薑蔥生蠔 + 麻油雞 + 腐乳唐生菜 ( 29-SEP-2013 )

( 29-SEP-2013  SUN )

今朝 9 點半醒咗喇   里奧大人入房拎嘢   佢以為我未起身   所以細細力開門   咁我叫聲佢啦   問佢幾點   佢幾衰呀   話 11 點幾呀   之後我話呃人   我起身已經睇咗幾點啦   無聊 ~

原來今朝里奧人 8 點幾已經醒咗   不過佢肚痛   可以尋晚太辣   又飲埋啤酒   好易搞肚 ~  

難得咁早   所以去 Delifrance 食早餐   不過佢哋搬咗之後   我覺得份量少咗   同埋無咁好食   之前啲早餐係熱辣辣   今次都唔熱嘅   同埋杯咖啡真係好唔掂   德福果間啲咖啡又係唔掂   所以應該唔會再嚟食早餐 lu ~

食完就番屋企抖下   沖埋涼就番教會喇 ~

崇拜完就去馬莎睇西褲   之後喺 Boss 買套 Suit   又唔比人配多條西褲   所以依家再搵下有無一條係差唔多色   可惜無啦 ~

之後去牛頭角街市改褲   順便買埋菜就番屋企 lu ~

抖到 2 點半就去金姆指食 Tea   之後我去拎番條褲   里奧大人就瞓晏覺 ~

我番到嚟   執下嘢   佢就醒咗   又開始做公司嘢 lu ~

咁我又繼續執執執抹抹抹   5 點幾飲埋碗湯   6 點半預備煮飯喇 ~    

是日晚餐 - 薑蔥生蠔 + 麻油雞 + 腐乳唐生菜 

薑蔥生蠔 - 第 1 次整   味道唔錯呀   不過啲蠔就縮哂水   今次買咗 $5 蔥   因為第 1 檔買咗 $3   但啲蔥都唔靚嘅   咁再買多 $2 靚啲嘅蔥   不過其實 $5 都幾多   所以留咗啲做薑蓉 ~       

麻油雞 - 一碟蠔唔夠餸嘛   所以整多隻雞肶   加啲麻油加啲薑蔥   方便又好味 ~  

腐乳唐生菜 - 懶呀   所以買唐生菜囉 ~

搞掂哂   沖埋涼就食生果   媽咪買咗個巨蕃鬼荔枝比我   食完真係夠哂飽 ~

蕃鬼荔枝同沙田柚差唔多 Size

其實個蘋果都係好巨