黑椒牛仔骨意粉拌西蘭花

尋日同里奧大人 tea 完就去買室內無線電話...再去超市買 soda 水...因為之前買左果 4 個青檸...點知無得買 soda 水...是鬼但買雪碧算喇...務求係唔想再見到 d 青檸啫...

由於里奧大人要瞓下...所以我就做下 d 唔會嘈醒佢既家務同埋預備晚餐 d 野先...浸西蘭花...切洋蔥粒...淥意粉...做完就喺梳化擺好個陣黎睇書...點知里奧 大人瞓醒...仲第一時間坐喺我個陣度添...咁唯有拖地啦....拖完地就 me me 摩摩咁準備晚餐喇...就係黑椒牛仔骨意粉拌西蘭花...牛仔骨 3 條 ($30)...我用韓國既烤牛肉醃料黎醃左一晚...食果陣時會好入味...由於之前已經整好哂野....所以就咁炒意炒 (連洋蔥一齊炒)...同淥熟 d 西蘭花...話咁快就搞掂...


幾慘呀....頭先煎煎下牛仔骨先醒起無哂黑椒汁...搞到突然精神緊張...好在冷靜一會後...記得仲有包老李既黑椒雞柳醬...突然覺得自己好鬼醒...做人格言係買咩都係買左先係無蝕底既....所以d人成日見到我個蚊型廚房有唔小既醬料 (10 樽 8 樽)...調味料 (10 樽 8 樽)...粉 (糯米粉..澄麵粉...粘米粉...麵粉...自發粉等等)...油 (菜油...oliver oil...vanilla 香油...lemon 香油...pandan)...仲以為我煮野食好勁添呀....我都想呀....其實真係好多野想煮...但好多都唔識呢...不過記得 recipe 要用既材料咪買定先囉...費事突然間想整又要周圍搵材料...費時失事嘛...係咪??做咩突然咁多野講既...


umm...我覺得個賣相唔錯啦...至於味就...唔駛講...梗係 ok 啦...多謝老李出手相助呀...唔係點得黎咁好食呀...


之後里奧大人又忙做功課喇...我就洗埋碗即刻沖涼...因為睇亞蘇...之後想睇書...但個頭好重...入唔到腦...所以開番電視睇...搞 le 搞 lu 成點先瞓...好在第日唔駛番工啫...

諗住瞓到幾點就幾點起身...唔教鬧鐘...都好彩 10 點就醒左...唔係瞓得太耐又無哂 d 時間做野...同埋又可以去大家樂食早餐呢....同里奧大人share 奶醬厚多士配熱咖啡 + 魚柳旦 + 蘿蔔糕 + 麥皮配熱檸茶...好 relax 呀....如果可以朝朝早同里奧大人食早餐就好喇...番到屋企...洗埋衫我就真係開始認認真真睇書做功課喇...

差唔多兩點又要預備午餐 lu...好慳家呀...我食番尋晚剩左既意粉...加 d 黑椒炒幾炒...而里奧大人就食番前日剩左既水餃...再加多個米粉比佢就搞掂...食完大家又再努力做功課喇...至於晚餐呢...里奧大人命令出去食喎...話如果我煮飯會無時間做功課喎...又幾好人噃...