香蒜蜆肉辣肉腸扁意粉 + 牛油香草金菇 ( 2-JAN-2014 )

( 2-JAN-2014  THU )

今日好似無咁凍喇噃   不過仍然要着厚褸同毛毛靴呢 ~

唔係好餓   所以食奶油多   今次試下飲央走   但唔太啱我呀 ~

諗住喺菇場 Hea 過等放工   點知突然間好鬼忙   好在喺 Lunch Time 前就搞掂   唔係就會想做埋先食 Lunch 呢 ~

次次一忙之後就好快餓   所以食辛辣杯麵算喇   因為唔想行唔想等   哈哈 ~

放工即走喇   唔駛去街市   咁就行下超市啦   不過原來想買嘅嘢屋企都有   所以番屋企 lu ~

番到屋企開機洗衫就抖陣   7 點半想煮嘅時候   里奧大人打黎嚟話放工   咁我又可以再抖多陣完煮呢 ~   
               
是日晚餐 - 香蒜蜆肉辣肉腸扁意粉 + 牛油香草金菇  

香蒜蜆肉辣肉腸扁意粉 - 平時多數用茄汁煮意粉   咁香蒜意粉唔會有汁家嘛   所以就用牛油撈扁意粉   勁高卡呀   今次用 Johnsonville 嘅 Hot & Spicy 腸嚟黎切粒粒   味道真係唔錯噃   最邪係家姐今晚又係食 Johnsonville 嘅芝士腸   不過我無買芝士腸呀   我覺得好難煎囉   好易爆腸   啲芝士漏哂出嚟呀   嘥哂㗎 ~       

牛油香草金菇 - 都係用牛油起鑊再炒   但越炒越出水   所以之後我再用大火烘乾佢呀   下次唔整喇 ~

搞掂哂就沖涼喇   食埋生果就休息 ~

呢個星期瞓得唔係咁好   里奧大人話因為電毯熱喎   但我話無電毯嘅時候都瞓得唔好噃   佢叫我今晚唔係咁凍   應該唔駛用   不過我照用呀   暖笠笠好舒服呢 ~

今日勁攰   所以 10 點半瞓喇 ~