打邊爐 ( 12-MAR-2023 )

仍然沙爹湯底   今次只加粟米   因為我唔想食白蘿蔔   

蝦滑 - 呢個一定食得哂   哈哈

椰菜餃 & 鳳城水餃 - 買咗1打   但食咗半打就夠了

韓國蠔 - 終於清哂啦   呢樣最開心呀

牛板腱 - 買半磅食剩一半   又可以留番

呢期好鍾意食蟹柳   我買咗磅雜丸   但只係拎幾粒出嚟   咁樣先有打邊爐 Feel 嘛   哈哈

響鈴 & 炸魚皮 - 今次唔買即食炸魚皮   因為想食與唔想食之間咁   不過最後真係無食到呀

響鈴食唔哂啦   留番睇下點食好   哈哈

( 12-MAR-2023  SUN )

今朝同里奧大人一齊食早餐   食完就到佢公司幫手   但今朝無咩嘢做   只係同頂爺傾計   嘻嘻 ~

番完學再去里奧大人公司幫手   之後崇拜完畢就去買餸喇 ~

經過超市又入去睇啦   我好開心見到熱浪薯片 $21 買 2 送 1   因為之前想買但無特價嘛   我拿拿聲拎 3 包啦   比錢嘅時候   收銀員話多謝 $42   我話:吓....   收銀員話買 2 送 1 嘛   我話: 係呀 (好在無同佢講話唔係 $21 咩?!)   唉   我以為 $21有 3 包呀   哈哈哈哈哈哈哈哈哈哈哈哈

里奧大人差唔多 2 點就番到屋企   啱啱好可以開餐 ~

食完又好似好攰咁   但又瞓唔到   咁睇電視啦 ~

家姐尋晚比我㗎   辛辣麵先搞笑   係都要同我 Share   我都忍唔住話   唔好次次去親妳屋企都買嘢比我拎走啦   今日見里奧大人嚟埋   所以比得更多   因為幫我拎

之前買嘅澳洲盒裝紅布冧 ($29.9)

我鍾意食細細粒嘅生果   因為好食就好食   唔好食就要一次食大大個好慘   哈哈哈哈

今日頂爺請我食的

里奧大人 3 點半瞓   我就 4 點瞓到 4 點半   不過都係好攰咁   所以都唔做運動喇   咁熨 3 機衫啦   真係熨到出汗呀   要開冷氣添 ~

差唔多 6 點就預備晚餐   不過打邊爐真係好簡單   擺落碟就搞掂   哈哈哈哈 ~

洗埋碗都即沖涼喇   抖多陣就同里奧大人睇 " Island 大結局"    之後再睇 2 集 "信仰的背叛" ~

好在 11 點都眼瞓咋   咁我自己瞓先喇   里奧大人就繼續睇 ~