八星報喜 ( 9-FEB-2021 )

韭菜水餃 / 鮮蝦水餃 / 牛肉餡餅 / 紅油皮蛋 / 酸甜蒿頭 / 芝士流心丸 / 腐乳西生菜 / 源氏蝴蝶酥

除咗水餃同西生菜係買之外   其他都係屋企儲備   順便清下雪柜都唔錯   哈哈   里奧大人見到蝴蝶酥   話我好求其喎

( 9-FEB-2021  TUE )

今朝又凍咗喎   呢兩日仲會落雨添呀 ~

瞓醒樣   咁影好似好大隻咁

早餐食奶醬多   濕濕軟軟甜甜哋   其實幾正㗎   係食到悶啫   其實可以買其他麵包 + 1 杯熱咖啡   但 1 杯熱飲要 $17   再加個餐包都要 $5   又要街頭街尾分開買   咁樣好煩   所以成日都食呢個多士餐   哈哈   

點解會咁瞓嘅   真係好搞鬼呀   下次我見到咁瞓就好喇   不過機會好微   因為佢成日昅住我

菇場唔忙   可以做埋啲之前無時間做嘅嘢 ~

Lunch Time 陪 8 卦一齊出去買飯   之後到我買酸辣米線番菇場食喇 ~

4 點幾收到 Email 通知新年幾時開工   明點解成日咁遲通知   搞到我好似懶神秘唔講比人知幾時開工咁   哈哈 ~

準時放工   今晚去街市買水餃再買菜同牛仔骨   第一次覺得買咁少嘢   唔駛拎咁重嘢真係好舒服呀   哈哈 ~

里奧大人 6 點半放工   我啱啱番到屋企   所以要即刻預備晚餐喇 ~

今晚整個八星報喜   本身諗住五福臨門   又想六六無窮   但想到清咁冰格嘅儲備   就整夠八星報喜   哈哈 ~

除咗水餃韭菜餃同西生菜   其餘全部係屋企儲備   咁樣清下啲食物又唔錯喎   呵呵 ~

里奧大人見到碟蝴蝶酥   話咁都算一樣餸 ?!   我話是但啦   比個臉   我好辛苦先諗到要擺啲咩   哈哈 ~

8 點左右同家姐交收   傾咗幾句都走喇   因為好鬼凍呀 ~

八珍訂嘅蘿蔔糕 (大) + 芋頭糕 + 黑糖年糕 + 桂花糕 (大)   因為芋頭糕好滯   我同家姐 Share 一底大嘅

新年利是 & 生日利是

Baby Yoda 個樣勁得意   哈哈   里奧大人見到佢喺度   個樣嚇到呆咗呀   話我做咩會鍾意佢㗎

又要煮湯丸喇   里奧大人話年廿八要食湯丸   我完全無呢個概念   我仲話年三十先食添 ~

寧波芝麻湯丸 

里奧大人 11 點唔夠就瞓   我就打機打到 11 點 15 分先瞓 ~