好感恩一覺瞓天光呀 雖然 8 點起身 但瞓咗 11 個鐘 所以起身都好精神 ~
我同里奧大人講話估唔到咁好瞓 佢好大反應話前晚瞓咗 4 個幾鐘咋 唔好瞓先奇 哈哈 ~
民宿要 8 點半先有早餐食 咁我哋沖埋涼 落到去就啱啱好有得食 ~
勿打擾
入去食嘢喇 原來呢度係用餐嘅地方 我尋日仲以為係廚房添
Open Kitchen
我同里奧大人講 有佢最鍾意食嘅菜 哈哈
得 4 張枱
我哋坐近窗口
望出去係咁嘅
我以為係 Menu 呀
受刑
凍咖啡 粒冰係咖啡冰
開餐喇 我好想食蛋餅好耐喇 因為好似好煙韌咁呢
我份整得無咁靚啊
好浪漫嘅心心型餐具 一定唔會喺我屋企出現 哈哈
里奧大人居然食得哂 好勁呀 不過都好開心見佢食哂 等如真係放鬆心情呢
水果 Jelly 好稀咁 所以食哂啲生果就算喇
我坐喺度睇電視 里奧大人問我做咩帶衛生巾 我心諗做咩講 "衛生紙" 唔講廁紙 咁我再問咩呀 ?! 佢再答衛生巾 咁我忍唔住入去睇係乜巾 比佢講完 又覺得包裝幾似 哈哈
個拖板好求其安裝咁
其實我初初以為包嘢係 Dum Dum 啊
今日跟 Local Tour 一日遊 所以 9 點半要喺門口集合 等車出發 ~
我哋會 Join 埋其他民宿嘅人一齊去 總共 9 個人 我同里奧大人 同我哋住同一間民宿嘅男女朋友 另一間嘅兩母女 同再另一間嘅一家三口 (父母加女) 一齊人就出發去第一個景點 ~
開車接其他 "團友"
依家先留意成條街都係民宿 哈哈
繼續去接其他團友
踏單車還島遊
我哋坐呢架九人車
呢座民宿好特別呀
呢架車型呀 我叫里奧大人幫我問車主 可唔可以比我坐上車影相 個車主話可以呀 之後即刻影幾張 因為費事團友見到又影 始終人哋做緊生意嘛
租電單車 但里奧大人行去睇嘅時候 話啲女仔根本唔識點控制 覺得咁樣租比人真係好危險囉
企喺馬路中心影相
睇番呢架車笑死我 里奧大人 Send 呢張相去群組 阿 Mi 話咁似劏車嘅 ?! 仲問我哋跟邊間 Local Tour 㗎 ?! 我諗到佢當時個樣 應該係難以想像用咁嘅車嚟車人去景點 之後里奧大人話 Sorry Send 錯咗 佢即話玩嘢呀 哈哈
里奧大人幫我低炒 當堂好似跳到好高咁呢 哈哈
里奧大人彈跳力勁我好多
佢話隻手點解會向後彎 ?! 我唔知點答佢好
人樹合一 着住件迷彩衫 好似玩 War Game 咁呀
我就咁向下望都驚啦 哈哈
睇石頭嘅嘢 最緊要 3 分形象 7分想像 唔想唔像越想越像啦
我好鍾意呢張相 好似支支樹枝都好有氣勢咁 哈哈
一家大細一齊睇人頭
咁其實真係好似一個人嘅側面嘅
就咁望住藍藍天空都好舒服呢
保護區
好大個人頭呀
無人頭嘅地方就真係無人頭喇 哈哈哈哈
最右手邊係 PI 嘅其中一幕拍攝場地 "白砂灣"
白砂灣 係唔可以行入去影相呢
好似隻蝴蝶
有個人樣啊
好多人咁噃
我哋無行落去睇呀
周圍影下
企到邊 影到邊
我其實覺得呢度無咩嘢好睇 哈哈
衝呀
唔知以為佢哋掘金
啲沙好污糟 但呢個小朋友好鍾意玩 細細個都唔知咩叫污糟 最緊要有得玩呢
呢度就真係大把人頭喇 哈哈
踩緊平衡木
周圍環境係咁嘅 所以無人頭睇嘅話 應該無咩人會嚟 哈哈
睇番相先見到 原來可以行去人頭附近
驚落雨 所以着 Cross
坐 10 分鐘車到砂島 10 點半唔夠都要上車喇 因為又開始落雨呀 ~
好想瞓覺 哈哈
佢哋都要抖抖啦
出發去另一個景點 "鵝鑾鼻公園"
又坐一陣車 好快就到鵝鑾鼻公園 真係勁有鴨仔團 Feel 因為我無諗過景點距離咁近 哈哈 ~
落完雨好好陽光啦 即係好鬼熱呀 行呀行 影完燈塔再行另一邊睇海 其實我開始有啲唔舒服 好想嘔 好似中暑咁 但無理由唔行嘛 好在有木櫈坐咋 可以休息 5 分鐘 ~
@ 鵝鑾鼻公園
自己買入場票 個頭髮都吹到成個顛婆咁了
曬到呢
記述
又曬又熱
洗手間 ?!
