稻香 @ 九龍灣 ( 30-APR-2015 )

魚香茄子煲 - 啲油彈出嚟呀   嚇到我要 Zoom 嚟影   哈哈   

啲油彈咗幾分鐘都仲彈呀   之後阿姐叫我 "撩" 啲茄子   之後無咁多油彈出嚟 

腐乳炒通菜 - 無味嘅

一蚊雞 

杏仁茶 

( 30-APR-2015  THU )

好嘢   聽日五一勞動節   又有一日假期   如果星期六係 Off 就好啦   前後請 2 日假去台北玩下都好   不過呢啲咁筍嘅嘢   都好難有我份㗎喇   哈哈 ~

早餐唔想諗   所以食奶醬多 ~   

菇場朝早唔太忙   但 11 點又開始忙   真係要快手快脚做哂去咯 ~

今日有 Lunch Box   不過食完都要出去行下   買埋雜誌   又買咗 2 包扁意粉同 4 件蛋糕比家姐   個袋變咗好重 ~

晴天霹靂呀   居然咁快要做 Report   好在有幾日比我做   唔係黐線都似 ~

今晚又同媽咪去稻香   因為最後一日 "一蚊雞" 喇   我 5 點 50 分去到   已經派哂籌喇   原來媽咪早 10 分鐘嚟到已經無籌派添喇   咁啱有個婆婆拎咗張飛但最後唔食   張飛比咗媽咪咋   好感恩呀 ~

之後有個女人係咁同我講嘢   以為媽咪嘅朋友   點知原來唔係   又話我同媽咪好似樣   又話我好有福氣   再話我對工人好好   呢點我就覺奇怪喇   所以問佢點解咁講 ?!   原來佢話我雙手拎 2 袋嘢   睇個袋都唔輕   但我都唔叫工人拎   我話佢照顧媽咪嘛   又推又拎嘢   咁好辛苦啫   除非我好攰   咁就真係要佢幫幫手   同埋佢都好錫我好關心我   所以佢都對我好好㗎 ~

拎埋湯番屋企就再去 759 買埋薯片先再入稻香   家姐 7 點嚟到   但佢有啲唔舒服   咁早講嘛   唔食雞囉 ~

辣味薯片 x 2 / 青檸檬辣味薯片 x 2 ( $14.8/包有 7 折   即係 $10.36/包 )
另外買咗包鹽味波浪薯片比家姐  ( $15.8/包有 7 折   即係 $11.06/包 )

食到 8 點幾   媽咪又買咗榴槤皇帝蕉同牛柳粒比我哋   再加埋湯   真係次次都滿載而歸   哈哈 ~

番到屋企一陣   里奧大人又番到屋企喇   仲買咗車仔麵   勁香呀 ~

沖埋涼就休息喇   睇下電視雜誌   12 點幾先瞓 ~

燻蹄 & 滷水鴨腎 (外賣) + 海皇醬炒脆肉瓜 ( 29-APR-2015 )

( 29-APR-2015  WED )

尋晚瞓覺嘅時候   個胃都係頂住頂住   下次真係唔敢又酥皮又 Pizza 喇 ~

有時瞓覺之前都會同里奧大人傾下偈   一講親啲咩   佢就問我點解點解   我話鬼知咩   佢就會高八度嘅聲   叫我上網查啦   尋晚佢問我點解叫二五仔 ?!   其實我都好想知   咁睇完網上解釋   咁依家係現代嘛   即係其實叫 7 仔都得啦   哈哈 ~  
          
解釋：原是中國清代秘密會社的切口，意指告密者、叛徒、出賣組織的內奸和專門在人後說是非的人。

故事須從火燒少林寺說起：話說清朝康、雍年間，朝廷要徹底消滅反清復明的秘密會社，查得少林寺與天地會有千絲萬縷關係，派兵前往剿滅。但需要有少林寺內奸裡應，卒之收買了武功排名第七的少林俗家弟子馬寧兒。姓馬的窮凶極惡，犯下大罪，被逐出山門，含恨引清兵入山，火燒少林寺。秘密會社中人不恥其所為，日後便稱那些告密者、叛徒為二五仔，即排第七的馬寧兒了。

今朝食早餐就搞笑啦   咁睇新聞講話有人被勒索 2,800 萬   之後個女人好驚訝咁同個老公講話   "有錢婆喎"   我差啲笑出嚟   唔有錢鬼得閒勒索妳咩 ?!

