公司春茗 ( 9-MAR-2024 )

乳豬好味呀   每人可以食 3 件

龍蝦好新鮮彈牙   都算大隻呀   我哋覺得食完都飽飽哋咁喇   哈哈

個濃湯夠熱   個個都話好飲   同埋話有好大梳魚翅

我同船頭最期待嘅蟹鉗

東星斑   但無魚味

無食呀

呢個都無食

仍都無食呀

食咗 1 件同埋 1 碗紅豆沙

( 9-MAR-2024  SAT )

尋晚瞓到半夜個胃好痛呀   唔知係咪啲藥太勁呢   瞓到 7 點 50 分先起身   做埋快測就即去沖涼喇 ~

今朝出去食早餐喇   去番菇場附近茶記食  咁就唔駛咁趕嘛 ~

早餐食吞拿魚治烘底   酸酸咪咪真係好好味   哈哈 ~

菇場唔忙啦   今日都唔敢食藥   唔係一陣眼瞓仲煩 ~

阿齋話我個樣好攰   我話感冒呀   之後佢話係咪佢傳染咗比我   因為佢坐我後面   不過佢都係比 BG 傳染   所以 BG 好快好番   哈哈 ~

12 點先嚟忙   好在放工前 5 分鐘搞掂咋 ~

放工即走   今日同里奧大人同家姐去整嘢   所以一齊食 Lunch 喇 ~

家姐想飲   所以里奧大人去買   但唔知呢杯係厚椰奶鐵定椰香鮮奶咖啡   只記得係 $9.9 咋

衰奧同家姐講話我暈呀   我特登唔講費事佢擔心   依家里奧大人又講咗   肯定又會成日問我有無暈   不過我都話依家腸胃咁敏感   真係唔敢食咁辣囉 ~   

里奧大人要番工   所以家姐陪我   咁傾下偈   好快又差唔多 5 點   所以同家姐一齊搭車喇 ~

今晚好早到酒樓   之後就到溫總同小 A   咁都好   可以一齊傾偈呢 ~

開席前就去洗手間啦   但我隔離有個位   之後我忍唔住同小 A 講   叫佢唔好比阿怪坐   佢喺度笑呀   話溫總又係唔想同阿怪坐   最後船頭過嚟同我坐   咁我可以安心去洗手間喇   哈哈 ~

差唔多 6 點   我哋好開心以為阿怪唔嚟啦   小 A 話佢有得食點會唔嚟呀 ?!  我問佢點解咁講 ?!   佢話今日西瓜叫工作人員   同埋唔想番屋企嘅同事可以去飲茶   其實西瓜意思應該係飲完茶番公司坐下   因為有啲同事住得好遠嘛   但阿怪都去咗飲茶   佢今朝仲要番 10 點   基本上成個會計部都好唔鍾意佢 ~

之後小 A 問我上次同怪傾啲咩傾咁耐 ?!   我話叫佢開個 Type 之嘛   小 Ａ 都話開一個 Type 就得啦   條數對沖到咪得囉 ~

溫總同小 A 話阿怪要個個都聽佢嗰套   我話我唔會囉   我只係 Under 西瓜   同埋跟足 System 做嘢就可以   真係唔好以為個個要聽佢話囉   做嘢又唔係掂先死   明明好簡單就變到複複雜雜 ~

6 點 10 分開始玩大獎遊戲   之後再影大合照   西瓜平時都會等齊人先玩遊戲   但阿怪未到都照玩   所以我估西瓜都好唔鍾意阿怪 ~

玩完 1 Part 原來已經 6 點 40 分   之後個阿怪先到   佢同老粗講話唔知坐邊個位   我哋無人理佢   老粗叫佢坐我哋張枱   因為老粗唔知我哋唔鍾意佢   哈哈 ~

一路食又一路玩   之後講大獎嘅同事可以玩終極大獎   但 4 個人有 3 個係工作人員囉   本身差啲係 4 個工作人員最高分添呀   所以好多同事都話唔公平   因佢佢哋開咗好多次會   點都會知道遊戲點樣玩先會贏   阿花阿齋阿妹玩可樂爆樽   一話遊戲開始   阿花同阿齋已經做好哂準備   連船頭都叫阿妹快啲望佢哋點玩呀 ~

最後阿花中咗大獎   我都替佢開心呀 ~

差唔多 9 點 45 分先散席   無啦啦又搞肚痛   真係好驚   不過應該啲嘢食油得滯呢 ~

感恩搭到尾班車   因為咁夜啲巴士班次會好疏   同埋一走又走哂要坐嗰啲先慘   哈哈 ~

番到屋企即沖涼   睇多陣電視   又同里奧大人傾陣偈   不過我 11 點 15 分都瞓覺先喇 ~