馳名狗仔粉 + 細雜燴 (外賣) ( 22-JAN-2022 )

狗仔粉 ($33) + 細雜燴 ($31)   外賣盒+$2   咁樣都要 $66   其實我覺得貴呀   對於我嚟講呢啲係小食嘛   哈哈哈哈

( 22-JAN-2022  SAT )

今朝落毛毛雨   但唔覺涼咗   只係覺得非常之痴痴立立 ~

早餐食沙爹牛肉麵   最衰無得少麵   唔係要半個就夠了 ~

菇場忙咗陣呀   之後等放工 ~

里奧大人 12 點半整牙   不過 1 點都未到佢呀   所以我買埋排包就番屋企 lu ~

家姐一陣去我屋企   所以買雷神朱古力同香蕉比佢   里奧大人差唔多番到屋企   叫埋外賣就等佢拎 ~

番到屋企都沖涼洗頭   滕來滕去有啲熱   哈哈 ~

食咗少少咋   所以要留番聽日了

食完就睇 Youtube 啦   里奧大人就瞓晏覺 ~

估唔到家姐 3 點幾到咗   我以為佢 5 點幾先嚟   因為佢話想我番學前見下我嘛   之後話糟糟頭先車佢嚟   怪唔得咁早啦 ~

頭先特登買兩個荷蘭撻   話買個比佢   估唔到家姐話想即刻食   因為我初初驚佢唔食呀   哈哈 ~

我諗住用手機影相   但唔見部手機   之後家姐喺褲袋拎部手機出嚟   原來佢袋咗我部手機落褲袋呀   真係好恐怖呀   如果唔係拎電話   真係唔會知佢拎咗我部手機囉   同一款機殼真係好危險   哈哈 ~

家姐差唔多 4 點幾走   之後我就執下嘢   佢又比好多嘢我呀   不過我唔食得住啦 ~

$20/包好抵   所以同家姐每人 2 包

之前諗緊同唔同家姐 Share 好   因為佢屋企太多朱古力   加上我又買咗朱古力比佢   但我覺得唔比又唔安樂   所以都係問佢要唔要 ?!   佢話要小小就得   不過我都分半包比佢   因為佢要得嘅就肯定鍾意食   但又驚我無哂   哈哈

家姐喺八珍買嘅芋蝦同蛋散   佢再叫糟糟幫佢買開心果同多多曲奇   咁我叫佢比少少黑瓜子   我話兩三湯匙就可以   點知佢比咁多我

多多了結糖   我都特登唔問家姐有無買   因為我驚問完   佢以為我好鍾意食又特登去買   不過原來佢都有買   嘻嘻

無啦啦又比兩個葡撻   話新鮮好味喎   不過我番學前先食呢

姐夫朋友買咗 4 盒比家姐   其中一盒係唔辣   所以比我   我超級勁愛呢啲魚仔㗎

里奧大人差唔多 6 點先起身   傾咗陣都要番學 lu ~

今晚遲咗落堂   我差唔多最後先走   哈哈 ~

買埋晚餐就番屋企喇   食完抖陣就沖涼 ~

星期六唔會咁早瞓   因為食完嘢無耐就瞓   我唔得㗎   個胃會頂住頂住咁   好唔舒服   所以今晚係 12 點幾先瞓   但其實算係好夜   哈哈 ~