脆肉瓜金菇牛展 ( 8-MAY-2013 )

( 8-MAY-2013  WED )

又話今日會落雨   好在無落   但個天都灰灰暗暗架喇   我覺得應該夜晚放工先嚟落   因為好多時都係咁呢 ~

陪里奧大人買包   佢買菠蘿油   所以我早餐又食菠蘿油喇 ~

菇場有嘢做   時間過得快   不過快極都好仲係 11 點咁囉 ~

有 Lunch Box 唔駛諗食咩   衰里奧大人尋晚話食唔哂啲瓜   好飽喎   我問佢幾多嚿   佢話 2 嚿   之後佢話比埋我   我心諗   肯定唔止 2 嚿   點知今日一叮飯   見到真係 2 嚿脆肉瓜   係咪咁都食唔落呀   但又飲得哂 1 包石榴汁 ~  

本來諗住唔出街   咁 8 卦又問我出唔出   我話唔出   佢丙我呀   話係我叫佢食完飯唔好瞓   出街行下當做運動   我都完全唔記得自己講過   因為我依家都好懶下   咁佢講到咁   我就同佢出啦   順便換埋 Line 嘅公仔 ~

差唔多 4 點又有嘢做   呢啲時間有嘢做嘅話   我就會快手快腳做   唔想有心事未不咁呢 ~

放工同同事一齊坐巴士去淘大   落車之後各散東西   我去百佳買牛展   又買下薯片   我鍾意買啲真空包裝嘅嘢   脹卜卜好難袋   不過薯片好少係真空囉 ~

番到屋企抖陣   再食碗豬腳薑   差唔多 7 點 45 分先煮飯   煮好之後里奧大人打嚟話放工   咁等埋佢一齊食啦   炒埋佢尋日食剩嘅西炒飯   我就唔食喇   就咁食餸   因為食完碗豬腳薑覺得好滯呀 ~

是日懶餐 - 脆肉瓜金菇牛展

脆肉瓜金菇牛展 - 一心諗住用黑椒汁   點知樽黑椒汁發霉呀   用咗 1 次咋   心都痛   所以用四川擔擔麵醬煮囉   又驚里奧大人話辣   唔敢落咁多   不過落 1 大湯匙其實都唔辣嘅 ~ 

呢期我勁鍾意睇 "中國好聲音"   啲人真係唱得好好聽   真係好自然會合埋眼去聽   正到不得了   所以依家多咗 " 親佬活動 "   因為里奧大人都會忍唔住一齊聽呀 ~