車仔麵 ( 外賣 ) @ home

尋日十點起身...食左五香肉丁麵 + 熱鴛鴦...里奧大人食左五香肉丁米粉 + 熱鴛鴦...$34...之後打的番祟拜 lu...個人唔係咁舒服...所以都係打的番屋企...

番到屋企 hea 左陣...之後里奧大人就山長水遠咁買左粉果 + 燒賣 + 魚旦 + 生菜魚肉 + 脆辣雞腿包番屋企一齊食...一齊睇下電視咁...之後里奧大人又趕功課...而我就瞓一陣 lu...由四點瞓到成六點...係好左 d...但夜晚肯定瞓唔着呀...之後里奧大人陪我坐一陣睇新聞...再做多陣功課...又要出動買晚餐喇...無咩胃口...所以食車仔麵....食左魚旦 + 炸菜 + 通菜 + 幼麵....里奧大人就食左牛腩 + 雞亦尖 + 生菜 + 米粉...平時我食雞亦尖時就話好肥...見我唔舒服自己就即刻食...肯定知我無氣力話佢呀...

唉...睇完亞蘇都無睡意就知道晏晝瞓多左...但都唔理照瞓喇...瞓到兩點幾又眼光光...之後係咁瞓下醒下就鬧鐘響喇...好唔想起身呀...因為我覺得好似無瞓過咁既...

今朝買奶油多 + 熱朱古力...$15...番公司食...個人都無咩心機...晏晝唔想食....淨係想瞓...好在瞓到啫...不過都係好攰...