北京填鴨 (半隻) (跟一份摩摩皮約20塊) ($168) - 我同阿花都覺得一般 但 $168 呢個價錢就好抵
煎韭菜豬肉餃 (58) - 轉煎加 $10 我話想食煎呀 估唔到阿花話好呀好呀 呢個都幾好食
( 20-NOV-2025 THU )
感恩一覺瞓天光呀 天氣涼涼哋真係瞓得好啲呢 ~
今朝同里奧大人出去食早餐 食完就去佢公司坐陣先番工 ~
里奧大人話唔要咁多散紙 我叫佢比我 佢比咗 $80 比我 咁我話我都係幫你 Keep 住㗎咋 佢即刻話係鬼 估唔到佢反應咁快 哈哈 ~
菇場唔忙 又做自己嘢喇 ~
Lunch Time 出去完 A1 買包就周圍行下 好快又半個鐘 最後買埋燒賣炒米粉就番菇場喇 ~
芝士卷 $6.5 真係好抵 麵包舖都要 $8 啦
好耐無食 所以覺得超級好味道呀 哈哈
里奧大人今日下午放假 但無 Lunch Box 我叫佢食下午茶餐啦 所以佢食叉燒意粉 呢個都好食㗎
菇場 3 點先忙 好在 4 點搞掂 ~
阿怪真係怪到不能再怪 我開門出去洗手間 見到佢企喺門口距離 10 步左右 真係比佢嚇死 佢成日都係一聽見開門聲就即刻停低唔行 等人出咗門口 佢先入番公司 我唔明點解要咁做囉 ~
里奧大人話叫多個下午茶 食唔哂就可以帶飯 諗起佢以前唔鍾意帶飯 因為想出去行下 所以好感恩佢好鍾意公司 唔係唔會留喺度食飯 哈哈
放工即走 今晚同阿花食散水飯 佢話阿齋同船頭話同佢食晚飯 佢都唔食 所以我話佢好比面呀 哈哈 ~
本身想約佢食午餐 但諗諗下都係唔好 時間太趕咁 之後佢話食早餐 我話唔可以囉 邊有人請食散水早餐㗎 哈哈 ~
呢間食店係我揀嘅 因為行去 AIRSIDE 近嘛 ~
6 點就開餐 所以我哋叫半隻鴨同水餃先 唔夠飽先再叫 ~
好難得喺唔趕嘅情況下一齊食飯傾偈 我哋傾咗好多嘢 同佢傾心事係好放心 而佢又係知我唔會周圍講 我覺得喺職場搵到傾到心事嘅同事係好難 同埋我依家所有朋友都係由同事轉變成為朋友 其實好感恩㗎 可以 Keep 到咁耐嘛 ~
我以前成日同里奧大人講話喺呢間公司唔會有朋友 但估唔到同阿花同 8 卦變咗朋友 其實我都好開心 同埋佢哋唔做都係第一時間同我講 所以我都好感激佢對我嘅信任呢 ~
之後講開朋友 佢話屋企人係重要過朋友 咁呢樣我都認同 屋企人永遠係自己最大後盾 不過朋友都好緊要嘅 始終做得朋友係真係好了解自己 唔係話就咁吹水就叫朋友囉 ~
食到 9 點都走人喇 我比錢嘅時候 阿花話要夾番一半 我話黐啦 佢話要請番我食早餐 我話咁我平時飲熱都要加三蚊轉凍飲 佢話唔比轉 哈哈 ~
我叫阿花陪我搭地鐵呀 佢知我唔係地鐵人 好感恩大家都好快有車 咁佢唔駛等咁耐嘛 話哂特登陪我 哈哈 ~
番到屋企即開機洗衫 搞掂就沖涼 ~
里奧大人熨咗衫 咁我可以玩 "上海麻雀" 又係玩到 11 點半先瞓 ~
沒有留言:
發佈留言