( 26-NOV-2025 WED )
感恩一覺瞓到 8 點半呀 沖埋涼就去食早餐喇 ~
食完就番屋企抖下先 差唔多 10 點 15 分先出發 今次要坐頭等呀 因為普通車廂企滿人呢 ~
@ 紅磡站
我同里奧大人講話搭頭等要企就慘 里奧大人話好少會咁 點知過咗一個站 比我見到有唔少人企添呀 里奧大人話估唔到平日都咁多人上深圳 ~
11 點 15 分就到羅湖算快呀
順利過關
去深港融合商業街行下
我好鍾意睇糕點 所以里奧大人就影張相 如果喺商場見到有就會再睇下有無嘢啱食
我唔想食住 但又唔可以買番香港 因為第日又去旅行 唔想擺咁耐囉
呢個核桃養生糕幾吸引
我知道有阿甘鍋盔 所以叫里奧大人買個鍋盔食喇
買咗個紅糖豆沙鍋盔 (RMB9 約 HK$9.98)
行下行下 見到蟹黃湯包又想試下呀 我話 12 點食第二餐真係好勁 哈哈 ~
咁坐低之後 里奧大人去買嘢飲 佢好開心咁行過嚟話有珍珠奶茶 但我話唔飲呀 去旅行唔想飲有奶類嘅嘢 因為我腸胃比較易敏感呀 ~
@ 蟹季
呢個紅糖豆沙鍋盔無咁好食 因為我哋買嘅唔係即焗呀
招牌蟹黃湯包 (RMB38 約 HK$41.03) - 完全唔覺有蟹黃味道
但都有肉汁嘅
食食下又有男仔過嚟清潔波鞋 我哋真係講咗幾次唔需要 但我見隔離枱個女人好無禮貌咁趕人走囉 ~
食完就搭地鐵去酒店 只係搭一個站就到國貿 超勁方便 ~
今次三日兩夜 所以要拖細喼
我離遠話見到卓邦酒店呀 但里奧大人話睇唔到 我話因為我個高度啱啱睇到 哈哈
酒店係喺羋白酒店隔離條街
今次住卓邦酒店 都係我揀㗎 因為睇啲評價唔錯就住呢間喇 我揀咗雅緻大床房 (HK$366 X 2 再加稅合共 HK$$731.42)
12 點半到酒店 如果無得 Check-in 住就放低行李喺酒店先 ~
酒店大堂
咁里奧大人用國語同職員對話 之後職員講流利廣東話 咁就更加好啦 ~
職員 "毛毛" 話有兩間房比我哋揀 一間係三角形 另一間係中間有幅牆 不過佢形容完之後都想像唔到 所以叫佢帶我哋去睇下喇 ~
幾個職員嘅服務態度都好好
跟住職員行 呢層分咗 A 同 B 區
我好似係訂呢個間格 但睇完就唔係咁鍾意呢個間格
呢間間格好啲 所有轉呢間喇
第一時間同小度打招呼 哈哈
房間都光猛嘅
之後經過呢間 覺得間格仲好 所以記住房號 再問問職員可唔可以轉房
一出 Lift 就見到兩張大梳化
職員話可以轉房 但要加 RMB40/晚 里奧大人話無問題呀 ~
搞掂哂就周圍睇下 呢兩朝都會喺酒店食早餐 想睇下咩環境 ~
健康早餐 (RMB38)
早餐廳 / 洗衣房 / 健身房
地方唔算大但都闊落嘅
有間獨立房
洗衣房係免費洗衫
同層另一邊將會開亦境口腔 又係我呀 我好似等緊睇牙咁 哈哈
睇完就去搭地鐵去連城新天地 不過經過金光華 我就想同里奧大人食螺絲粉 但估唔到執咗 最搞笑里奧大人話地庫有兩個方向 所以再行另一邊 但係地鐵站嚟囉 所以要行番轉頭喇 ~
行下睇下原來已經 2 點 40 分 我真係有啲餓呀 所以話食完先去連地新天地 ~
我每次嚟到深圳 都會同里奧大人講話唔會飲茶打邊爐同食西餐 除非好餓而無得揀先會去食呢 因為我想食啲唔同菜式呀 ~
見到大師兄有紅燒肉 我話好想食呀 因為成日睇 Youtube 見人食到好好食咁 所以里奧大人話估我唔到會食呀 哈哈 ~
@ 大師兄
一站吃遍西北
全部都係我叫㗎 去旅行一定係我揀食物 里奧大人好信任我㗎 哈哈
肉臊雜醬拌面 (迷你小碗) (RMB13.9) - 里奧大人唔係咁鍾意食撈麵 但我話想樣樣試啲 同埋呢碗係迷你份量 其他麵食係正常份量 我驚太多食唔哂呀 好在里奧大人都話呢碗麵好味道咋
砂鍋紅燒肉 (RMB29.9) - 我自己煮都唔會咁新鮮熱辣上枱呀 哈哈
好味呀 啲肉係好腍又唔 "鞋" 估唔到仲有鵪鶉蛋 呢樣真係好耐係食喇 呢隻碟唔算高身 但我覺得份量都足夠二人食呢
鴨屎香檸檬茶 (RMB7.9) - 成日要搵就搵唔到 所以見到有就叫嚟飲喇
呢餐只係 RMB51.70 (約 HK$53.56) 真係又平又好味 下次可以試下其他食物呀 ~
食完就搭地鐵去會展中心站 只係搭 1 個站 車費 RMB3 (約 HK$3.3) 對於香港人嚟講 搭車唔駛 HK$5 真係算好平㗎喇 ~
呢個時間唔多人
@ 連城新天地 (B 出口)
貫通幾個商場
上次同里奧大人搵唔到蘇曉玥 因為喺崗夏站落車唔同咗方向 我哋又趕住番香港都唔認真搵囉 所以我今次要特登嚟番連城新天地 但都會第一時間睇水牌有無蘇曉玥 始終唔係成日嚟嘛
蘇曉玥江南小吃 B25A
經過茶百道就買杯水果茶 因為上次買過好好飲呀 里奧大人話我好有記性 我話因為記得 Logo 係熊貓呢 ~
@ 茶百道
里奧大人等緊茶嘅時候 我就走去試食 依家打到電話就最方便 唔駛驚搵唔到 不過我其實都唔會行得遠啦 始終唔係大家熟悉嘅地方嘛 哈哈
@ 蘇曉玥江南小食
超級杯水果茶 (RMB20 約 HK$22.17) @ 茶百道 - 最鍾意係可以帶埋飲品去食店 因為我多數飲出面買嘅嘢飲呢
少冰同 3 分糖
開餐
蟹黃小籠湯包 X 2 (RMB72 約 HK$79.82) - 終於食到喇 所以每人食一籠 職員話一籠一籠咁蒸要啲時間 我哋無問題啦
里奧大人擺喺匙更度食 點知漏哂湯汁 所以之後就直接食喇
好多湯汁
陳皮酒釀赤豆元宵 (RMB9.9 約 HK$10.97) - 我想試下甜品
可惜係暖暖哋 我唔係咁鍾意 但味道唔錯同埋芝麻湯丸係好味嘅
即叫 即造 即蒸 真係讚呀
我同里奧大人講話難得嚟度 再叫多一籠食啦
食 1 籠要洗 4 隻碟仔
呢餐 RMB117.9 (約 HK$130.70) 如果可以用港幣就更加抵 ~
食完真係有啲飽喇 所以一定要行下 ~
呢日未完㗎 ^^
沒有留言:
發佈留言