終於上到去喇
咩都唔想睇呀熱到
佢哋好開心自拍呀
着住白色衫扒喺草地影相 勇呀
好靚啊
好似噴啲白雲出來咁
行出啲就望到個海
另一邊係咁
好多人喺度影相
我影得唔夠突出
好似有個女仔喺度祈禱咁呀
雲層好低
芒草 ?!
落番嚟喇 行到就來仲暑 嗚嗚
有樹遮蔭都無用啦 一樣咁熱 哈哈
熱到呢
行呀行 里奧大人做咩做呢個動作嘅 ?!
棵樹好似隻鹿仔呀
努力向上
去洗手間 順便洗埋隻手臂
其實喺度野餐都唔錯
我已經充滿力量喇 銀牙 可以繼續行
原來又係咁
地下好多枯枝
有個人坐喺度釣魚
今日超級好天 (=熱+曬)
又嚟番呢度 lu 仍然好多人
我同里奧大人講話可能會有蛇出現 佢問我點知 ?! 我話牛乸咁大隻牌有條蛇喎 你唔係睇唔到呀嘛
我要坐呀 因為已經勁想嘔 同埋眼前黑黑哋咁 作中暑了
其實呢度真係好舒服
都好多人行
行番去集結地點喇
好似十字架
我話對面係南丫島
出去喇
唔知有無嘢買呢 ?!
我鍾意睇呢啲小擺設 因為應該唔貴 同埋一定有當地嘅特色
跟我番屋企喇
里奧大人一定會主動比錢 哈哈
11 點半集合 再坐 5 分鐘車去景點 "台灣最南點" 原來又係行行行 好在行 10 分鐘左右 同埋係平路都 OK ~
原來又係望下海 我覺得無咩特別呀 哈哈 ~
我最鍾意嘅麵包車
行去 "最南點" 係一個景點嚟㗎
繼續行行行 呢段路無風呀 雖然係平路 但都行到我好辛苦 好鬼焗
到最南點喇
台南最南點呢個坐標 好似成塊 Grill 咗嘅麵包咁 哈哈哈哈
人生真係到呢度一次就夠
@ 台灣最南點
唔好落雨喎
里奧大人好努力咁教人哋點用部手機 後尾發覺原來佢係團友
老婆跌落海都唔知喇 哈哈
到此一遊
細細隻嘅紅蟹仔
熱呀
行番出去 lu
一路開車一路篤手機 加上呢日又大風 佢架車又輕 勁危險囉
@ 12:07pm
12 點集合 15 分鐘後就到龍磐公園 呢度就超勁正喇 但好大風 不過頭先咁熱 吹下都唔錯 差唔多 1 點就去食嘢喇 ~
@ 龍磐公園
又一路行行行啦
好舒服呀 雖然超級大風 但真係好涼爽囉 頭先真係熱到暈咁滯呀
又見到呢粒大珍珠
企喺度吹吹風 超舒服呀
我一定唔會行出去 哈哈
有啲恐怖
日日對住就好了
我哋企咗喺呢個位置好耐 因為吹住海風實在太舒服喇
好似企喺沙上面影相咁
望住海 真係好舒服好舒服
行咁出 簡直係高危動作呀
大爸舞 ?!
