薑蓉拌菜心+ 蕃茄薯仔排骨湯

朝早諗住食完早餐就番教會   但突然間接到家姐電話   原來加拿大嘅嬸嬸同堂妹番咗黎香港   所以約埋姑姐姑丈 12 點去媽咪屋企附近飲茶   咁難得   所以同里奧大人食完早餐     我就趕出去會合佢地喇   最可惜里奧大人要去圖書館借書啦   如果一齊出去嘅話仲好呀 ~

8 年前仲係小朋友   好痴我嘅   8 年後已經亭亭玉立喇   時間過得好快咁呀 ~ 

其實我食完早餐無耐   所以根本食唔落   又掛住傾計   基本上係唔駛食嘢都得 ~ 

飲完茶就上媽咪屋企坐坐   之後就各自歸家喇 ~  

差唔多 4 點先同里奧大人食 tea   果刻我開始肚餓 lu   所以食星洲炒米    里奧大人就食鹹魚雞粒炒飯   食飽就去街市買餸   咁就一日喇 ~ 

是日懶餐 - 薑蓉拌菜心 + 蕃茄薯仔排骨湯

薑蓉拌菜心 - 呢排菜心無咁靚 lu   細條咗好多呢 ~  

蕃茄薯仔排骨湯 - 今次用 4 個蕃茄 1 個大薯仔 $16 排骨   排骨佬話 d 排骨用鹽醃 15 分鐘  個湯會好味 d   又學識一樣嘢喇   個湯真係好似好多架   今次會用湯渣送飯   唔想嘥料嘛   最緊要係唔駛特登煮多樣餸呀 ~  

食完同里奧大人出去行下   去到大眾書局買嘢   比錢嘅時候原來有 8 折   比完錢   里奧大人又話要再睇睇先   最後又買咗百幾蚊   車   成日話我買買買   自己見到 8 折咪一樣翻兜買買買   但買黎買去都係原子筆   屋企有成幾十枝原子筆喇   都唔知做咩計咁鍾意原子筆 ~ 

無煲湯又無煲涼茶   所以去食龜苓膏   我唔食得   食個甜品算 lu ~  

~~~~
今朝又凍咗   咁嘅天氣真係好容易病 ~  

潮濕嘅天氣真係令人好攰   再加上星期一   簡直係攰上加攰   食芝腿治 + 咖啡   居然唔記得叫烘底   好在 d 麵包都鬆軟   如果唔係都幾難頂 ~ 



番到菇場就慘喇   超忙 ( 相反 )   勁想番屋企瞓覺呀 ~  

好想食薯條   晏晝同里奧大人去麥記   用埋 coupon 仲抵   不過個個都用 coupon   所以排隊都要 15 分鐘呀 ~