尋日諗左成日都諗唔到食乜好...而里奧大人又叫我唔好煮...咁就令到我更加唔想煮喇...可喺媽咪屋企瞓得唔係咁好...所以好攰...腦海一片空白...咩都諗唔到呀
依就算番到屋企幾攰都好...都要煲藥...唔係夜晚同第朝會無得飲...仲要煲多兩個月呀...點頂呀
里奧大人差唔多 8 點番到屋企...但仲未煲好啲藥呢...所以索性大火開蓋煲...煲完即走人喇...因為驚元綠好多人等位呀...去到好在有位啫...之後同里奧大人講不如食啲新野啦無咁悶...但我哋揀嚟揀去都係食番嗰啲...有冷辣辣麵 + 三文魚手卷 + 蠔情卷 + 鮮帶子壽司 + 天婦羅蟹柳壽司 + 素魚翅海哲壽司 + 和味茄子 + 元祿燒雞比薩 + 兩杯巨峰蘆薈...冷辣辣麵縮皮呀...以前係 1 隻蝦 + 3 片青瓜 + 蟹柳絲...依家得啲青瓜絲同蟹柳絲咋...不過又幾啱得喎...我次次都係將隻蝦比里奧大人享用既 (因為我食左好易皮膚敏感嘛)...於杯飲品係買一送一...叫一罐可樂都十蚊啦....依家十六蚊有兩杯喎...唔飲對唔住自己啦...埋單果時仲開心...因為原來用元祿 Visa Card 係有 8 折...埋單 $155...好過用元祿會員卡 (88 折) 呀...再送埋 7 折 Coupon 比我...真係好正呀
見唔駛煮飯咁他條...梗係要做番啲野嘅...就係開機洗衫喇...以前好鍾意出街食飯前開機洗衫...因為可以慳時間同埋一番到屋企就可以即刻晾衫..當做運動嘛...但依就唔會 lu...因為睇報紙成日都有洗衣機電線短路燒燬成間屋...好恐怖呢...妳知屋企有好多貴重物品同紀念性物品家嘛...
之後里奧大人話前晚按摩遇到啲搞笑野...話說里奧大人開完會就同女同事一齊去按摩...間按摩店係有另類服務提供既 (如果要的話...必須事先通知按摩店經理...因為房間係有啲唔同)...里奧大人話間店都 OK...最正係張床...有成 3 呎...唔似深圳嗰啲瞓上去就趺就趺咁...我覺得最正係我唔在場...開頭嘅時候...里奧大人都有同按摩女郎傾下閒偈...之後當按摩女郎幫里奧大人練隻飛毛腿時...按摩女郎就莫名興奮咁同里奧大人講: 我好鍾意男人有毛㗎...你見過方中信未㗎...佢好多心口毛㗎...咁你心口有無毛㗎 ?!... 里奧大人個心好驚但扮鎮定...用極平音既語氣咁話
: 我無㗎...我心口無毛㗎...之後個按摩女郎無啦啦咁拿起里奧大人條短衭嚟裝呀...嚇死人咩...之後按按下又掀起里奧大人件衫袖睇下有無加拿大毛...又話你啲眼睫毛好長好靚呀...個按摩女郎真係好鍾意毛呀...連眼睫毛都唔放過...可憐嘅里奧大人已經嚇到標屎喇...之後成個過程里奧大人都係扮瞓覺...唔理個按摩女郎...個按摩女郎無癮先唔搞里奧大人咋...我就笑死...里奧大人就嚇死...哈哈
太攰喇...所以11 點 就瞓 lu
今朝好唔想食三文治...所以食左沙爹牛肉麵 + 熱朱古力...$16...飽到上心口呀...飽到 Lunch 時間都仲未諗到食乜...行下行下就去左赤丸...因為之前同家姐...里奧大人一齊食過...覺得好好食....所以好想去食...咁啱公司附近又有嘛...橫掂要排隊...等下無妨 (因為我仲未肚餓..又唔想周街行亂買野)...但等左 5 分鐘就有位...真係唔知好彩定唔好彩....食左冷烏冬 ($15/大) +煎肉腸 ($12)...啲烏冬又係好煙韌...但自己一個食就覺得無咁好食...果刻好想家姐同里奧大人陪我一齊食...講真...我食咁多次 Lunch...啲感覺最差係今次...好似我番第一份工咁...記得係叫外賣既...坐喺自己位一路食一路喊...掛住屋企人呀...之後夜晚約家姐搭地鐵番夜校時....一見家姐就即刻喊左好耐呀....嚇死家姐同埋坐地鐵啲人...不過呢啲喊嘅習慣到依家咁大個人都無改過...里奧大人出 Long Trip 啦...媽咪去旅行啦...我都仲係會喊...可能係擔心佢哋啩
食完就去萬寧買 Cream 比媽咪...Olay 草本淨白保濕霜 ($149.9) + St.ives Hand Cream ($29.9) + 自己既兩包 Extra 香口珠 ($14)...又用左$193.8 喇...我想儲錢呀
太攰喇...所以11 點 就瞓 lu
今朝好唔想食三文治...所以食左沙爹牛肉麵 + 熱朱古力...$16...飽到上心口呀...飽到 Lunch 時間都仲未諗到食乜...行下行下就去左赤丸...因為之前同家姐...里奧大人一齊食過...覺得好好食....所以好想去食...咁啱公司附近又有嘛...橫掂要排隊...等下無妨 (因為我仲未肚餓..又唔想周街行亂買野)...但等左 5 分鐘就有位...真係唔知好彩定唔好彩....食左冷烏冬 ($15/大) +煎肉腸 ($12)...啲烏冬又係好煙韌...但自己一個食就覺得無咁好食...果刻好想家姐同里奧大人陪我一齊食...講真...我食咁多次 Lunch...啲感覺最差係今次...好似我番第一份工咁...記得係叫外賣既...坐喺自己位一路食一路喊...掛住屋企人呀...之後夜晚約家姐搭地鐵番夜校時....一見家姐就即刻喊左好耐呀....嚇死家姐同埋坐地鐵啲人...不過呢啲喊嘅習慣到依家咁大個人都無改過...里奧大人出 Long Trip 啦...媽咪去旅行啦...我都仲係會喊...可能係擔心佢哋啩
食完就去萬寧買 Cream 比媽咪...Olay 草本淨白保濕霜 ($149.9) + St.ives Hand Cream ($29.9) + 自己既兩包 Extra 香口珠 ($14)...又用左$193.8 喇...我想儲錢呀
晏晝又係做下野...MSN 咁囉...優質生活保持不變
沒有留言:
發佈留言