稻香 @ 九龍灣 ( 19-APR-2015 )

里奧大人見到每枱都係 2 隻 or 3 隻雞就呆咗   大驚小怪   哈哈      

魚香茄子煲   差唔多全煲都係茄子   呃人嘅

( 19-APR-2015  SUN )

8 點半起身   沖埋涼就落去食早餐喇 ~

我次次一唔夠瞓呢   對眼會好痛同埋不斷流眼水   好在今朝痛咗陣就無事 ~

唔知做咩   無啦啦個胃勁脹   食到最後果幾啖肉碎同米粉都食唔落   嘥哂 ~
  

抖陣就番主日學喇   番主日學真係好開心   唔經唔覺就好快 1 個鐘   不過今日我要做司事   所以要早啲走呢 ~

奉獻完就番屋企喇   2 點出去食 Lunch   我勁餓呀 ~

我食雞批   其實唔飽   所以食埋里奧大人個鹹餐包  

呢期好想買背囊   尋日試完唔啱   今日再睇過   原來有個款無試到呀   咁又再去試   點知個 sales 問我係咪尋日嚟過 ?!   之後個老闆又咁問呀   哈哈   我唔係嚟搞搞震㗎   我堅想買呀   好感恩呢個背囊好啱我呀   里奧大人都話好睇   所以送比我   嘻嘻 ~

原價 $1,399   8 折就 $1,119   話係牛皮喎     

番到屋企都 3 點半   佢話瞓嘛   咁我話切火龍果佢食先啦   清熱氣呀   之後條友話買完嘢比我之後   服務好好多呀   對佢當堂唔同哂呀   咁其實我都識做嘅   哈哈 ~

佢瞓覺到我 Load 相喇   佢差唔多 5 點就起身 lu ~

今晚同佢去稻香食一蚊雞   因為佢次次都話我只同媽咪食喎   咁同佢食一次啦   哈哈 ~

平日 5 點 45 分去到都要排隊攞飛   咁今晚我勁喇   5 點半去到   已經打蛇餅喇   排咗起碼 70 人   好感恩 5 分鐘之後開始派飛   咁里奧大人又嚟埋   叫佢聽 Number   哈哈 ~

我特登 Lunch 食雞批   所以我真係又餓啦   坐我隔離個阿伯同阿婆   一坐低叫 3 隻雞同 1 碗飯   里奧大人嚇呆咗   我話一早同佢講咗啦   啲人一坐低係最起碼叫 2 隻雞   就算 2 個人食都係咁叫囉   不過都係嗰句   最緊要食哂 ~

食到 7 點半就走人喇   因為我要去食雪糕呀 ~

提子冧酒   原本 $12   但再加多 $1 就可以大啲   咁就當然加大啦   哈哈

抹茶 

抖到 8 點 15 分就去徑步喇   聽日又開始落一星期雨喇   所以今晚點都要徑呢 ~

徑到 9 點要走喇   因為真係好焗 ~

沖埋涼就休息喇   11 點幾就瞓 lu ~