兩粒太陽眼睛 哈哈
兩嚿化石
難得高速公路無車 所以即飛出去影相
影完無耐就有車喇
呢支綠茶味道好怪 甜嘅 好似飲緊無氣嘅汽水咁
喺澳洲玩過一次 上上落落咁 好刺激㗎 所以覺得呢度係行平路 就無咁好玩 lu
1 點半去到食店 估唔到咁多人囉 呢間食店係司機介紹嘅 咁是但啦 我哋都唔想再搵 好在等咗 10 分鐘就有位 司機叫我哋一齊坐一枱最好 咁樣唔駛大家等大家 始終之後仲有景點要去嘛 ~
咁我哋一齊食飯 之後介紹邊度地方嚟啦 佢哋個個講國語 兩母女係大連 男女朋友係北京 初初我哋以為係一家人嘅一家三口 原來唔係一家人來㗎 見佢哋一齊行同一齊坐 無諗過唔識囉 哈哈 阿叔阿嬸係四川人 個女仔都係大連人 我就最慘啦 唔多識聽國語 ~
一落車 已經聞到腥味
我哋嘅 Tour Guide
入去喇
好多海鮮
全場爆滿
一齊坐 所以一齊揀嘢食
我唔明點解唔比人加點菜囉 第一次嚟食 無人知妳份量有幾多㗎喎
每人一碗飯
大叔話啲餸嚟哂先好開始食 因為一碟份量唔多 咁嚟哂一齊食 感覺多啲喎 但最後都好似等唔齊就開餐 lu 費事啲嘢凍哂嘛
好爽脆 唔知咩菜呢 ?! 只知道 NT$150
蛋炒雨來菇 (NT$150) - 睇番張 Menu 我記得呢個係青菜類 但味道完全唔記得 lu 應該無咩味 如果好味 我一定記得 哈哈
白灼蝦 - 都幾彈牙
蚵仔酥 (NT$250) - 香口嘢最正啦 同埋咁多人一齊食就最好
糖糟魚塊 (NT$250) - 都 OK 啦
綜合生魚片 (大) X 2 (NT$400) - 夠冰凍 正呀
每塊都係厚切 咁 NT$200/碟真係好抵囉 同埋我最開心係有希靈魚呢
清蒸魚 (時價) - 都幾好味
手信區
如果有團友買 我都會買一樽試下嘅 可惜無人買 呵呵
呢啲零食無咩興趣
實在好飽呀 連試食都試唔落呢 所以無買 lu
呢餐好似每人 NT$300
喺呢間食 Lunch
又見到最鍾意嘅麵包車 但我要橙米色 粉紅色太 Lady 喇 同我唔多襯 哈哈
2 點 20 分又出發去睇出火 2 點 35 分睇完 2 點 45 分都齊哂人走喇 過程勁快 哈哈 ~
又有狗仔
原來係另一架車 仲以為係同一架車嚟添
呢度好多狗仔呀
初初睇覺得無咩唔同 後尾里奧大人話係無咗隻前腳啊 可憐
狗仔狗仔 你要堅強生活呀
我同里奧大人話睇出火 佢應該好期待 呵呵 不過我無講比佢聽實則係點 哈哈
@ 出火特別景觀區
依家行落樓梯梗無問題 但諗番一陣要上樓梯就有啲驚囉 哈哈
咁多人嘅
好 "大" 火喎
兩隻表演嘉賓
發出好大聲嘅求偶叫聲
Hello 妳好
原來有 3 隻鴿
開始了
里奧大人好搞笑 以為啲白鴿食紙巾 我話係食爆谷呀 都唔得同佢介紹下添 哈哈
火鳥
個個睇完白鴿交配就走人 lu
無人望出火嘅地方 哈哈
原來影緊車底有隻狗仔
見到車底有隻黑狗嗎 ?!
頭先隻 3 腳狗呀 應該係呢個女人養呢
其實無人道毀滅已經好好㗎喇
呢隻黑狗唔係又得番 3 隻腳呀嘛 ?!
