燒汁焗雞肶 + 芫茜皮蛋魚片湯 ( 16-FEB-2021 )

煮完個拉麵   先再將迷利福建炒飯放落碟   原來份量咁多   今日睇又唔覺喎   真係好後悔煮咗個麵先呀   哈哈

( 16-FEB-2021  TUE )

連放幾日假   都預咗瞓得唔好   因為番工有壓力   係驚唔知醒起身囉   估唔到尋晚簡直係瞓得勁差添呀 ~

食開間茶記無開   所以即轉場買   點知等好耐 ~

8 點半番到菇場   抹完成張枱先食   都已經 8 點 45 分喇   要快快食呢 ~

預咗唔會忙   但好眼瞓   好在同 8 卦 Skype   起碼唔會瞓着   哈哈 ~

瞓到好似彊屍咁   好得意呀

仲瞓得好林

11 點幾公司群組通知放 1 點   勁開心呀   所以約里奧大人食午餐 ~

好搞笑   我打比里奧大人話放 1 點   佢第一句就話係咪同佢食   如果唔係唔會無啦啦打比佢喎 ~

坐多陣就大家一齊派利是   又收利是   12 點半左右就食開年乳豬   之後就可以放工 lu ~

開工利是 & 老闆利是

1 點幾到里奧大人公司   同佢啲同事打聲招呼就去食 Lunch 喇 ~

頭先食咗兩件乳豬   當堂飽飽滯滯咁   以往我可以食好多家嘛   依家真係年紀大喇 ~

去街市買生果   但好多檔都未開   咁買埋湯料同菜就番屋企喇 ~

今日真係好攰   所以番到屋企沖涼洗頭   如果沖完精神就更好啦   但如果眼瞓想瞓   咁乾乾淨淨瞓都舒服嘅   哈哈 ~

望住個鐘已經 4 點   其實真係眼瞓到爆   但合埋眼又瞓唔到   咁睇 Youtube 啦   估唔到一瞓就瞓到 4 點半   起身好精神 ~

抖多陣又抹哂所有嘢   之後開機洗衫   拖埋地就休息一下   始終肉體上都係攰   哈哈哈哈 ~

里奧大人 6 點放工   要預備晚餐喇 ~

番到嚟都要等一陣先可以開飯   哈哈 ~

是日懶餐 - 燒汁焗雞肶 + 芫茜皮蛋魚片湯

燒汁焗雞肶 - 次次焗都唔脆皮嘅   初初好激氣   但依家都習慣喇   哈哈   但勝在夠入味   如果唔係就慘   哈哈 ~

芫茜皮蛋魚片湯 - 成日以為 2 點幾魚檔唔開   原來有開   所以即買鯇魚片喇   依家芫茜 $3/扎   不過我都會買 3 扎   諗起有次一大包芫茜只係 $10   即買嚟同家姐 Share   依家應該唔會有 lu ~

洗埋碗就再沖身   之後睇電視 ~

里奧大人熨衫   依家真係習慣佢熨衫   我次次摺完啲衫真係好唔想熨   哈哈 ~  

今晚 10 點 45 分瞓覺   感恩有睡意   因為 4 點瞓咗覺嘛 ~