椰香咖哩薯仔牛仔肉 (外賣) + 蜜汁醬爆金沙骨 + 菜心苗 ( 17-MAR-2023 )

尋晚食剩㗎   所以我話打包   咁仲剩咗幾塊餅皮   蒸熱都好正㗎   里奧大人夾埋鴨片比我食   話我鍾意食   算佢啦

( 17-MAR-2023  FRI )

臨起身發個夢係見到媽咪   但佢視力有問題   要工人拎比佢睇先睇到   但我好奇怪點解會咁 ?!   因為我每星期都會見佢   點解無啦啦突然變差 ?!   之後我就成日陪住媽咪   仲對佢好溫柔   呢下唔似我呀   哈哈 ~

之後就係自己搭長程車番工   又一路行一路同 CC 傾偈   但成個夢好亂囉 ~

今朝 6 點 57 分醒咗   但又可以繼續瞓到 7 點 25 分   唔錯唔錯 ~

感恩起身都精神   真係好怕成日發夢   哈哈 ~

早餐食黑芝麻麵包   尋晚喺太子餅店買   佢啲麵包都幾好味呢 ~

菇場唔忙   又傾計啦 ~

Lunch Time 出去行大運   之後再買腸粉番菇場食   突然間好想食佢呀 ~

仍然唔忙   唔係上網就傾偈   咁 8 卦又叫我陪佢沖咖啡   佢之前買錯咗奶粉 Capsule   所以又要清埋去囉   不過佢只係要 1 格   咁佢話好似剩番好多奶粉咁   我剪開嚟睇下再聞下啦   之後叫 8 卦又聞下   我哋都覺得好臭呀   其實應該係奶羶味   哈哈 ~

放工即走   番到屋企即預備晚餐 ~

是日懶餐 - 椰香咖哩薯仔牛仔肉 (外賣) + 蜜汁醬爆金沙骨 + 菜心苗

椰香咖哩薯仔牛仔肉 (外賣) - 今日里奧大人中午食剩   本來仲有半碗飯   但佢放入雪柜嘅時候跌落咗地下   所以無得食 lu ~

蜜汁醬爆金沙骨 - 前晚食剩㗎   今晚食仍然覺得好味道   哈哈 ~

菜心苗 - 再之前剩㗎   拿拿聲煮埋去   最搞笑里奧大人以為今晚全部餸就咁蒸熱   咁唔駛我咁辛苦   之後見我拻菜心   佢問做乜整菜呀 ?!   我話未變冰菜就煮埋去啦 ~

洗埋碗抖陣就番祈禱會   差唔多 9 點完畢就即番屋企喇 ~

開埋機洗衫就沖涼   抖陣就同里奧大人睇 2 集"黑暗榮耀 2"   睇到 12 點先瞓 ~