雞菘 & 鹹肉炒飯 + 冬瓜紅蘿蔔粟米薏米豬骨湯 ( 15-JUL-2018 )

( 15-JUL-2018  SUN )

今朝 9 點半起身   沖埋涼就去食早餐喇 ~



食完就番教會   崇拜完畢就同里奧大人各自活動啦   佢約咗車匙同榛子去 APM 食 Lunch   我就去 Taste 同街市買餸   之後再買埋杯珍珠奶茶即番屋企喇 ~

飲完杯奶茶就煲湯   之後開機洗衫   但勁攰囉   又熱熱哋咁   所以又沖個涼   咁又精神啲喎 ~

有精神就執嘢啦   本來執埋鞋櫃   但都係抖下好啲   哈哈 ~

5 點左右執完哂喇   里奧大人啱啱番到屋企   話頭先啲嘢食唔哂   所以拎咗番屋企   咁無問題啦   炒翻熱就搞掂   咁頭先買咗嘅腐皮卷同齋滷味就留番聽晚食呢 ~

之前我買咗木瓜同龍眼   菜菜仔又比咗啲芒果荔枝同蜜瓜比我   所以切好哂就放入雪櫃   當堂整齊哂咁呀   其實啲生果圓碌碌放入雪櫃好阻定   入盒整齊好多   哈哈 ~

差唔多 6 點半都煮嘢喇   我開始有啲餓了 ~

是日懶餐 - 雞菘 & 鹹肉炒飯 + 冬瓜紅蘿蔔粟米薏米豬骨湯

雞菘 & 鹹肉炒飯 - 一餸 + 一飯   雖然分開炒   但最後都放埋一碟   之得一齊炒啦   哈哈 ~

冬瓜紅蘿蔔粟米薏米豬骨湯 - 係時候飲番啲袪濕湯水   同埋好耐無飲湯   好想飲囉 ~

搞掂哂就大清潔廚房   之後即沖涼喇 ~

9 點半就食紫米糕   阿 mi 特登整咗 2 盒比我拎走㗎   勁有心   最搞笑係里奧大人居然唔知   仲成日問幾時拎   講到我鬼鬼祟祟咁 ~



口感好似食緊 Cheese Cake 咁呀   今晚想唔肥都難   哈哈



冠軍賽一定要睇啦   雖然眼瞓   哈哈 ~

好在都刺激   可惜克羅地亞輸啦   如果唔係更加開心呢 ~

睇完即瞓啦   里奧大人就睇埋啲精華片段先瞓 ~