丸龜製麵讚岐烏冬專門店 @ 九龍灣 ( 12-NOV-2016 )

我最愛嘅野菜天婦羅   其實就咁食一個已經超級飽   哈哈  

酸菜飯團   好似九蚊雞   勁貴啦   不過好想食   哈哈  

炸蝦餅 + 熱醬油烏冬   

( 12-NOV-2016  SAT )

今朝 7 點 15 分起身   因為約咗家姐食早餐   我落樓即問佢喺邊   估唔到佢快過我   所以我即刻跑去茶餐廳呢   哈哈 ~

食下傾下最開心   家姐成日叫我咩都唔駛驚   佢咩都會幫我   我話我無嘢   喊咗出嚟就無事   其實有時唔想比佢知我唔開心   但我無理由唔同佢講   我好多生活鎖碎事   咩朋友咩同事   我都會同佢講   所以佢好清楚我啲嘢   仍都好了解好明白我呢 ~   

下次唔再食鹹肉糉   食完真係好鬼飽

今年 9 月經歷咗好唔開心嘅嘢   所以依家唔會咁隨便同里奧大人講咁多關於自己嘅嘢   我認為自己解決到就得   我覺得自己真係變咗獨立咗   無辦法啦   咁快比我知道啲人最醜惡嘅一面   我一定要好好保護自己呢 ~

食到 8 點 45 分   呵呵   送埋家姐搭車   我又飛去搭車番工喇   感恩一去到有車   但都遲咗 10 分鐘番到菇場 ~

家姐今朝特登焗咗麵包比我食呀   好香呀   估唔到又幾好味噃   所以我叫佢下次整比阿 mi 食   話哂叫做自己整嘛   哈哈 ~

菇場又忙   好在放工前搞掂 ~

里奧大人頭先拎部 Tab 出去旺角整   咁我放工直接去 mega BOX   尋晚已經諗定去 Ikea 食嘢   見去到都差唔多 2 點   所以食埋先去買嘢喇 ~

家庭拚盤 ($39) - 香草雞膇 (4 隻) + 煙燻蜜糖腸 (2 件) + 芝士薯波 (8 粒) 甜粟米   樣樣都啱哂我食   但所有嘢嘅味道都麻麻哋   哈哈   特別係條腸   烚咁嘅   好怪囉

呢塊牛扒好似血淋淋咁   但口感係 "鞋烚烚" 㗎   同埋最勁係無肉味   不過咁又好喎   我唔可以食太濃肉味   會覺得反胃   咁樣無味反而覺得勁正   好記得去阿 mi 屋企打邊爐   佢食咗一啖龍躉就話好啱我食   我諗緊點解話啱我食   之後佢話啲肉好 "鞋"   啱哂我   呵呵

就係食完無味嘅牛扒   再食番呢粒肉丸   覺得好大陣肉味   所以叫里奧大人食哂去   

諗住睇戲   但都係覺得好多嘢搞咁   所以下次先睇 ~

去 AEON 買個細衣櫃   再買埋枕頭同雪櫃就走喇 ~

好攰呀   所以坐 Shuttle 番九龍灣   食埋雪糕先番屋企 ~

家姐中秋節比張 Coupon 比我   11 月 24 日到期   所以快啲食埋去   用八達通加 $15 就變雙球   咁就抵囉   原價就一定唔食㗎喇

番到屋企即上網登記雪櫃   今次抵呀   買滿 $490 就用 $1,790 買部雪櫃   原價要 $3,780   好在個職員同我哋講咋   唔係就買咗貴嘢 lu ~

搞掂哂都 7 點   其實唔餓   但又好想食嘢   哈哈   咁去食烏冬啦   好想食野菜天婦羅呀 ~

呢排頭暈暈   所以去埋滿記食芒黑白先番屋企呢 ~

抖陣就沖涼   睇下電視   12 點都瞓 lu ~