平淡情人節 @ 水立方 + 大家樂

情人節當日難得 OFF   本來教好鬧鐘 9 點起身出去同朱朱食早餐   點知里奧大人起身番工之後   我都瞓唔着   索性早 d 出去媽咪屋企陪佢地好過 ~ 

一開門   朱朱已經係咁樸埋黎   去廁所又跟住   坐梳化又望住妳   無非係想出街   因為次次我朝早番媽咪屋企   必會帶佢出街食早餐呢   但出完街就會瞓到豬一隻咁   勁嘆呀 ~  

食完上媽咪屋企   11 點幾就走 lu   因為要 join 里奧大人一齊去落馬洲按摩呀 ~ 

今次第一次去水立方  都幾方便   環境都唔錯 ~

去到第一時間換衫   之後去食嘢   味道 ok   唔好要求咁多 ~


  

同里奧大人一齊按腳 1 個鐘   之後再按身   我想通淋巴   所以佢地話揀巴里島風情   里奧大人就中式   我係第一次做巴里島風情   都幾舒服   我揀嘅油係薰衣草味道   但覺得自己揀錯油   因為越聞越似紫花油味   都幾難頂 ~  

按摩 2 兩個鐘   實則 90 分鐘   不過我就覺得都 ok   太耐我會覺得好悶架 ~ 

埋單 RMB698   我覺得都幾貴   不過未去過水立方   點都要試下嘅 ~

諗住按摩完就去 Blog 友卡姑極力推介嘅大漁   點知晏晝打去 book 已經 full 哂   我又唔忿氣    所以搭地鐵 walk in 攞位   最後當然都係無啦   可能情人節關係呀 ~

勁失望勁失望   諗住去小肥羊   點知又要等 4 張枱   因為已經 6 點鐘   即係 d 人啱啱先開始食   加上要坐係街等   天氣又焗又想落雨   所以放棄 ~  

了起咗條邊爐癮   所以即打去稻香 book 位   但要半個鐘頭內到喎   大佬   福田到大埔喎   一個鐘就差唔多 ~  

番到大埔   去 Shakey's Pizza 啦   Pizza hut 和民 元氣 味千   通通都一大堆人等位   最後去大家樂打邊爐算喇 ~  

難得里奧大人話唔做功課住   想陪下我喎   所以租 "Batman" 番屋企睇   情人節就係咁平平淡淡過咗喇 ~