稻香 @ 九龍灣 ( 9-APR-2015 )

"一蚊雞"   半隻就 $0.5   我見隔離 2 個女人食咗 2 隻雞 + 2 碗粥 + 1 碟菜 + 1 碟豆腐

豉油好味呀   

拍薑蔥桶蠔煲   有 6 隻   其中 2 隻好大隻   我食咗 1 隻都滯咗   

溫公南乳齋煲

脆皮咕嚕肉 

媽咪話再叫多碟 Share 食   諗住比工人食半隻   點知叫咗之後佢話唔食   飽到我哋呢   之得唔叫啦 

鱻   我仲以為讀 "魚"   原來係讀 "鮮"   好在上網查   哈哈  

( 9-APR-2015  THU )

又係好凍喎   今晚會 16 度添呀   不過最緊要唔好落雨就得㗎喇 ~

呢排朝早都飽飽滯滯咁   咁都好   早餐唔駛食咁多嘢   哈哈 ~

今朝開始要打卡喇   最煩係銀包有住客証 八達通同信用卡   唔可以就咁嘟   要拎出嚟嘟   所以我遲啲都買番個証件套   唔係整壞哂卡啲磁帶仲煩 ~

但最頂癮阿 4 仲係番 9:20am   其實所有人都知佢成日遲到   日日番 9:20am   所以先累到我哋要拍卡   之前已經出過 Email 話要準時 9 點番   佢頭嗰 2 個星期咪番 9 點囉   之後又唔當一回事   繼續遲到   咁其實根本佢可以 9 點番工啦   依家仲咁樣   遲早收 Warning Letter   真係唔抵可憐囉 ~

忙到 11 點幾終於可以抖下   之後膊頭痛呀 ~

今日有 Lunch Box   食完又出去行下   難得涼涼哋 ~

又係忙下停下   8 卦又同我講渠上次問佢 "無線 Mouse" 中文點寫 ?!   係咪寫 "無線老鼠" ?!   我真係笑到震哂   哈哈 ~

時間過得好快   眨下眼又放工 lu ~

今晚同媽咪 家姐去稻香食飯   我 6 點左右到稻香   好奇怪點解咁多人   得 1/3 位咋   上次呢個時間   得我哋同隔離 2 位枱   之後睇餐牌   原來有 "一蚊雞"   唔怪得咁多人啦 ~

家姐 7 點到   食下傾下都 8 點幾   送埋媽咪搭車   我再送埋家姐搭車   咁打比里奧大人   原來佢已經放咗工   咁我之前打比佢   佢話會去叙苑食粉   之後打比佢幾次   佢又聽唔到電話   咁我喺附近行幾行啦   唔見佢就走人㗎喇   點知比我一望就望到佢   佢話我扮嘢等佢   但其實我真係等佢㗎喎   咁同佢講証明我同佢係好有緣   哈哈 ~

番到屋企都 9 點半   咁即沖涼睇 "導火新聞線" 喇 ~

里奧大人就做公司嘢   做到 10 點幾就沖涼   之後睇陣電視   11 點幾就瞓喇 ~