好多時都無突然間會好忙   要停一停認真做嘢   之後先可以再傾   真係好忙咁呀 ~

放工去超市買京蔥   點知無喎   勁想食京蔥家嘛   邪爆   咁就咁買 Pack 雞同雞腎   再買 2 Pack 石榴汁就番屋企喇 ~

番到屋企都差唔多 6 點半   要即刻醃雞喇   之後再開機洗衫   抖陣就煮飯   我自己食埋尋晚剩嘅炒麵   飲埋碗粟米湯   之後里奧大人就打黎話放工喇 ~ 

是日晚餐 -豆豉醬炒雞 + 粟米蛋花湯

豆豉醬炒雞 - 我好少去超市買雞   覺得 1 Pack 好少仲要 $30   今次 Pack 雞無咩肉添呀   同埋估唔到係會有雞腳同雞頸   好在買多 Pack 雞腎   唔係無餸帶飯呢   今次用豆豉醬 + 1 隻指天椒去炒   啲汁都幾辣   唔錯唔錯 ~ 

粟米蛋花湯 - 勁想飲好耐啦   本來想加多罐粟米   不過粟米真係好飽肚   都係一罐粟米湯算數喇 ~

里奧大人 8 點半先番到屋企   等佢食埋   我洗埋碗先沖涼   之後熨衫   咁就已經 10 點半喇 ~   

叉燒炒麵 + 菜心 ( 20-MAY-2013 )

( 20-MAY-2013  MON )

又天陰陰   吽雨咁款   所以超級焗   真係行幾行都已經出哂汗 ~  

早餐食芝蛋治烘底   好耐無食喇 ~  

番到菇場忙呀   不過好快搞掂啦   因為好有 Mood 做嘢   好唔鍾意拖住嚟做呢 ~

晏畫有 Lunch Box   依家食有機生態米   所以覺得啲飯好好味   好似食緊珍珠米咁   但又無珍珠米咁滯   唔錯唔錯 ~

放工去牛頭角藥房買嘢   之後去街市買菜同麵餅   再去埋太興買叉燒就番屋企喇 ~

真係好鬼焗熱   番到屋企即沖涼先呀   唔駛立痴痴煮飯   唔係人都顛 ~

煲完中藥再開機洗衫   7 點開始煮晚餐   煮完就沖涼   抖陣就開餐喇   里奧大人差唔多 8 點先放工   佢話好大雨呀   我一開電視   原來係黃雨警告   不過落場雨都好   無咁焗嘛 ~

是日懶餐 - 叉燒炒麵 + 菜心

叉燒炒麵 - 買咗 $2 韭菜 + $3 韭黃   同埋 2 個全蛋麵餅   加埋叉燒一齊炒   炒出嚟成隻船咁高   下次都係買一個麵餅算喇   太多又要食幾餐   好驚囉 ~  

菜心 - $7/斤   好耐無食菜喇   一定要買嚟食 ~

尋晚瞓得唔好   個人超級攰   10 點半入房瞓喇 ~ 

黑椒雞翼 + 辣椒沙甸魚 + 磨豉醬炒黃芽白 ( 19-MAY-2013 )

( 19-MAY-2013  SUN )

10 點起身   食完早餐就番屋企抖陣   沖埋涼就番教會喇 ~

崇拜完畢又去三聯買書   我去百佳買菜先   之後再去三聯   里奧大人買咗 2 本攝影書   我又唔蝕底買咗本基本攝影書同埋小菜王食譜   買完就番屋企 lu   此地不宜久留 ~

2 點幾出去食 Tea   條街好焗呀   街同商場嘅溫差起碼差 7-8 度   所以個袋又要帶定件長袖衫   又要帶埋絢骨遮   所以我覺得自己好似擔泥咁呀 ~

煲埋中藥   又 Load 下相   差唔多 6 點就預備晚飯   好耐無煮喇   所以煮啲超簡單嘅餸呢 ~

是日懶餐 - 黑椒雞翼 + 辣椒沙甸魚 + 磨豉醬炒黃芽白

黑椒雞翼 - 焗完真係連蜜糖都懶搽呀   唔想搞咁多嘢 ~

辣椒沙甸魚 - 罐頭黎架   又幾好味   唔係太腥   不過都幾辣 ~ 

磨豉醬炒黃芽白 - 喺百佳見到條黃芽白都係 $7.9   所以買黎食   夠平呀 ~

食完鹹想食甜   所以食台中買番嚟嘅粟餅   口感似軟曲奇   啲餡就煙煙韌韌  好味道呀 ~

我買咗 10 件黃金地瓜粟餅 + 5 件芋頭粟餅 + 5 件綠茶粟餅

彩雲軒 @ 將軍澳東智選假日酒店 ( 18-MAY-2013 )

