茄汁肉丸意粉 + 粟米湯 ( 13-APR-2015 )

( 13-APR-2015  MON )

雖然今朝都係凍凍哋   但見到有太陽真係好開心呀   好耐無見太陽喇 ~

早餐食奶醬多   睇下報紙   依家 9 點前都番到菇場 lu   但成日遲到果位同事依照番 9 點 20 分   似乎真係唔驚收 Warning 咁噃 ~

菇場做埋 Report 就唔忙喇   但又唔想 Load 相   所以都係 Skype 傾偈   傾下傾下又到 Lunch Time ~

本來諗住食麥皮   但見咁好陽光   所以出去食嘢   順便行下   比我買到條 One Piece   勁開心呀 ~

好喇   仍然 skype 過日晨   話咁快就放工 lu ~

今晚去街市買餸   買埋生果   加埋勁重呀 ~   

其實我次次買緊一樣嘢   好自然會諗一陣要買咩   咁今晚買一份富士蘋果係 $20   我比咗張廿蚊紙仲企定定唔走   以為要找錢呀   之後個檔主話廿蚊嘛   我即話唔好意思   佢都好有禮貌話唔緊要   最緊要搞清楚   哈哈   我覺得自己勁樣衰 ~

之後去買胎菊   $12/兩   咁我買 1 兩試下   比咗 $40 個男人找錢   之後個男人開咗收銀機   拎住 2 張廿蚊紙發呆   又呆望我咁   之後我好醒咁問佢   我係咪比多咗錢   佢話係呀   $12 比 2 張廿蚊紙   佢唔識找   哈哈   我都唔知做乜鬼比 $40 人哋   可能我一心諗住無咁平   所以比哂手頭上果 $40 佢呢 ~         

頭先 2 檔豬肉檔都無得買豬軟骨   咁去 Taste 睇下   點知都係無   咁順便幫家姐睇埋粟米湯價錢   諗住買奶又無貨   咁番屋企喇 ~

番到屋企都 6 點半   要即刻預備好晚餐喇   好在今晚煮嘅嘢係零難度   所以好快搞掂   差唔多 7 點半就開餐喇   食到 8 點就洗碗   搞掂哂就落去散步   咁啱里奧大人放工   叫佢到九龍灣打比我   一齊番屋企呢 ~

都散咗半個鐘   諗住里奧大人都無咁快到九龍灣   估唔到佢即打嚟話落車   咁我哋約埋喺商場等囉   佢行路只會直望   我扮經過佢都唔知   之後我追番佢   啲人以為我黐線   哈哈 ~             

是日懶餐 - 茄汁肉丸意粉 + 粟米湯  

茄汁肉丸意粉 - 里奧大人唔多舒服   一定唔想食飯   咁煮意粉啦   因為我想整洋蔥比佢食嘛 ~   

粟米湯 - 無哂蛋呀   不過無蛋花都唔錯   無咁滯咁 ~

呢期啲每月一到亂鬼哂   不過好感恩係唔痛   希望以後都唔痛啦 ~

沖埋涼即開機洗衫   今晚都幾攰   所以 11 點唔夠都瞓 lu ~