蒸大眼雞 + 燻蹄 (外賣) + 菜心 ( 31-AUG-2015 )

( 31-AUG-2015  MON )

又星期一喇   仲天陰陰但無落雨添   咁嘅天氣   好難精神喎   哈哈 ~

早餐食芝腿治喇又   之後 8 卦又嚟埋   傾多陣又番工 lu ~

做埋 Report 就 Hea 過   呢排好攰   無咩心機   所以都無咩 Mood 上網 ~

Lunch 食叮米   加埋啲肉碎一齊叮又幾好味   食完同 8 卦行一田   激死我   居然無得買王林蘋果   所以行多陣就去買零食 lu ~

好嘢   仍然 Hea 過   傾下偈   眨下眼就放工喇 ~

買完燻蹄就番屋企   浸好菜就開機洗衫   之後拖地   好耐無認真拖地   拖到出哂汗 ~      

里奧大人 7 點放工   咁我等埋佢一齊食喇   因為想 Share 一個丁麵呢 ~

是日懶餐 - 蒸大眼雞 + 燻蹄 (外賣) + 菜心

蒸大眼雞 - 媽咪比架   所以即刻蒸埋喇   唔係又擺幾年 ~  

燻蹄 (外賣) - 最衰 8 卦啦   無啦啦講豬耳   搞到我想食爽爽哋嘅嘢   但里奧大人唔食豬耳   我一定唔會買啦   所以買燻蹄囉   同埋我勁想食啲酸醋呢 ~ 

菜心 - 尋晚食剩半斤   今晚清埋佢 ~

搞掂哂就熨衫   里奧大人就沖涼   佢沖完涼就接手熨埋啲衫    咁我唔客氣沖涼 lu ~

呢日勁攰   所以 10 點半都一齊瞓覺喇 ~

榨菜肉未配叉子燒餅 + 菜心 ( 30-AUG-2015 )

( 30-AUG-2015  SUN )

今朝 9 點半起身   因為家姐 10 點會到媽咪屋企   所以我話買早餐去媽咪屋企一齊食 lu ~

食完又傾下偈   家姐居然對 Secret Garden 有興趣   所以比 2 頁佢畫啦   里奧大人就做公司嘢   我就打機   話咁快又 1 點   所以同媽咪去飲茶喇 ~

飲到 2 點幾   媽咪要番屋企食藥   我哋正想開門   聽到後面有人喺度笑   原來係工人番咗嚟   咁就好喇   可以跟番媽咪啲藥   因為我哋實在太論盡喇 ~

最搞笑係工人依家好緊張媽咪食唔食嘢   仲細細聲問我   媽咪有無食嘢   我覺得佢似媽咪個女多過我似   因為我無佢咁細心呢 ~

3 點同家姐一齊走喇   我又拎咗啲牛肉同魚   之後買埋菜就番屋企   里奧大人就瞓覺   我就睇下雜誌咁囉   其實個人好攰   但瞓唔到 ~

呢排個人攰到無咩記性   完全唔記得打番去問牧師探訪情況   所以記得就即打   牧師話媽咪表面唔抗拒   但仲未係願意真正接受主   咁我都知嘅   但最緊要唔好抗拒就得   牧師同佢祈禱   佢都好開心   之後仲話請牧師飲茶   呢下搞笑   佢哋傾咗半個鐘左右就走喇   但之後會再 Keep 住探媽咪   咁都好   等佢更加認識神   做一個好好嘅見証呢 ~   

6 點開始煮嘢   6 點 45 分有得食   因為其實今晚係超級簡單   哈哈 ~

是日懶餐 - 榨菜肉未配叉子燒餅 + 菜心 

榨菜肉未配叉子燒餅 - 尋晚食唔哂呀   所以我拎番屋企食   但其實我已經比咗半盒人哋㗎喇   如果唔係又要食多幾餐都似   因為今晚都食唔哂   要留番聽日做 Lunch Box 囉 ~     

菜心 - 我無咩胃口   所以煮咗半斤菜心算喇   估唔到啲菜心好甜喎   定係我太耐無食菜呢 ~

搞掂哂就同里奧大人一齊去 Taste 買果汁同合桃比媽咪   因為我哋想買啲無 Sodium 嘅嘢   咁比媽咪食下零食   無咁悶嘛 ~

番到屋企沖埋涼   睇下電視   11 點幾瞓 lu ~

金滿庭京川滬菜館 @ 九龍灣 ( 29-AUG-2015 )

我好鍾意食海哲㗎   爽爽哋

片皮鴨就麻麻哋好味

松子魚一般啦  

因為一枱坐 16 人   所以全部小菜份量係 x 2   不過有啲都食剩   所以要打包        

唔知咩海參  

砂窩雲吞雞

宮保雞丁 ?!   啲腰果唔脆嘅      

榨菜肉末  

叉子燒餅  

傻佬炒飯  

唔知咩炒拉麵   姑奶又話好好食   真係唔覺囉  

唔知咩津白  

蔥油餅  

炸銀絲卷   

蒸銀絲卷   

豆沙鍋餅  

酒釀丸子   係寧波湯丸囉   味道唔係咁夾咁   所以叫里奧大人幫手食哂去   哈哈

桂花糕   仲有川貝燉雪梨 

( 29-AUG-2015  SAT )