菇場忙喇   因為要 Pack File 入櫃   最衰西瓜啦   無啦啦見同事搵 File   就問我係咪無紙箱 ?!   我其實想 7 月先一次過 Pack   點知都係唔懶得   哈哈 ~

阿花同阿爽好好人   話幫我一齊 Pack   不過我話唔駛啦   我一個都 OK 嘅   同埋我本身都諗住今朝 Pack File 入櫃   咁啱 8 卦同我講   一陣西瓜同佢哋喺我隔離房開會   咁一定唔會上到網啦   時間真係啱啱好   哈哈 ~

太好喇   差唔多 11 點就 Pack 完   終於了咗心事   但 Pack 到成身汗呀   好在菇場冷氣夠凍   坐一陣就即刻爽哂 ~

終於收到電話費 SMS   好在都係 $90   因為我之前喺澳門   開咗流動數據先開 Wifi   勁豬兜呀   明明已經叫里奧大人幫我關咗流動數據嘛   咁我夜晚又打機   又 Download 咗個澳門 Map 嘅 Apps   咁會用好多數據家嘛   一定一定比里奧大人鬧死我都似   第時去旅行都唔打機喇   唔係一陣唔小心開咗流動數據嘅 Icon 就死得 ~

勞動完就開始餓喇   所以今日出去食韭菜餃上海麵   其實我最主要係想飲醋消消滯   哈哈 ~

行一陣   買埋脆肉瓜都 1 點 20 分喇   要番菇場喇 ~

又忙下停下   所以好快放工   今晚買外賣算喇  好鬼攰 ~

7 點食瓜同埋食沙律   等埋里奧大人先再食燻蹄   之後執下櫃   完全唔記得家姐喺韓國買咗 Laneige 比我   真係好在執下咋   唔係又走咗去買 Cream 㗎喇 ~    



食完抖陣   8 點去徑步   今晚好焗熱   徑咗半個鐘就要番屋企喇 ~

是日懶餐 - 燻蹄 & 滷水鴨腎 ( 外賣 ) + 海皇醬炒脆肉瓜  

燻蹄 & 滷水鴨腎 ( 外賣 ) - 勁想食好耐喇   所以點都要買   鴨腎 2 隻要 $20   好貴呀   我好耐之前試過炒鴨腎   但炒完之後唔想食   如果唔係我會自己滷鴨腎   因為應該會平好多   哈哈 ~

海皇醬炒脆肉瓜 - 想惹味啲呀   所以開鑊炒啦   如果蒸就最正   因為唔駛洗鑊   呵呵 ~     

里奧大人 8 點半放工   咁我沖埋涼先   之後再陪佢食飯   唉   因為煮多咗飯   佢又食得少   成日話食好少嘢   但一個出前一丁夠飽啦   又唔見咁講   麻鬼煩 ~   

食完飯已經夠飽   仲要食埋之前嘅榴槤   因為已經擺咗喺雪櫃 4 日   唔食驚壞囉   食完呀   我真係好想去徑多次步呀   哈哈 ~

好攰呀   真係 11 點要瞓   年紀大喇   郁幾郁就攰到死 ~

Spaghetti House @ 旺角 ( 28-APR-2015 )

超級雜錦 POP UP Pizza  ( 普通批 ) - 意大利辣肉 / 加拿大煙肉 / 辣肉腸 / 青椒 / 蘑菇及洋蔥 ) - CC 講明只食 2 塊   但我超勁想食 Pizza   所以佢話叫啦   但我覺得都唔好食嘅

芝士焗卡邦拿意大利粉 - 無辦法啦   我要食 4 塊 Pizza 嘛   所以 CC 差唔多食哂   因為佢唔會嘥嘢    不過其實仲剩咗一湯匙左右   但佢都話食唔落   因為凍咗好漏   哈哈 

酥皮周打蜆肉湯 - 無乜料囉   得 3 粒蜆肉仔   

鮮製檸檬芝士餅 - 我叫 CC 整兩啖嚟食   佢話件 Cake 好細   食兩啖可能無咗半件   仲話只可以食尖尖嗰邊   哈哈   不過最後我真係食咗手指甲 Size 咁多咋   因為真係超級飽

( 28-APR-2015  TUE )