石板京烤豬軟骨 ($98) - 熱辣辣   真係好正   不過啲醬汁太甜   食到好漏 

不斷係咁滾   食到最尾都係熱   同埋好多乾蔥

台式三杯雞煲 ($88) - 我唔鍾意花椒八角味   食咗一啖無再食喇

意大利黑醋咕嚕肉伴窩粑 ($98) - 咕嚕肉啲炸漿整得唔錯   同埋個汁酸酸咪咪夠醒胃呢 

 


蒜香手拍青瓜 ($32) - 食到一半覺得好酸   所以我話要留番最尾食   用嚟消滯呢

( 18-MAY-2013  SAT )

今朝 8 點起身   不過無懶床   因為唔想鬧鐘再響   嘈醒里奧大人呢 ~

尋晚超級飽   所以食奶油多算喇 ~

番到菇場勁忙呀   忙到放工   仲諗住有好多私人時間添   人算不如天算 ~

又未餓   所以都係番屋企抖陣   勁想食炸魚皮   又去明輝喇   明輝啲位都幾迫   不過今次好感恩有卡位   同埋呢間茶餐廳啲阿姐服務態度好好   調咗位唔會黑面話妳   仲幫妳拎埋啲杯同筷子過枱添呀   所以我間唔中都會幫襯佢哋呢 ~

食完又番屋企   4 點半出旺角睇中醫   醫師話我好濕熱   鬼咩   呢幾日都係食炸嘢同飲凍嘢嘛 ~

媽咪屋企電話壞咗   本來諗住教家姐用   家姐再教媽咪   不過里奧大人話直接教媽咪用好過   咁啱媽咪洗衣機壞咗   叫咗師傅嚟整   咁我哋又順便睇下咩事囉 ~

走咗 2 架巴士   所以坐小巴算喇   個小巴司機超級勁賤格   咁中途有阿婆阿公上車   個賤人居然好大聲喝佢哋話 "快"   都黐鬼線   咁你唔好比佢哋上車囉   你自己都有父母   自己仍都會有老嘅一日㗎   賤人 ~

去到媽咪屋企   里奧大人即刻幫媽咪換電話   仲好細心教媽咪用   平時教我呢   我問多次都想殺人咁 ~  

洗衣機師傅差唔多 7 點幾先到   原來係洗衣機摩打嘅打火器壞   咁就換埋啦   反正維修費係里奧大人比嘛 ~

家姐又去埋媽咪屋企   咁我哋坐到 8 點就出發去將軍澳喇   Book 咗 8 點半   遲咗 15 分鐘呀   因為搵間酒店都用咗唔少時間 ~  

家姐有 Cash Coupon   但 20 號到期   所以叫我哋一齊食   真係無試過 3 個人食中菜   感覺好得意   好老餅呀 ~

差唔多 10 點幾就走喇   家姐坐巴士   我哋就坐地鐵   番到屋企都差唔多 11 點   沖埋涼都成 12 點先瞓   好攰呀 ~

鹿鳴春 @ 尖沙咀 ( 17-MAY-2013 )

叉子燒餅 - 脆卜卜   正呀 

炒肉末榨菜 - 如果加埋松子仁   口感更好呢

烤北京填鴨 - 無理由唔食片皮鴨嘛   不過其實真係無咩特別好食  


就咁齋食一塊皮都好飽肚

食 3 件已經飽哂

酸辣湯 - 越飲越酸

拔絲香蕉 - 今次無咁脆呀

( 17-MAY-2013  FRI )

