秘魯波子提 ($60/磅) - 呢度兩磅幾 預咗家姐一定買比我 因為佢講咗十萬次話要買比我
多多脆心鳥結糖 - 家姐呢幾年都會買 所以都會益我
八珍鹹蛋散 - 上次話想訂 不過驚太大包 無諗過又買比我囉 因為呢包都唔細啦
陸金記開心果 & 黑瓜子 - 呢下佢好勁 買完就會話覺得我鍾意食
家姐朋友自家制什錦曲奇 - 家姐送比里奧大人嘅 話伯爵茶味好味道喎
高雲牌午餐肉 - 之前百佳 $88/4 盒再送 1 罐亨氏湯 所以每人各買 4 盒
( 6-FEB-2021 SAT )
尋晚半夜發惡夢呀 家姐喺度吸我靈魂 點叫都叫唔到 有一下避開咗就即刻大叫呀 我自己都感覺到叫聲 之後里奧大人拍一拍我 但我好似無理佢就瞓番 ~
今朝起身勁攰呀 發一發惡夢真係死好多細胞 ~
星期六多數食啲平時唔同嘅早餐 但其實都只係吉列魚柳 哈哈 ~
瞓得好林喎 一陣就可以見到佢喇 開心開心
9 點鐘只見到阿花同溫總 仲以為咁多人 Off 添 之後先陸陸續續有人番嚟 ~
搞掂哂個長命 Report 可以了咗件心事 ~
放工即走 同家姐喺新都城等 ~
見家姐喺餐廳出面同個男人講嘢 原來係佢同事 佢最開心啦 終於見到我 因為佢成日話要見我喎 呢個男同事都好好 有咩筍嘢會即同家姐講㗎 ~
今日家姐洗費係我全包 其實因為就嚟新年 無咩買到比佢 哈哈 ~
氹仔風味豬扒包配滋味脆薯條 ($35) - 家姐問我香烤豬扒同氹仔豬扒有咩分別 ?! 我話氹仔風味係咪加咗啲醬呀 ?! 之後佢話佢睇錯 香烤係 Chicken 我話好在無問人咋 哈哈
日式燒汁鰻魚丼飯 ($48) - 估唔到家姐想食鰻魚 因為我想食好耐啦 因為里奧大人唔多鍾意食
家姐話買呢個揮春比里奧大人 我心諗想里奧大人身體健康 ?! 之後問做咩送比佢 ?! 家姐話佢好鍾意呢個公仔 我真係爆笑 我話點解妳話佢鍾意 ?! 話因為里奧大人喺群組成日 Send 呢隻公仔 但其實都唔係呢隻囉 咪肥嘟嘟就話係先得㗎 完全兩個樣囉 咁我夜晚同里奧大人講呢件事 佢都差啲笑到噴水 哈哈
家姐真係好搞笑㗎 同佢睇過卡通片一次 就同同事講話佢妹夫鍾意睇卡通卡 最離奇話里奧大人偶像係 Steve Jobs 真係連佢本人都唔知 哈哈 ~
行咗一陣千色店就去惠康喇 因為我 Enjoy 卡有 92 折 咁家姐買卡夫芝士 話就咁 $60/2 包唔買喇 又要特登再買 $40 先有折 之後我話買 4 包囉 我要 1 包 但佢話多得滯 咁買其他啦 我哋再買 4 Pack 益力多同 3 Pack 電芯 之後再買 3 支威猛先生就走人 之前話唔夠 $100 所以唔買 依家買買下變咗二百幾 但我覺得好抵呀 因為啲嘢係特價再有折呀 ~
我話搭的士番屋企 但無啦啦塞車 家姐心痛啦 我話用錢買時間啦 同埋真係唔見有巴士入 如果搭巴士 5 點半先番到屋企 ~
已經 4 點半 要爭取時間比 Berry 玩 ~
影完呢張 佢無啦啦走開 又要等下先影得
家姐真係好鍾意八哥
我叫到喉嚨痛 佢先肯上梳化
係都要啤下我先安樂 哈哈
坐定定咪乖囉
又嚟 哈哈哈哈
Berry 姐同家姐都有 1 封大利是 我上次同家姐講話買咗 1 Pack 好鍾意嘅利是封 家姐個樣好嫌棄話: 唔係蠟筆小新呀嘛 咁都比佢講中 勁呀
我送朱古力比里奧大人同事 里奧大人比完佢之後 就收到盒禮物 我話肯定佢收完即刻去買份禮物啦 實在太客氣啦 仲要禮盒裝 真係唔需要囉
里奧大人留比我食 所以佢唔鍾意食零食都好㗎 益咗我 哈哈
家姐企喺工人房門口同工人講煮咩餸 咁我其實坐喺客房 但家姐唔知 等家姐講完正想行開 我就答 "好呀" 嚇到佢彈一彈起 之後唔記得佢講咩第時見到會咩咩咩 我話依家習慣下見到 咁到時見到真嘅咪唔駛驚囉 佢話啋過妳大吉利是過妳呀 哈哈哈哈 ~
差唔多 7 點就走人 今晚又拎一大袋嘢 ~
番到屋企即大清潔廁所 沖埋涼就預備晚餐 ~
里奧大人 8 點幾番到屋企 但要等多陣先有得食 所以叫佢可以慢慢沖涼 哈哈 ~
唉 里奧大人隻眼紅咗一大撻 似微絲血管爆裂 佢話可能之前用手摔眼 其實之前都紅咗 但好番無咁紅 但今日勁紅同大撻咗 所以叫佢聽日一定要睇醫生 眼睛好緊要 唔好再拖 ~
是日懶餐 - 燒汁洋蔥金沙骨 + 自家制麵包
燒汁洋蔥金沙骨 - 終於清埋個日本洋蔥 估唔到咁襟擺 可以再入貨 哈哈 ~
自家制麵包 - 今次嘅洋蔥雞肉脆包好味呀 ~
洗埋碗就再沖身 之後休息 ~
咁我比里奧大人 1 封利是 因為我之前出咗雙糧 咁家姐有佢都一定有嘛 ~
佢前幾日比雙糧我嘅時候 話我又唔比佢 所以我今晚比佢嘅時候 好認真話以後唔好講話無比佢 只係我想近新年先比佢呢 ~
抖陣就睇戲 不過里奧大人 11 點唔夠都瞓 我就 11 點半先瞓 ~
沒有留言:
發佈留言