生日第三擊 Part 1/3 @ 海洋公園

生日當天   同里奧大人一齊 8 點起身去太興食早餐   番屋企梳洗後就出發去海洋公園喇 ~


由於正日生日   所以去海洋公園係 free 架   咁啱里奧大人簽卡   原來有 $208 Cash Dollar   正正就係入場費用   咁即係都叫 free   所以好開心呢   雖然天氣麻麻 ~ 

要搭 4 條勁長嘅扶手電梯先去到玩遊戲   搭都搭到悶呀   定係自己無耐性呢 ~  



點都好   最緊要里奧大人喺我身邊啫   一見佢沉重嘅背影   就覺得心甜又心痛   因為佢次次同我去玩都係揹背囊   因為要帶大機同 1 支水   我嘅外套   所買嘅嘢   其實個袋真係好重   但佢話一 d 都唔重   揹背囊唔辛苦喎   又驚我手痛   係都要幫我拎埋袋   其實佢又真係好好好嘅   所以當日我就算幾攰都無發脾氣架 ~  



我勁怕機動遊戲   所以仍都唔會比里奧大人玩   因為我都會好擔心   我驚玩過山車時會無啦啦停   又驚會飛咗個人出黎   跳樓機都係好高危   係咁講講講   講到里奧大人都煩到費事玩 ~ 

擺明今次係觀光團   所以慢慢行   玩 d 絕對無刺激性嘅活動   好似 Ocean Park  Tower   不過排隊就出事   因為後面全部係自由行   好嘈   入到去仲嘈   嘈到以為自己置身喺酒樓   我真係覺得好煩好頭痛   咩 mood 都無哂 ~ 

悠悠間坐下摩天輪   其實我都好驚架   不過唔駛排隊先坐咋   最搞笑係得兩個摩天輪有人坐呢 ~

之後去我最鍾意睇嘅海洋館   因為我唔識游水   但又咁近距離見到 d 魚   會覺得好開心架 ~ 

里奧大人話觀光團要行下食下   如果唔係唔夠腳骨力   所以坐得食炸雞 + 薯條   $45   雞件好脆   但薯條唔脆噃   不過算啦   唔可以要求咁多 ~