燻蹄 (外賣) + 青紅蘿蔔豬骨湯 ( 2-APR-2015 )

( 2-APR-2015  THU )

好開心呀   番埋今日就連放 5 日假 (清明節 + 復活節)   發達喇 ~

今朝一起身就開機   睇下家姐有無按咗隻金蛋   估唔到佢都按哂   哈哈 ~

勁眼瞓囉   所以飲咖啡   之後 8 卦又話嚟   好在啱啱對面個人食完走人 ~

番到菇場無耐   家姐打嚟問我手指有無痺 ?!   咁我都有少少痺   大佬   我一個人按哂呀   里奧大人求求其其按咋   所以我叫佢唔好按   家姐就好啲   叫工人一齊按   佢哋按到 12 點幾先瞓呀   仲顛過我   哈哈 ~       

8 卦好鍾意上網睇嘢   一有搞笑嘢就會即 Skype 我知   今日單嘢勁啦   講人哋煲湯   煲嘅係 "咖哩雞翼煲湯"   最頂癮係要連埋咖哩汁   真係好嘔心呀   哈哈   有個就  "煲水之後倒哂啲午餐肉落去  之後落雞粉"   仲有 "榴槤肉雞湯" 同 "雪耳淮山煲金寶忌廉湯"   家姐同事就煮 "粟米湯瀨粉"   真係好搞嘢 ~

傾下又做下嘢   好快又 Lunch Time 喇   今日食麥皮同埋餐包   呢排肥咗   要減下喇 ~

好嘢   終於 Hea 到放工 ~

今晚買完燻蹄就番屋企   我仲未餓   不過就飲咗碗湯先   抖到差唔多 8 點就去徑步   沖埋涼都 9 點   里奧大人就啱啱放工   煮個麵再一齊食餸   陪下佢咁囉   哈哈 ~        

是日懶餐 - 燻蹄 ( 外賣 ) + 青紅蘿蔔豬骨湯 

燻蹄 (外賣) - 勁想食好耐   今次個醋好鬼辣   之後只係酸酸甜甜嘛   里奧大人以為我自己加咗辣椒呀 ~  

青紅蘿蔔豬骨湯 - 媽咪尋晚煲㗎   今晚一定要飲哂 ~

洗埋碗   抖陣   睇下電視   11 點幾都瞓喇   聽朝 7 點半要起身呢 ~