城門水塘 + 雲南小鍋米線 @ 荃灣 (PART 1/3) ( 25-APR-2015 )

( 25-APR-2015  SAT )

今朝 10 點起身   里奧大人話佢 9 點已經醒咗   仲沖埋涼   不過洗頭嘅時候覺得好眼瞓   所以又瞓番   離離奇奇   哈哈 ~

好喇   去食早餐   之後沖埋涼   抖陣就去荃灣喇   點知臨出門口   我喺廁所洗完手   唔小心整跌咗隻杯   點知隻杯裝滿哂水   倒到成條褲濕哂   都唔知里奧大人裝咗杯水喺度做乜   之後佢話漱口   但出門口都唔見佢入廁所   漱乜鬼口呀   麻鬼煩   又要我吹番乾條褲   因為呢條褲係最薄   唔想着其他褲   之後佢幫我熨番乾去囉   嘥哂啲時間 ~

12 點 15 分先去搭地鐵   之後諗住坐 82 號小巴   不過排長龍   起碼要等 4 架   最慘見到啲車唔係好密   咁打的啦   有一男一女問我哋係咪去城門水塘   話 Join 埋一齊   咁 ok 啦   反正 2 個人同 4 個人坐都係咁多錢   之後傾偈   佢話係去做義工   介紹咗好多嘢比我哋知   識咗好多嘢   哈哈   車程係 $50   之後落車   佢係都要比番一半錢我哋   不過里奧大人話唔要   當支持下佢哋做義工 ~

上網睇人哋影個牌坊好似好大塊咁   原來係得咁細塊   哈哈

 

郊區火警訊號係 "高"



1 點 15 分去到   里奧大人無啦啦話講啲恐怖嘢我聽   我話唔係見到鬼呀嘛 ?!   之後佢話覺得好餓   整佢咩   肚餓啫   駛唔駛用恐怖嚟形容呀 ?!   

我見好多人行完山   都嚟買雪糕食   得我哋兩個係未行就已經幫襯佢   哈哈       



魚肉燒賣同咖哩魚蛋   每樣係 $9/串   魚蛋 OK 辣   燒賣就麻麻   不過啲豉油辣椒油又 OK 喎 

去埋個廁所   差唔多 1 點半開始行   開頭行嗰啲路唔係咁平坦   我係有啲驚㗎   不過無理由唔行啦   我要克服重重嘅心理障礙   哈哈   不過里奧大人反應係 "都唔知妳驚乜 ?!"   仲要話城門水塘嘅難度只係 2 粒星 (5 粒星係最難)   車   驚咪驚囉   唔得咩 ~

行上去喇

                 

好多好易行嘅樓梯   



我驚馬騮嘛   所以唔敢揹個背囊   我個背囊又有黃色   一陣以為係香蕉   我就死得   不過阿 mi 話用行山杖嚇佢都得喎   但我都驚啦          

諗住嘆陣冷氣   點知係無嘅   哈哈 

除咗松鼠狗   我都好鍾意 Poodle 㗎 

裝下先

好堅挺嘅葉

引水道 

頭先隻 Poodle 呀   勁想抱佢

介紹

我睇完之後都唔會記得   哈哈

好多枯葉 

之後要行呢啲路   勁驚囉   所以里奧大人即刻拎支行山杖比我呢 

我要影相定驚   哈哈

                 

郊遊親子樂真係好好呢 

又枯葉又綠葉  

喺香港好難見到地衣呢

我係咁叫里奧大人行埋啲行埋啲   佢幾衰呀   話係咪要貼住啲石嚟行呀 ?!

凸咗出來都幾危險 

行完呢啲路未呀   不過咁闊就唔係好驚       

兩棵唔一樣嘅樹

最鍾意影天空   哈哈

成日頭 Dup Dup 行路   

好在唔駛行呢啲路

我哋唔知行邊個方向嘛   咁里奧大人問呢個男人啦   不過佢無應到里奧大人呀   之後聽佢同小朋友講嘢   好似講日文

唔知呢啲花叫咩名呢 ?!



轉彎轉彎又轉彎

次次一用行山杖   里奧大人就會問幾次個手位啱唔啱   係都幫我校到啱為止   驚我就住用會好辛苦      

一陣落去影相先

里奧大人乜事呢   2 點又話食個 Muffin   咁我食到半個咋   因為真係唔餓   只係口渴   今次帶咗 2 支寶礦力   下次真係要帶起碼 3 支   重就重   好過一陣唔夠飲 ~

之前同里奧大人講   話阿 mi 話唔好拎膠袋出嚟   所以佢話依家無馬騮   要食嘢喇  

                 

行咗 1500m

呢日未完㗎 ^^