粟米煎魚餅 + 瑤柱燜節瓜 ( 16-DEC-2014 )

( 16-DEC-2014  TUE )

唔知係咪天氣凍   換衫都要耐啲時間咁   同埋又一定要搽 Cream   瘦人搽 Cream 唔駛咁耐   我呢啲範圍大嘛   要搽耐啲   哈哈 ~

陪里奧大人一齊買麵包   次次佢買完之後   我就會覺得好餓咁㗎 ~

早餐食芝腿治   天氣凍   食奶醬多好快餓呀   其實我唔想食大個胃   難得之前食少咗嘢嘛 ~

依家多數自己帶水番菇場飲   但係個水樽得 900ml   其實唔夠飲   所以點都要飲番啲蒸餾水   但我發覺飲自己帶嘅水係飲完唔口渴㗎喎   咁有時我無帶水樽   再飲番蒸餾水   真係覺得飲得多水咗架   因為飲完會口渴呢 ~

菇場忙忙哋啦   不過所有大粒唔喺度   真係無咩 Mood 做嘢 ~   

食完 Lunch Box 就出去行咗個圈   幫埋里奧大人拎褲就番菇場喇 ~

好在唔太忙   咁先係家嘛   今日咁 Free   唔好嘥咗去嘛 ~

放工去街市買餸   行黎行去買   最慘係我諗住去另一檔買豬扒   點知無得買   又要番轉頭買   今晚又買咗 2 包蕃茄同 5 條粟米   重到呢 ~

急步番屋企   因為慢慢行仲辛苦   點知番到屋企附近   教友叫我   咁又傾幾分鐘啦   其實我勁想番屋企   因為啲嘢好重囉 ~   

諗住快啲煮飯   食完去徑步   但番到屋企都差唔多 6 點半   再即刻整嘢啦   差唔多 8 點先煮完呀   里奧大人啱啱好放工   咁我等埋佢一齊食啦   今晚都係唔徑喇   因為越夜凍咁 ~

是日晚餐 - 粟米煎魚餅 + 瑤柱燜節瓜 

粟米煎魚餅 - 今次加咗粟米粒   要蒸熟咗粟米先   再加埋魚肉一齊撈勻   又要用多少少時間   下次開罐頭粟米好啲   哈哈 ~     

瑤柱燜節瓜 - 煮咗 5 個節瓜仔   我鍾意煮呢個餸   夠哂簡單 ~

搞掂哂都 9 點幾 lu   即沖涼喇   抖陣就食生果   11 點幾瞓 ~