今日佛誕假期又休息一日   真係爽爽爽喇 ~

瞓到 11 點先起身呀   之後拿拿聲梳洗就去食早餐呢 ~  

食完之後家姐就嚟黎   問去唔去 Mega Box   因為佢想去買油鹽樽   咁里奧大人都想去大眾睇啲攝影書   咁就一齊去喇 ~

家姐揸車接埋我哋   順便去埋舖頭   同埋比布甸比姑奶   搞掂哂就即走 lu ~

今次去 Car Park 都多人   一樣要排隊   不過就無上次入到 Car Park 都要排隊等上囉 ~

去到分頭行事   之後差唔多 3 點就去 Ikea 食嘢   食完再分頭行事   差唔多 4 點幾就走喇 ~

第 1 次食 Ikea 嘅蘋果批   唔係好甜   蘋果肉好爽   都唔錯 

家姐車埋我哋番屋企   抖到 5 點半又出發去鹿鳴春喇   叫媽咪上巴士打比我   咁就可以同一架車一齊到尖沙咀喇 ~

Book 咗 6 點半   時間啱啱好   家姐新屋要度柜位   所以佢差唔多 7 點先到   不過都無咩所謂   晏晝嗰餐都未消化完 ~

食到差唔多 8 點半就走人喇   一齊坐巴士番屋企 ~

今晚都唔可以咁夜瞓 lu   因為聽日要番工   如果唔駛番工就好啦   依家真係好想星期六唔駛番工呢 ~

明輝茶餐廳 @ 九龍灣 ( 16-MAY-2013 )

( 16-MAY-2013  THU )

今日 Off 呀   之前試過去完旅行   第日即番工   完全係不在狀態   晏晝直頭想瞓覺添呀   辛苦到呢   自此之後   我旅行完第 2 日會 Off 休息喇 ~

10 點起咗身喇   同里奧大人去大家活食早餐   無咩人   超舒服 ~ 

食完番屋企抖陣   之後沖埋涼   又抖一抖   就搭地鐵去深水埗   去維記食豬潤麵呀 ~

之前星期六去要排隊   咁我又想試下嘛   所以一早 Plan 好今日去   真係唔駛排隊   不過如果要排隊呢   又唔係咁值咁喇 ~

豬潤麵 - 都 OK   但湯底好鹹   真係食一次就夠喇 

潤牛麵 - 里奧大人呢碗嘅豬潤有筋

咖央多 - 無咩特別   只係想食咋

食完去高登同黃金行下   一出商場   個天黑哂呀   又落埋大粒雨   所以唔再周圍行 lu   搭番地鐵去九龍灣   我哋去油麻地轉車   估唔到撞到台中團友   感覺好得意呀   同埋真係有緣啦   因為之前班車 Full 咗無得上嘛   佢哋又咁啱入嚟我坐嗰卡   佢一入嚟我即叫佢喇   最搞笑係雖然台中有傾有講   但原來無問對方貴姓   佢哋係我哋第一個傾偈嘅團友   但係今日先知對方係叫陳生陳太   呢位陳太嘅外型同聲線   勁似我教會朋友 Ivy   真係好有親切感呀   佢哋喺樂富落車   但原來佢屋企人都住九龍灣   所有間唔中都會嚟九龍灣   唔知到時會唔會有再見到呢 ~

今日行程不離開食啦   所以又去 Starbucks 喇 ~  

藍莓芝士蛋糕 - 好味道   因為我鍾意食 / Latte - 完全無味 

差唔多 4 點走人   因為好眼瞓   要番屋企瞓一陣 ~ 

4 點 40 分又要出門口   去 MCL 睇 5 點場嘅 Iron Man 3   咁當然又要食爆谷飲汽水啦   睇戲唔食爆谷真係無睇戲 Feel 咁㗎 ~

好好睇呀   所以話咁快就睇完   睇完都 7 點幾   里奧大人話唔餓   但可以食到   我覺得佢好勁呀   可以不停食嘢咁   我就講明只食菜   所以去明輝喇 ~

三聯有 85 折   里奧大人要去買本攝影書   咁我又陪下佢啦   唔係番到屋企又係坐 ~

差唔多 10 點就食布甸   襯新鮮就快啲食嘛   唔係一陣又唔記得食   山長水遠拎番嚟   過咗期就真係唔抵喇 ~  

鮮奶布甸 - 其實係焦糖布甸   好滑呀   威廉無介紹錯   不過食完一個係超級飽 

杏仁布甸 - 杏仁好香   但我食得多就唔得   會越食越怪味道咁