燒汁煎鯖魚柳 + 鹹蛋莧菜 + 竹蔗茅根馬蹄水 ( 6-APR-2015 )

( 6-APR-2015  MON )

今朝 9 點幾醒咗   即開機洗衫   瞓到  11 點起身   之後沖涼喇   因為約咗媽咪飲茶嘛   但里奧大人仲瞓緊   咁我 12 點叫醒佢   佢都想起身飲茶   不過我見佢好小瞓咁耐都無話餓醒   所以我叫佢繼續瞓   我飲完再陪佢食嘢呢 ~

去到酒樓都係 12 點   估唔到姐夫都嚟埋   咁 4 個人食嘢都好   同埋我又唔餓   唔知係咪尋晚食包大爆谷食滯咗呢 ~

家姐飲到 1 點幾就走喇   我就陪媽咪坐多陣   咁拎咗手信比媽咪   幫佢拎埋番屋企就走喇   里奧大人餓喇   因為已經 2 點半 ~

不過我去埋街市買餸先 Join 里奧大人   佢話飲麥當勞咖啡   咁好呀   想快啲用哂啲 Coupon 呀 ~ 

一坐低有人叫里奧大人   原來係佢舊同事   咁一齊坐啦   本來我諗住走先   不過我費事一話走   佢哋又走   好似趕人走咁   咁唯有坐下囉   佢哋一傾就傾兩個鐘   差唔多 5 點先走呀   番屋企即煲竹蔗茅根馬蹄水   之後開機洗衫同浸菜   抖陣就煮飯 lu ~ 

因為想徑步   所以早啲煮   7 點半有得食 ~ 

是日晚餐 - 燒汁煎鯖魚柳 + 鹹蛋莧菜 + 竹蔗茅根馬蹄水  

燒汁煎鯖魚柳 - 太耐無煎魚   唔記得落生粉   成塊皮黐住個鑊   嘥哂   勁想食脆卜卜嘅皮嘛   嗚嗚 ~  

鹹蛋莧菜 - 屋企只有鹹蛋   一於食埋佢   唔係又壞㗎喇 ~

竹蔗茅根馬蹄水 - 頭先同媽咪飲茶講開竹蔗茅根   所以就煲比里奧大人飲   佢成日話熱氣嘛   好耐無煲呢啲嘢   又批皮又劈蔗   勁攰 ~   

搞掂哂   9 點先徑步   其實我想徑與唔徑之間   因為有啲攰   不過諗諗下都係徑啦   難得無落雨嘛   但我徑 15 分鐘就番屋企先   沖埋涼   里奧大人就番嚟喇 ~

隻街貓好得意呀   唔驚人㗎

今晚要 Relax   所以睇戲食薯片   不過依家真係食少咗薯片   最多食 1x 塊就夠   以前閒閒哋食一包㗎   所以食到咁身型   哈哈 ~

又 12 點幾瞓   放縱埋今晚   聽晚要早啲瞓 lu ~