Hungry Korean @ 九龍灣 ( 19-MAR-2024 )

豆腐湯 ($54) - 仍然覺得好味道

辣雞肉鐵板燒 ($64) - 里奧大人都係例牌食呢個

( 19-MAR-2024  TUE )

感恩一覺瞓天光呀   鬧鐘未響都醒咗   不過點都等鬧鐘響先起身   嘻嘻 ~

焗完麵包就沖涼   搞掂就煲薑茶   所以 7 點 55 分先食早餐 ~

早餐食衛星包   今次覺得啲皮唔甜同唔太脆咁喎 ~

菇場忙下又停下   好快又到 11 點 45 分啦 ~

Lunch Time 出去陣下   之後食完鯪魚球米又再行陣   依家夜晚無做運動   咁想中午行耐啲   所以行到 12 點 45 分先番菇場 ~

唔忙就做自己嘢   一係就抖下   呢排身體弱雞咗好多   有得休息就休息   哈哈 ~

放工要番屋企同里奧大人一齊 Pack 玻璃杯碗碟   因為要送比教會   總共接近 40 件呀 ~

後尾先知原來係拍賣形式   咁我哋每件都係寫 $5   之後將所有收益當奉獻   因為我原本都打算送比教會嘛 ~

同工話其實有咁多人捐贈係好事   因為始終都係比有需要嘅人用的   同埋捐贈嘅物資係 9 成新同全新   咁肯定乾淨呢   之後同工話其實唔買咁多嘢咪唔駛捐囉   哈哈哈哈   里奧大人即刻話講得啱呀   不過我依家真係買咗好少嘢啦 ~

搞掂就去 Hungry Korean 食晚餐   里奧大人話去㗎   我問佢係咪好想食 ?!   佢話知我鍾意食先去食   哈哈   不過我話下次可以試下其他嘅   等佢唔駛咁悶嘛 ~

坐喺我哋隔離嘅男女   個男話韓國嘢食   咪來來去去得泡菜豬肉呢啲   無咩特別好食   我同里奧大人聽到都喺度笑   因為佢又講得啱   哈哈   韓國菜真係全部紅色   再唔係就係燒烤   唔識煮飯都識整韓國菜呢 ~

食完行陣就搭車番屋企喇   沖埋涼就即休息 ~

同里奧大人睇 "餐餐有宋家"   佢真係好搞笑   之前點都錄唔到   佢好唔開心呀   因為我無得睇   咁今日錄到就好開心同我講今晚可以一齊睇 ~

睇完再睇多陣 Youtube   今晚 10 點 40 分都瞓覺 lu ~