打邊爐 @ 屋企 ( 9-JAN-2021 )

美國牛板腱 / 韓國急凍蠔 / 水餃拚雲吞 / 水魷魚 / 鮮冬菇 / 炸魚皮 / 什錦丸 / 芫茜蘿蔔粟米湯底

( 9-JAN-2021  SAT )

今朝 9 點半起身   沖埋涼就等家姐電話 ~

買埋早餐   家姐就可以接我   咁樣唔駛等嚟等去 ~

一入屋見到 Berry 喺餐枱底   唔係咁驚我呀嘛   好在之後熱情地撲我咋   哈哈 ~

原來我上個月 19 號見完 Berry   到依家先見咋   怪不得好似好黐我咁啦   真係比我摸實臉珠錫佢㗎 ~

食完早餐就即同 Berry 玩啦   佢仲係咁聞我   之後仲比我抱   真係 2021 年最開心嘅事呀   可惜影唔到相   因為家姐一郁   佢就會即跳落嚟   不過我都抱得唔耐   因為依家佢 30.2 磅呀 ~

好似好斯文咁

又裝下人

又聞下嚿骨

聞咗好耐先咬

一係就舔下舔下咁 

心不在焉

我同家姐傾緊偈   家姐見佢係咁咬毯   以為乜事   原來 Berry 無啦啦將嚿骨放喺張毯入面

係咁咬張毯   因為唔知嚿骨已經喺佢隔離   哈哈

家姐好笑   佢話睇咗好耐   問 Berry 姐隔離黑色嗰條係咩嘢 ?!   我話係妳阿妹條腿囉   哈哈哈哈 

咁迫嘅情況下都照咬   哈哈哈哈

好難得乖乖咁坐喺我隔離

咁睇好肥   但其實都算係瘦   佢朋友仔 5 個月   同佢 Size 差唔多咋

話咁快又 1 點幾   里奧大人咁啱都放工   咁我都搭巴士出九龍灣喇 ~

一上車打比里奧大人   但佢話未走得   咁我諗住行陣德福   之後佢又話差唔多到 ~

我話去南記食 Lunch   佢勁開心 ~

感恩有卡位   呢間湯底非常濃呀   希望次次食都係咁啦   哈哈 ~

招牌辣豬肉+招牌春卷米線 ($47) 

招牌滋選小鍋 ($57) 招牌辣豬肉+招牌春卷+魚片+冬菇

食完就去日本城睇邊爐鍋   之後去德福睇行山鞋   但唔係咁靚 ~

最後去實惠睇下邊爐鍋   估唔到有個仲好   所以即買喇 ~

里奧大人拎個鍋番屋企先   我就去街市買餸   今晚買水餃居然要排隊   仲只係得水餃同雲吞   不過無所謂   因為里奧大人話想食呢兩樣   哈哈 ~

番到屋企都 5 點幾   沖埋涼就休息下   今晚終於可以喺屋企打邊爐   勁開心呀 ~

7 點左右開餐   個鍋啲水唔會起泡同唔出煙   但其實已經係好熱   咁又幾好喎 ~

食幾隻鮮冬菇咋   之後就成個胃脹哂   所以食剩大半碟丸同幾片牛板腱   雲吞又食剩   本身想食蘿蔔   但都唔敢再食   其實今次份量勁似一人鍋  哈哈 ~

洗完碗就開機洗衫   沖埋涼就休息一下   今日滕咗一日有啲攰 ~

8 點幾又開始追劇   睇到 12 點先瞓 ~