今朝都幾好天喎   之前睇天文台話今日會有一陣雨   點知今朝睇又無話會落雨   不過咁都好㗎   有太陽好過落雨呢 ~

食完早餐又睇陣報紙   依家聽收音機   所以少咗時間睇報紙   我覺得食個早餐都好多嘢做咁   哈哈 ~

菇場忙下停下   咁都好   咁有啲番工嘅感覺   哈哈 ~

Lunch time 去 Post Office 寄嘢   之後就買車仔麵番菇場食   今日食河粉   因為今晚 Shopping   所以要夠飽 ~

放工即走   坐小巴出旺角   8 分鐘就出到去   勁快 ~

咁我自己行花園街先   買咗件牛仔長褸先   一陣等埋 CC 再一齊買過 ~

原來我約咗 CC 喺聯合廣場等   好在我打比佢咋   仲以為喺花園街街尾等添 ~

行下傾下買下   都差唔多 8 點 45 分 lu   係時候要食嘢喇   咁啱里奧大人打嚟話放工   同時叫我好收手咁   哈哈 ~   

今次 CC 都無買到衫   搞到好似特登陪我去買嘢咁 ~

去意粉屋食嘢   本來大家都唔太餓   不過一聞到啲嘢食味呢   就當堂覺得肚餓   哈哈 ~

食到 10 點半要走喇   因為間餐廳得番我哋同另一枱咋   如果唔係就可以再繼續傾 ~

原來 CC 請我食生日飯   我話過咗就算啦   不過佢係都要請   真係好客氣   好在嚟緊佢生日   我又可以請番佢呢 ~

坐小巴番屋企   又係 10 分鐘唔駛就到   勁快 ~

里奧大人都唔知做乜鬼   成日問人買咗咩買咗咩   不過今晚都 OK 有收獲   買咗 1 件牛仔褸 + 3 條 1 One Piece + 1 件長 Tee + 3 對船襪 + 2 個環保袋   差唔多買咗 $700   都好抵玩   哈哈 ~

沖埋涼   差唔多 11 點幾先瞓   唔知係咪頭先又酥皮又 Pizza   我成個胃都好唔舒服   飽飽滯滯    直頭有想嘔嘅感覺添呀   哈哈 ~

Green Monday 蘋果沙律 + 壽司 (外賣) ( 27-APR-2015 )

( 27-APR-2015  MON )

今朝幾好天咁噃   最好係咁啦   因為星期一比較攰啲   有啲陽光曬下   個人都精神啲呢 ~

早餐食菠蘿油   開始有啲厭   哈哈 ~

做埋 Report 就 Load 相   我又 Load 到亂哂籠喎   要再執過   慘 ~

出去食嘢   之後去 Post Office 拎嘢   再去埋一田行陣就番菇場喇   好鬼熱 ~

差唔多 4 點飲包朱古力奶   之後無耐無啦啦胃酸倒流咁款   勁驚會死呀   所以第一時間 Lgout  FB 同 Blog   哈哈   好在抖咗幾個字之後就 OK ~

放工走人喇   今晚去爭鮮買壽司比里奧大人做晚餐   懶得就懶 ~

番到屋企開機洗衫就抖陣   因為好餓呀   所以 6 點 45 分食沙律   再食啲零食咁就夠哂飽喇   哈哈 ~

7 點 45 分出去徑步   8 點半番到屋企   里奧大人啱啱放工   咁我沖涼先喇 ~   

整好啲壽司比里奧大人食   其實豬咗啦   要洗多隻碟同個碗添   之後再叫佢食埋榴槤   唔係又唔記得食㗎喇 ~    

真係好攰   所以 11 點瞓喇 ~     

我的餐廳 @ 九龍灣 ( 26-APR-2015 )

紐西蘭肉眼扒 - 都 OK   食完唔會話好口渴 

花菇羅漢齋炒麵 - 個麵唔夠脆  

( 26-APR-2015  SUN  )

今朝 8 點半起身   沖埋涼就落去食早餐喇 ~

番上屋企抖陣就番主日學   今日係最後一堂喇   話咁快就上咗 12 堂   所以我覺得真係番得好開心呢   哈哈   抖 2 個星期   又番另一班主日學   正呀 ~

崇拜完畢就番屋企抖下   無啦啦有人按鐘   原來係家姐   因為佢喺媽咪屋企拎榴槤比我呀   其實媽咪尋日話買比我食嘅   不過我唔要啦   今日又唔得閒   叫佢比家姐食   咁家姐同完媽咪飲茶就拎榴槤   話去到巴士站   睇下自己坐番屋企嘅巴士到先   定去我屋企嘅巴士先決定   最後佢話其實第一架巴士喺去佢屋企   跟住就係去我屋企嘅巴士   最後都係拎嚟比我   因為佢之前已經食咗好多   唔想再食   哈哈 ~

