麥香雞 + 板燒雞腿包套餐 (外賣) ( 15-NOV-2025 )

( 15-NOV-2025  SAT )

今朝瞓到 9 點 45 分自然醒   沖埋涼就去食早餐喇 ~

一開手機就見到石頭好多訊息   因為我校咗靜音   尋晚電話叉完電就燜機無睇任何嘢   佢話我消失咁耐驚我有咩事呀   如果再唔覆就諗住叫黑珍珠通緝我   哈哈 ~

食完就番屋企執嘢   一執就執咗 2 個鐘   其實未執完   不過我想抖下 ~

我約番石頭食午餐   所以叫里奧大人早啲食埋   咁我一陣唔駛特登去買 ~

咁我尋晚同里奧大人講話唔同石頭食午餐呀   因為佢講咗句嘢令我唔係咁鍾意   所以里奧大人話我真係精神分裂   哈哈哈哈   咁我話嗰下嬲之嘛   之後無事啦 ~

里奧大人食完要即刻番工喇   石頭 1 點 45 分到   我就等埋佢先食喇 ~

食完就要去準備 LA 活動啲遊戲   差唔多 4 點 45 分先完畢   大家都好攰   哈哈 ~

石頭話想同我飲嘢   不過我話一定唔飲咖啡   之後佢話食糖水喇 ~

黑糖珍寶仙草 (芋圓 / 珍珠 / 小丸子 / 仙草)

我同石頭講話其實識咗 2 年唔係好熟   因為佢有啲朋友係識咗好耐   但佢話當我朋友呀   佢咩都同我講   咁又係嘅   佢真係咩都同我講   有啲都無其他人講㗎   所以好感激佢咁信任我呢 ~

食完就同石頭一齊番崇拜   之後我就去等里奧大人放工   今晚我話食麥當勞晚餐   里奧大人話估唔到   哈哈 ~

里奧大人去買晚餐   我就番屋企沖涼先喇 ~

今晚 8 點開餐都好   因為我今日食咗好多嘢   太早食係食唔落   哈哈 ~

食完就開機洗衫   咁聽日一次過可以熨哂所有衫喇 ~

睇下電視又繼續玩 "上海麻將"   玩到 12 點先瞓呀 ~