西貢半天遊 + Pizza Bird (外賣) @ 媽咪屋企 ( 11-MAY-2013 )

環遊世界 (薄批)

香蒜肉絲意粉 / 蒜蓉包

心之寶石 @ 東海堂

粒巨鑽原來係粒朱古力   仲以為唔食得添   真係好多朱古力   蛋糕底係成塊朱古力   東海堂啲蛋糕都幾好味   食完唔會 "鞋" 口

( 11-MAY-2013  SAT )

每月一 Off 喇   每個月最期待就係呢一日呢 ~

去大快活 Share 食一個早餐   之後番屋企抖陣   再等埋家姐電話   就一齊行去搭小巴入西貢喇 ~

到西貢都已經 2 點喇   好餓呀   要食嘢喇   好似叫到食晚餐咁   所以我哋係捧住個肚走呀 ~

泰式生蝦 - 蝦都幾爽   但個汁唔夠醒胃   我同家姐食哂啲泰式生蝦   之後里奧大人問知唔知啲生蝦點整   佢話睇住個人點整   所以唔敢食

脆豬肉 - 原來一碟係咁多   食剩 1/3   打包留番今晚食   我覺得厚切好味啲  
木瓜沙律 - 唔夠凍 

馬拉盞通菜 - 惹味

牛丸湯金邊粉 (冬蔭功湯底加辣) - 加咗好多隻辣椒   家姐都話好辣   所以我哋覺得勁勁辣

沙爹串燒 (牛肉 / 雞翼 / 雞腎) - 想食串燒咋

隔離檔買嘅咖哩魚蛋 / 燒賣 / 粉果 - 啲汁好味   燒賣都好煙韌

見天氣都唔錯   所以又坐船出去睇睇景影影相喇   3 點半開船   沿途停低講解下啲石嘅形狀似啲咩   真係好在佢有講   唔係真係好難想像呀   睇完就開船走 lu   差唔多 4 點半番到碼頭 ~

今次坐 " 貓記 "   好似 $30 一人   里奧大人話呢間英文名叫 Kitty  
烏龜爬上山   係家姐話我知呢舊石咋   我指錯咗另一舊石   仲要話埋比里奧大人知添  

左邊綠色係隻獅子 / 機械人山   黃金戰士 ?! 

見到有義工擺檔   叫人收養流浪唐狗   BB 狗仔真係好得意   個樣懵盛盛   我抱嗰隻仲得意呀   嗲到呢   我抱咗佢好耐先捨得走呀   因為我好掛住朱朱呀   抱住佢好似抱朱朱咁呢   不過朱朱就惡好多 ~

去埋松記飲杯珍珠奶茶就走喇   差唔多 5 點幾出到九龍灣   里奧大人番屋企擺低相機   家姐同我就去東海堂拎蛋糕   之後就一齊去媽咪屋企 lu ~

要比驚喜媽咪   所以叫里奧大人入門口先   同媽咪係咁講嘢   我就即入廚房放好蛋糕呢 ~

我同里奧大人同家姐都好飽   所以叫輕便套餐算喇 ~   

食完我就拎蛋糕出嚟   媽咪超驚喜呀 ~  

8 點走喇   我哋趕住番屋企執嘢呀   我呢排真係好攰   次次旅行我都會早幾日執哂所有嘢入喼   出發前嗰晚只需要里奧大人 Double Check 同埋擺好啲位   但今次真係到 Last Min 先執呢   我覺得最緊要係帶內衣褲同叉電器   呢 2 樣無帶都幾麻煩呢 ~