4 件雞桶餐 ($117) - 4 件香辣脆雞 + 2 件巴辣香雞翼 + 蘑菇飯 + 格格脆薯塊
家姐晏晝同糟糟佢哋食自助餐 所以都仲好飽 工人又話唔食 咁得我同里奧大人食咋 食剩 2人件雞同 1 隻雞翼 留番聽日做 Lunch
藍莓芝士撻 ($45) - 真係好耐無食 仍然咁好味呀
特濃朱古力蛋糕 ($40) - 里奧大人鍾意食就買啦
( 11-MAR-2023 SAT )
又係一覺瞓到 7 點 感恩感恩 不過今朝唔做運動 懶床到 7 點 20 分先起身 ~
因為星期六要食飽啲 所以要食豐富早餐喇 哈哈哈哈 ~
菇場當然唔忙啦 可以溫下書 ~
放工去 MOS BURGER 買埋 Lunch 先番屋企 感恩唔係等好耐呢 ~
食完就睇 1 集 "Island" 差唔多 4 點就出發去家姐屋企喇 ~
今日係里奧大人話要去家姐屋企 因為要整個電腦 ~
好感激里奧大人整幫手買同整 仲要係佢幫家姐揀顏色同約時間 再特登喺公司拎 Cooler 果然夠細心 ~
我同里奧大人講話間店都好細心喎 整埋個手挽位 佢話係佢自己整㗎 哈哈哈哈
咁我咃喺家姐房整嘢嘛 Berry 全程跟住哂 仲向里奧大人發出 "弧弧聲" 呀 我話無計啦 依家係我哋入侵咗佢間房呀 哈哈哈哈 ~
里奧大人影㗎 話 Berry 成日裝下裝下 但又唔敢入嚟 哈哈哈哈
里奧大人整完 我坐低睇下個 Mon 位置好唔好 咁發覺張櫈突然郁郁下 我以為想爛呀 點知一望 原來係 Berry 坐咗喺我隔離呀 其實平時家姐做嘢 佢都係咁樣陪住家姐呢 ~
佢真係好得意 點都喺我隔離
我估我唔郁 佢應該會瞓着
但又會八下里奧大人做緊乜
大功告成 感激里奧大人幫手呀
難得佢上床抖下 就同佢影下相啦
今日 Berry 女真係好緊張咁 成日黐住我咁喎 里奧大人之後仍然喺房整嘢 咁我出去梳化坐 Berry 又跟住我呀 真係開心死我啦 哈哈 ~
佢個美臀黐住我㗎 其實係咪暗示叫我坐開啲呢下 ?!?!
黐到實一實
個身好修長
個樣好緊張咁
用隻手仔按住零食
鄰居送比 Berry 家姐話佢好鍾意咬
驚驚青青
好似條尾巴呀
差唔多 6 點就出去搵食 咁我着鞋嘅時候 我聽到 "di di da da" 聲 原來係里奧大人喺廁所出嚟 Berry 女急急腳縮入梳化底呀 做咩咁驚呀傻啤梨 ~
Berry 對眼全程望住里奧大人 攰唔攰呀妳 ?!?!
佢唔會望住鏡頭㗎喇 因為全程望住里奧大人方向
里奧大人行緊過嚟 哈哈哈哈
家姐又話唔多食嘢 咁去元氣壽司啦 但要等 50 個就一定唔等 所以我話買家鄉雞去家姐屋企食好過 ~
我同里奧大人睇緊食咩 佢突然間話嚇死 嚇到我以為咩事 ?!?! 原來家姐嚟咗 佢話有人挨個頭埋嚟嚇死佢呀 因為佢唔知家姐嚟呢 哈哈 ~
等嘅時候 我就去買蛋糕做甜品 之後再 Join 番一齊番屋企 ~
番到屋企 里奧大人第一時間叫家姐睇下張電腦枱 家姐話咁樣做嘢舒服好多呀 ~
瞓喺餐枱隔離等我哋
睇完就開餐喇 工人又坐埋嚟傾偈 Berry 又呢埋喺枱底先搞笑 係咪見里奧大人喺度 所以保護家姐呀 ?!
里奧大人話見到黑色一嚿嘢 以為係 Berry 嘅"紙"呀 哈哈哈哈 但其實係佢隻手仔呢
咁食雞翼有骨嘛 家姐叫里奧大人將啲骨放地下 里奧大人話地下 ?!?!?! 家姐話係枱面先啱 哈哈 里奧大人頭先以為真係要放喺地下比 Berry 食㗎 哈哈 ~
之後里奧大人又問茶几個膠袋要唔要 ?! 我同家姐一齊答佢 但一個話要一個話唔要 之後里奧大人話今晚咩事呀 ?! 搞到佢好亂呀 哈哈哈哈 ~
家姐又比好多嘢我 之後咩都問我要唔要 ?! 我話唔要啦 已經兩袋喇 ~
9 點走人 家姐同工人順便同 Berry 出街 我哋 4 人 1 狗一齊等車 咁工人拖住 Berry 但里奧大人又話想拖 咁轉手比佢拖啦 之後 Berry 居然跟住行咗一段路呀 我哋 3 個都喺度大笑 話哂 Berry 同里奧大人最唔熟嘛 ~
之後見到 Berry 扯住里奧大人跑嚟我咃嗰邊呀 里奧大人話 Berry 停低咗再望佢 2 秒 個樣即刻好驚咁呀 之後要即衝番嚟我咃嗰邊 家姐話應該頭先交手嘅時候 Berry 以為係工人 所以跟住佢囉 我話下次要再試多次 ~
番到屋企沖埋涼諗住休息下 估唔到里奧大人話睇 " Island" ~
Berry 今晚應該好好瞓 因為今日做咗一日看更嘛 哈哈哈哈
睇到 11 點半都要瞓喇 因為聽日要早起身呢 ~
沒有留言:
發佈留言