坐咗 15 分鐘車去恆春老街 講明只係睇阿嘉的家同南門 ~
咁見架車坐得好舒服 里奧大人話 Book 埋聽日出高雄 司機話會坐番呢架九人車 之後其他團友都 Book 埋去清境同其他地方 ~
開車去另一個景點喇
2 點 40 分到恆春老街 又係無咩人喎
好女仔嘅電單車
阿嘉之家係一個景點 我無睇台劇 所以唔知係咩 但我睇到話嚟呢個景點嘅時候 以為介紹啲古老民居添 哈哈
完全無睇過海角 7 號呢套劇
呢度好似係一間 Cafe
呢架就啱我喇 我鍾意米色同啡色呢個 Combination
好多閉路電視
又見到好女仔嘅頭盔
唔知點解 我覺得唔係咁乾淨咁
又嚟番呢度喇 我叫團友都買碗嚟食 佢哋好聽話呀 哈哈
我的團友們
成條街靜英英
好熱呀 今次食刨冰 我企度成隻企鵝咁 哈哈
我本身想芒果味 不過無哂 所以要百香果味道
開始整喇
佢好似偷食咁 哈哈
好似好正咁
第 1 次坐喺街食刨冰
好味呀 又夠哂凍 百香果酸酸甜甜勁正呀
3 點半又上車 之後司機話有小杜包子啲包好好食 咁個個都話想試 咁就去啦 原來轉個彎就係 第一日嚟到墾丁 阿伯司機又話好食 天書又話好食 不過我唔會有期望 始終我對包類飽肚嘢興趣唔係咁大 最搞笑有個女仔問我好唔好食 我笑笑口 里奧大人幫我答一般 我真係覺得好一般囉 但見啲人真係打包成 10 個 ~
我食食下個包 發現里奧大人條頸紅哂 原來曬傷咗呀 佢話頭先有啲痕㗎 但唔知原來咁嚴重 所以我叫佢即刻去洗下條頸 我再幫佢搽俄羅立英 真係好在我有跟身咋 ~
又去另一個景點 "小杜包子"
經過長長嘅走廊
我哋由後門行入去買包
好多員工都電單車代步
行緊去販賣區
唔怪得頭先見到有人拎住兩大袋包啦
好多部機一齊蒸包 果然好好生意
原來好多人已經排隊買包
有隻狗仔好舒服咁瞓覺呀
個招牌真係好唔起眼喎
得呢幾款包
里奧大人坐低放相機 之後我一望 望到佢條頸紅哂 原來曬傷咗條頸啦 心痛死我喇 所以我叫佢即去廁所抹乾淨條頸 之後我幫佢搽俄羅立英 好在我不嬲有跟身咋 感恩感恩
包子出場喇 但其實我好飽
呢個女仔托部電單車托咗好耐 我以為佢想泊好啲個位 但原來佢唔夠力托出嚟呀 最後叫個男仔幫佢托出嚟呢
唔怪得佢個樣咁啦 哈哈
熊貓車頭好得意呀
又過咗一日 lu
周圍都有狗狗
望住呢度食包包
3 點 50 分上車 15 分鐘後到貓鼻頭公園 我發覺景點與景點之間多數 15 分鐘就到 都算近呀 ~
咁行上去影相啦 對香港男女講嘢大聲到呢 話自己 50 歲無女朋友 個女又講點點點 真係由行上去影埋相 再行埋落去都聽到佢哋把聲 頭都痛 完全影響別人心情 ~
經過呢個地方先去到景點
入場要 NT$30/人
我有帶記事薄 但放咗喺車 所以無得 Chop
@ 風吹砂
偷影
啲雲嘅形狀 好似一條條咁
都係呢啲海景 哈哈
本來係欣賞風景嘅好地方 但可惜啲人好大聲講嘢啦
無咁曬 最舒服呢
有腳嘅雲
@ 貓岩
似一隻貓 ?!
呢邊無咩嘢睇
又見到南丫島 哈哈
有隻鷹
望落去係咁嘅
比里奧大人好好享受 1 分鐘獨處時間 哈哈
出力跳
再出盡力跳
其他地方無咩好睇 哈哈
但靜靜哋幾舒服
咁樣睇佢條頸係兩節色
由朝到晚都係睇海
神呀 救救我吧 拿走我嘅唔開心啦
仍然繼續影
喺呢條路徑步都唔錯喎
唔好放屁呀下
吸佢上去 哈哈
揀相最痛苦 因為張張個景都差唔多
望另一邊係咁嘅
就嚟日落喇
走人喇 叫里奧大人幫我影下啲炸魚
好似幾好味咁 但一諗曼谷啲燒魚 我唔敢買來食 lu
唔知咩味道呢 ?!
