黃石家樂徑 + Paisano's Pizzeria @ 西貢 (PART 2/2) ( 13-DEC-2014 )

PART 2/2 

唔想咁早走   所以都係行下影下咁啦 ~

差唔多日落喇   所以行番出碼頭 lu

行咁出   睇見都驚


唔會攰咩 ?!

里奧大人話佢哋迎面嘅都係着紫色情侶裝   咁啱嘅

我鍾意影花花草草   因為唔駛自己種   又有得睇   哈哈

乾花

無無聊聊用手指框住朵花嚟影㗎   又幾得意喎   下次再玩下先

我 Load 相嘅時候   無印象行過呢條路   以為自己咁無記性

原來係咁先啱

有少少嘅陽光照射

好嚇人呀   哈哈

沿途好多狗

如果唔係膠袋   都幾恐怖   哈哈

六角形太陽幾特別

咩嚟嘅呢 ?!

又再影先   好難得咁多鷹

我哋頭殼頂好多鷹呀   個個都停低睇   同埋影相

呢張正啲

起哂爪喇

姿態好靚呀

阿婆自己撐艇   應該去捉魚   得一個人   好似好危險咁噃

左邊隻船變咗好細隻

到碼頭 lu

行到差唔多 5 點半   突然想食好出名嘅菠蘿包   即企定定開 Google Map 啦   原來就喺隔離   好感恩呀   因為唔駛搵   哈哈 ~

去到有 5-6 個人排隊   到我買完   後面無人排嘅 ~

買咗 2 個新鮮熱辣辣出爐嘅菠蘿包   咁我哋坐喺啲櫈度食啦   因為唔想特登坐佢哋啲位而叫嘢飲   同埋我哋仲有支茶喺度嘛   里奧大人不嬲唔食菠蘿包嘅皮   同埋唔會熱辣辣咁食   我話難得新鮮出爐   梗係要即時食啦   個包真係好好味呀   好軟糯呢   里奧大人今次破戒成個食哂呀   佢都話好味   哈哈 ~      

我雙眼係咁望住盤菠蘿包   驚賣哂呀

即刻影張相先   因為勁想食   哈哈

我同里奧大人講   啲人話個菠蘿包好大喎   搵啲嘢比我對比下啦   哈哈   但咁影都唔知影啲咩   因為我驚里奧大人跌咗個包落地下呀

馬蹄蟹（學名 Limulidae），又叫鱟（讀音：後）
譽為活化石。好多人以為佢係蟹，但佢其實同蜘蛛、蠍子、三葉蟲係親戚。
最鍾意食蟲、軟體動物同死魚。佢哋響沙上爬行時，會用第一對鉗形嘅腳嚟搵食。然後用其他有毛嘅腳將食物擺落口。佢個口就係響身體中間。

經過海鮮酒家見到呢隻鱟    我同里奧大人講呢隻係 "傲"   哈哈   不過佢就話係叫馬蹄蟹喎   一上網就 Search 到   反而我未聽過馬蹄蟹呢個名呢   我覺得佢好得人驚   同埋超勁肉酸   我次次第一時間都會諗起魔鬼魚條尾㗎

食完就再去睇下有咩好食   因為想食埋嘢先番九龍灣呢 ~

行呀行   我聞到好香 Pizza 味呀   咁行去睇下啦   原來係我想食嗰間 Paisano's Pizzeria   因為之前喺尖沙咀想食㗎喇   不過嗰次啲職員都唔理人   所以走囉   今次終於食到喇   勁開心 ~

我好鍾意有食材嘅畫

芒果沙冰 

我哋叫 12 吋嘅 Pizza   份量都好巨   Share 食都已經好飽  

自制招牌千層麵 (AL's Famous Lasagna) - 蕃茄肉醬 + 4 種芝士 + 千層麵   之前里奧大人想叫 Four Cheese Pizza 㗎   好在無叫   因為我無睇到原來千層麵係有 4 種芝士   如果唔係真係食芝士食飽   慘過食包包食飽囉 

呢個蒜蓉包都幾好味

食完就番九龍灣喇   里奧大人去德福睇嘢   我就自己去徑步   徑咗 5 個圈就番屋企 lu   里奧大人都話我勁呀   仲去徑步   佢話佢有啲腳痛喎 ~

沖完涼就睇 "選戰"   之後又睇下雜誌   打下機   差唔多 12 點先瞓呀 ~