漢記小廚 @ 九龍灣 ( 18-APR-2015 )

 蒜蓉蒸扇貝 ( $28/隻 ) - 麻麻哋

唔知乜斑   好似 $468   佢哋話熟得滯   所以啲肉有啲 "鞋"   但啱哂我   哈哈   但個豉油無味嘅

豉椒炒蜆 - 熟得滯   啲肉韌呀

椒鹽鮮魷 - 呢個超級正   個粉漿好薄   鮮魷又嫩   

蠔仔餅 - 我無食呀 

生炒骨 - 我無食呀

 糖醋骨 ?!   我都無食   因為其實我根本都唔餓   唔想食咁多肉  

椒絲腐乳通菜

啤一啤   不過我只飲雪碧   

( 18-APR-2015  SAT )

今朝食飽啲   因為晏晝要 1 點幾先食嘢   呵呵 ~

菇場抖咗陣就忙啦   好在 1 個鐘頭就搞掂   星期六真係唔想做公司嘢   哈哈 ~

放工即走喇   坐巴士去 MegaBox   約咗里奧大人喺白木屋等呢 ~

去到都差唔多 1 點半   食埋嘢   坐多陣就去 Shopping 喇 ~

什錦海鮮飯 - 啲飯係珍珠米   所以我鍾意食   同埋有啲醋味都唔錯    

三文魚刺身飯 - 里奧大人話刺身好薄片囉   同埋好多飯   所以顯得刺身更加少咁   哈哈

行完十蚊店   買咗啲嘢就走喇   里奧大人愕然問依家啲嘢十二蚊喇 ?!   我話好耐啦   個名都改埋喇   不過佢唔鍾意行十蚊店呢啲女人嘢   所以佢唔會理啲價錢囉   我話有時啲嘢係幾十蚊㗎   所以唔好亂買   只可以買十二蚊嘅嘢先抵呢   哈哈 ~     

今日最主要係去大眾買証件套   點知佢哋裝修   哈哈   咁無計啦   番九龍灣買囉 ~

買埋遮都 4 點   要去麥記飲咖啡喇   今日真係好邪呀   里奧大人一早已經話去埋麥記飲咖啡   點知家姐無啦啦打嚟叫我飲伯爵茶咖啡   話幾好飲   記得要凍先有粒粒點子   又話一定要加忌廉   好啦   咁我去飲啦   Wwhatsapp 比佢睇   又即問好唔好飲 ?!   勁搞笑   佢次次見有嘢食嘢飲呢啲   就第一時間問好唔好食   好唔好飲咁㗎   真係好為食   大家真係同一個種   哈哈哈哈 ~

影到古古怪怪   哈哈


冰伯爵茶凍鮮奶咖啡 - 味道幾得意   有茶味同咖啡味   最正係有粒粒伯爵茶凍   好似食緊寒天咁

飲完又去 H & M 睇下衫   好感恩買咗件薄薄嘅外套   呢個時候着就最好呢 ~  

行路番屋企   都只係 15 分鐘   真係快過等 Shuttle Bus ~   

之後再去買証件套   又去睇下背囊   不過唔啱心水   嗚嗚 ~  

留到屋企差唔多 6 點   好攰呀   但唔知點解今日好開心   雖然只係行 Mega Box   但感覺好似好耐無去過街咁   哈哈 ~  

呢個 $69   我同里奧大人強調我唔會買公仔証件套   點知最後買咗 B-Duck   所以佢又串串共   但其實我想講話唔鍾意太 Lady 嘅公仔   特別係粉紅色   我真係唔太鍾意粉紅色   唔知點解

我鍾意迷彩 Earphone   呢個 $338   

Aeon 買㗎   因為夠輕身   里奧大人買啡色 ($99.9)   咁我又要買   我把只係 $69.9            

H & M 買嘅長外套   $99 好抵   

 @ Living Plaza   $12/塊   我鍾意大花同暗花   所以 2 塊都買   但 Size 係唔同嘅       

抖到 7 點 15 分就出發喇   今晚試下行去大排檔   我依家勁鍾意行路   里奧大人直頭話我行得快過佢添呀   因為我無袋一身輕嘛   同埋用咗徑步嘅步伐   所以咪快囉 ~

去到要等陣   今晚 Y 姑請食飯   完全係無乜幾何   所以我話一定要去啦   加埋 2 姑奶一定食   但大排檔太嘈喇   傾偈比較辛苦   水姑差唔多 8 點幾先到   佢食完自己又要趕番去做嘢   原來都 9 點半喇   咁我哋都走 lu ~

又行路番屋企   不過有啲焗喇   所以番到屋企即開冷氣   抖陣即沖涼喇 ~

我就睇雜誌   之後叫里奧大人幫我揀相   所以搞到 12 點幾先瞓呀   哈哈 ~