呢啲旅遊車好舒服
4 點半出發去關山附近海灘睇日落 又係 15 分鐘就到 關山睇日落係我呢個 Trip 最期待嘅 點知佢話係關山附近海灘 因為佢話喺關山係要比錢喎 咁我覺得有呃人成份啦 因為講明係關山家嘛 ~
着裙揸電單車 真係好危險囉 同埋佢坐到好似跣咗落去咁
要是我同里奧大人坐 會好易反車 因為重心向後移 哈哈
濛咗添
到關山隔離喇
零零舍舍一嚿石 我覺得形狀好似海獅
好多地方都見到狗狗
好鍾意見到椰樹
去海灘行下
附近有地方比妳洗腳 不過好似要收 NT$50/人 都好貴喎
一貓一狗
睇相當擁有
超級靚
今日真係又曬又熱
其實我勁驚個浪 同埋好驚整濕條褲
喺度扮指揮家
好有氣勢咁
咁鍾意做呢個手勢嘅 ?!
左手咩事 ?! 幻想抱住我嗎 ?! 哈哈
係咁影 影到個人都攰哂 哈哈哈哈
望住個海 真係好舒服
無哂人 lu
行番出去睇日落喇
唔好擰轉面 哈哈
咩都影下先 無咩機會喺海灘附近影相呢
火紅
影埋最後呢張 個天都黑哂了
5 點 35 分開車番墾丁 我一上車 大連女話里奧大人好似一個台灣明星 但我唔知佢講邊個呀 佢阿媽都話里奧大人似嗰個台灣明星呀 究竟係邊個呢 ?!
6 點左右到墾丁大街 lu 我哋今次即買即食喇 ~
佢哋係咪堅似 3 父女呀 ?! 但其實個女仔係自己一個跟 Local Tour 㗎
好鬼鍾意佢呀 最邪又係黃色 其實里奧大人唔講 我真係唔覺自己鍾意嘅公仔 好多都係黃色呢
見到阿 Bob 就開心呢
好大隻 所以一定唔會買
試食咗一嚿拔絲地瓜 都幾好味 不過我話呢啲勁飽肚 都係唔買喇
里奧大人自己去呢檔買㗎 話睇個樣好似好好味咁喎
好似 NT$45/串 確實好味道喎 彈牙又有墨魚粒
有幾個檔口 都係以車做檔口 幾好喎 唔駛搬搬枱枱
唔近民宿呢邊 就無咩人行
民宿附近就多人行呢
又見到狗狗 佢哋個身都好乾淨
里奧大人居然話想食薯條 咁食啦 難得佢想食炸嘢
老大薯條 有 7 款味道 我哋要日式海苔味道
呢兩盒薯條 唔知係真定假
咁熱天時仲企喺街炸嘢 堅佩服佢呢
薯條實在太飽肚 我都已經整走哂啲沙律醬 但都好漏咁 好似食剩一半 真係唔想食囉
初初睇到 以為咩叫 "打西果" 我買咗嚟飲啦 味道幾 OK
我等緊杯飲品嘅時候 突然感覺到好有壓迫感 同埋有個大黑影咁 再望一望隔離 唔怪得之啦 佢好高大好肥
白苦瓜蜜糖
西瓜呀 勁想劈開佢 哈哈
好有滑浪 Feel
啲店名好得意
尋晚就係坐呢啲大巴番墾丁
電單車頭好得意呀
大腸哥 你係咪姓朱㗎 ?!
今晚都多人呀
滷水海帶 食完唔駛番香港都似 哈哈
我都唔記得自己飲咗啲咩 lu
里奧大人話呢罐啤酒唔好飲
晚餐
蒜蓉同酸菜真係好好味 我真係可以連食幾日
炸完再落辣粉 我第一次咁食滷水嘢 哈哈 不過我唔鍾意咁囉 無哂滷水味 同埋好熱氣呀
里奧大人開心就會影食物
睇佢邊望邊開啤酒 都應該會影相留念
果然無估錯 望完覺得好得意就影
買咗 2 包餅乾仔做聽日 Lunch 因為要坐 2 個鐘頭車出高雄呀
番到民宿已經 7 點半 我沖埋涼先開餐呀 ~
月黑風高
變咗色 哈哈
真係好鍾意屋企有聖誕樹
浴室無遮無檔 我真係唔係太鍾意 因為我要坐喺床邊食嘢 會望到個馬桶 哈哈
洗手間都好乾淨
啤酒樽燈罩 其實都幾環保
執好行李 再睇多陣電視 11 點幾先瞓 ~
呢日行程完畢 ^^
沒有留言:
發佈留言