里奧大人嘅牛展+蘿蔔酸辣米線 (小辣) - 啲牛展 "鞋" 到呢 連我都覺得難吞呀 里奧大人就最慘 明明想食紫菜 + 牛肉 但我話牛展係滷水 會好味啲 咁我又想食 1 嚿蘿蔔 佢咪轉哂我啲嘢囉 好在蘿蔔好甜咋 唔係就慘 哈哈
( 12-OCT-2017 THU )
感恩一覺瞓天光呀 如果日日係咁就好 lu ~
今朝 8 卦早過我到茶記 所以幫我叫埋 咁我今朝飲凍咖啡 阿姐同 8 卦講 話唔舒服唔好飲熱嘢 估唔到佢記得我唔舒服 之後我到啦 咁瞓得好當然人都精神啲啦 阿姐同我講話見到 8 卦就精神 唔係以為我地拍拖呀嘛 @@
菇場超級勁忙呀 不過咁又好喎 好充實咁呢 哈哈 ~
Lunch 食蛋糕 本來買比家姐 不過佢又無拎到 咁唯有我食啦 ~
食到 2 件已經好勁㗎喇 聽日就食埋件朱古力味 真係食 Cake 食到驚
同家姐傾電話 我話佢依家好大食 食完早餐 4 個鐘就可以食碗河粉 之後家姐話隔咗 5 個幾鐘呀 妳係咪有病呀 ?! 哈哈哈哈 佢啲語氣好搞笑 第一次聽佢講話我有病㗎 之後我話佢原來係好似糟糟咁呀 佢好鍾意話人有病㗎 哈哈 ~
終於做埋長命 Report 喇 再做埋其他煩嘢就搞掂哂 諗住抖啦 阿豪又比新嘢我做 驚我悶嗎 ?!
放工即走 番到屋企抖陣 里奧大人 7 點幾放工 咁我話去食酸辣米線呀 無啦啦勁想食 ~
食完行陣 之後個肚有啲唔舒服 又想嘔 仲開始有啲暈咁 要拿拿聲番屋企喇 ~
我覺得係飲咗啖凍好立克囉 食完碗米線都好 OK 但飲完之後就唔太舒服 平時我番到屋企即沖涼 但今晚抖咗 20 分鐘先去沖涼呀 ~
上網睇 "微辣" 睇到 11 點都瞓喇 好在個人都舒服番好多咋 ~
沒有留言:
發佈留言