越棧 @ 九龍灣 ( 17-NOV-2016 )

香茅雞翼/豬頸肉撈濛 - 其實我覺得食物好似好味咗   因為之前已經話唔再嚟呢間食   但我又突然好想食撈濛啲醋   所以嚟食囉   食食下   里奧大人話啲嘢食好食咗   原來佢都覺   附近開咗幾間新食肆   佢再係咁唔好食嘅話   就真係好易比人淘汰囉

香茅豬扒/生牛肉湯濛

蒸粉包 - 里奧大人話食一件好飽肚   我話素之嘛   點會飽   之後佢比塊粉皮我睇   原來底部嘅粉皮係好厚   唔怪得佢咁講   哈哈        

炸春卷

上湯浸蘿蔔

椰汁三色冰 / 椰汁紅豆冰 - 唔明點解少甜係變咗無味   完全無椰汁味   離譜

( 17-NOV-2016  THU )

今朝里奧大人 10 點去佐敦見客   所以同我食早餐   之後佢再上網揀機位   又搞掂一樣嘢   爽 ~

菇場唔太忙   同阿 mi 又傾下偈   傾傾下又喊   情緒真係唔多好   仲諗住自己無事添   不過佢教我放開   其實佢成日都叫我放開㗎喇   但只係自己做唔到   不過我都應該要學會放開啦   下下咁喊唔多掂   個人完全係負能量滿瀉   雖然我認為事件改變唔到   就一定要轉變自己心態   但其實講就易   當發生喺自己身上   真係要時間適   其實阿 mi 都講中好多嘢   我自己都要反省   好在我識啲朋友都係正面   唔係我死都似   哈哈 ~

好喇   傾完又開心啲   原來都差唔多 Lunch Time 添呀   今日食 Special K + 朱古力奶   好味道呀   其實我係鍾意乳酪多啲   不過懶得去買 ~

又忙下停下   希望今日忙哂   聽日 Hea 過啦 ~

今晚有雪柜到   所以放工即走 ~

師傳 6 點 15 分   搞掂哂我就番屋企喇 ~

里奧大人 7 點放工   我喺屋企等佢嘛   坐咗 20 分鐘   餓到有啲暈   我話落去越棧等佢   諗住叫嘢食先   但都係等埋佢 ~

食完即番屋企熨衫   之後沖涼休息 ~

勁眼瞓呀   所以 10 點半即瞓 ~