好啦   2 點去食嘢先   可以傾耐啲   本身諗住去興記   不過家姐 3 點要走   咁去大快活啦 ~

最後傾到 3 點幾先走   里奧大人番屋企做公司嘢   我就送家姐搭車   再去萬寧買嘢就番屋企 lu ~   

今日要執衫喇   執咗個幾鐘   估唔到好快搞掂   感恩感恩 ~

6 點去旅行社睇資料   之後去買波鞋   買完都 7 點半喇   要去食嘢喇 ~

今晚唔徑步喇   因為有啲攰   同埋想開機洗衫   哈哈 ~

沖埋涼就休息 lu   里奧大人咁啱又做哂公司嘢   咁一齊食甜品呢 ~

今次啲桂花糕好甜

聽日要番工 lu   咁 11 點幾都要瞓喇 ~  

城門水塘 + 雲南小鍋米線 @ 荃灣 (PART 3/3) ( 25-APR-2015 )

( 25-APR-2015  SAT ) - PART 3/3

差唔多 4 點   仍然繼續行呀行 ~

我覺得拎斜揹袋行山真係好辛苦   又重   所以行緊嘅時候   膊頭都有啲痛呀  

好多狗

4 點終於見到水塘喇   

以為係倒影

好多青蜓

 

估唔到有烏龜

曬

西蘭花 



水晶球

以為無得行出去呀

又再影過  

真係好平靜   好舒服  

4 點 10 分 lu   坐低抖下先   之後先行去小巴站喇   

佢條馬尾   係長到落大脾位置

可以坐住張櫈望住   不過好鬼曬   所以影完就走   哈哈

另一邊 

又望下綠色嘢   哈哈  

由 1 點 25 分開始行   行到 4 點 35 分都行咗差唔多 3 個鐘   比我哋想像中快   因為網站話要行 5-6 個鐘   唔休息就可以 3 個鐘  

無咁熱   所以啲馬騮開始出沒喇 

里奧大人堅持要去蝴蝶園睇睇   不過我唔去 lu   好驚啲嘢飛飛共   哈哈

保護色馬騮   最搞笑我問里奧大人多唔多蝴蝶呀 ?!   佢氣沖沖話蝴蝶就無   馬騮就大把   哈哈   

 我睇相嘅時候   話呢隻馬騮好似好孤獨好慘咁

隻馬騮無啦啦張開個口   想噬佢咁呀   嚇到里奧大人即退後一步   所以呢張相雖然濛咗   哈哈   佢唔係 Zoom 去影佢   係真係咁近距離影佢呢

我坐喺士多出面等里奧大人   都見有馬騮落山摷垃圾桶搵嘢食   我真係覺得佢哋好慘  

我就醒喇   只會 Zoom 嚟影   因為我驚佢抓我呀   哈哈 

係喎   個樣真係好慘咁

身手好敏捷 

咁樣我會頭暈  

無啦啦又爬咗上去



右眼應該傷過呢



里奧大人落嚟嘅時候就打比我   叫我排隊   但其實已經好多人排緊隊㗎喇   因為啲車比較疏呢

    




見到馬騮嗎 ?!   喺人同車嘅中間位置呢

佢係咁搖支燈柱   嘈到呢

3 隻排住隊咁行前   好得意 

喺我隔離㗎咋   不過我唔驚   因為佢好細隻   覺得佢好得意添   哈哈 

5 點搭小巴   等咗 20 分鐘左右就有車   最正係總站喺雲南小鍋米線對面停車嘛   我就係想食酸辣米線呢   所以 5 點 40 分食早飯   呵呵 ~

里奧大人食紫菜豬腩肉小鍋米線 (小辣)   我就食豬腩肉小鍋米線 (小辣)   不過依家細碗咗 lu    

炸雲吞

食到 6 點幾就去新之城   咁啱菜菜仔又係荃灣   咁一路買住衫等佢啦   之後喺 Burger King 飲杯汽水   我真係食唔落嘢呀   叫佢飲杯咖啡同食 2 隻雞膇算喇   傾咗半個鐘   佢都要番屋企喇   所以我哋又繼續行   之後去埋旅行社拎資料就番屋企 lu ~

搭小巴番九龍灣   再去惠康買嘢   之後就番屋企喇 ~

沖埋涼都 9 點幾   Load 完相就睇電視   好感恩今日對腳唔痛呀   希望之後再可以行耐啲添呢 ~

星期六真係唔願咁早瞓   所以成 12 點先瞓呀 ~