今朝 7 點 45 分先醒   咁里奧大人醒一醒去廁所   之後我拎袋衫出嚟   叫佢起身就開機洗衫   點知佢叫番我轉頭   叫我開機洗衫   佢一起身可以晾衫   真係以為我唔駛番工咩   哈哈 ~

約咗 8 卦食早餐   不過我今朝都遲咗   所以遲咗幾分鐘先番菇場呢   好在所有大粒唔喺到咋 ~

菇場唔忙   咁就好喇   因為真係無咩 Mood 做嘢 ~

今朝牧師 10 點半去媽咪屋企探訪   希望媽咪唔驚啦   哈哈   不過最緊要媽咪唔抗拒   唔係都幾難搞呢 ~ 

放工番屋企   抖到 2 點就去食 Tea ~

今日 2 個阿姨探媽咪   所以我哋番屋企抖到 3 點半又出發去媽咪屋企喇 ~

佢哋明明話 4 點半到媽咪屋企   咁我哋都早半個鐘去到啦   點知佢哋 3 點 45 分已經到媽咪屋企   真係好在特登早啲出門口咋 ~

傾到差唔多 5 點   阿姨話同媽咪一齊出去食 Tea   不過我真係食唔落   只係去傾下偈   坐到 5 點 45 分就要走喇   家姐送 2 個阿姨坐車   我同里奧大人就去德福   因為今晚同姑奶食生日飯呢 ~

又係金滿庭   不過今次就 Book 房   因為總共有 31 個人嚟食飯   食下傾下玩下   10 點食完就各自歸家 lu ~

經過馬莎   里奧大人又買咗 3 件裇衫   $299/件   好感恩 Buy 2 Get 1 Free   好在上次忍手無買咋   唔係就激氣咯   買完都 10 點 45 分   不過咁夜買衫都唔錯   因為實會有房試衫   哈哈 ~

番到屋企沖涼   差唔多 1 點先瞓 ~

麥當勞 @ 九龍灣 ( 28-AUG-2015 )

( 28-AUG-2015  FRI )

尋晚瞓得唔係咁好   所以無咩精神 ~

早餐食奶醬多   其實真係無胃口   食到一半已經唔想食   不過無理由咁嘥   慢慢慢慢食咁囉 ~

菇場忙呀   咁都好   時候過得快啲 ~

Lunch Time 出去行下   之後忍唔住喊住打比里奧大人   唔明媽咪做乜鬼   明明出去食   但就同我講話喺屋企食蒸魚   都唔知佢想點   其實我覺得好煩   出去食就出去食   做乜要講大話   好在依家可以同工人 Whatsapp   都知道佢其實食咗咩 ~

喊完好啲   所以買嘢食番菇場   其實又係食兩啖已經想唔食   雖然係我至愛嘅炒米粉   但覺得今次好難食呢 ~

2 點幾收到工人 Whatsapp 話媽咪唔食嘢   之後家姐打嚟話工人喊哂   好驚媽咪唔食嘢   咁即打比阿姨   之後再打比姑娘   佢話媽咪血壓心臟正常   喺佢哋角度其實無咩問題   但在於屋企人角度就可能有問題   所以如果再唔食嘢   就去醫院囉 ~

又令到我無哂心機   真係驚到對手都冰哂   好在今晚唔駛煮飯   所以都諗住去探媽咪   等我自己個心定啲 ~

放工即去媽咪屋企   問佢食咗嘢未   佢反而問我去唔去食嘢   咁好啦   陪佢一齊坐下都好   難得佢肯坐 ~

紅燒野菌豆腐算最清㗎喇   最緊要佢肯食飯   咁先有氣力   我依家真係好矛盾呀

工人同我講話媽咪唔食嘢   佢喊住同媽咪講   再唔食嘢佢走㗎喇   之後媽咪叫工人切半個梨   飲咗啲奶   咁都好   依家真係要靠工人㗎喇   我實在好感恩有呢位工人   緊張媽咪程度比我同家姐更為甚呢 ~

里奧大人 7 點 15 分放工   不過我話未走住   坐到 7 點半左右   條腰骨無啦啦超勁痛呀   所以都要走喇 ~

陪埋媽咪番屋企   祈完禱就坐車走人喇 ~

約里奧大人喺屋企附近等啦   但我真係無咩胃口食嘢   所以去麥當勞算喇   想快啲食完快啲番屋企 ~

沖埋涼就睇電視   11 點瞓喇 ~     

唐記 (外賣) ( 27-AUG-2015 )

( 27-AUG-2015  THU )

今朝 8 點半起身   感恩個肚無痛   仲有啲餓添 ~

尋日無食過嘢   所以都係打的番菇場   唔想行咁遠搭車呀 ~

買埋早餐   好在遲咗 10 分鐘   今朝勁忙   一路食早餐一路做   好少會咁樣   哈哈 ~

Lunch 食麥皮   因為懶得出街 ~

3 點幾無啦啦個肚有啲痛   都 OK 接受到   但就勁想番屋企瞓囉 ~

放工即走   感恩即刻有巴士   番到屋企即沖勁熱水涼   真係舒服好多呀 ~

里奧大人差唔多 8 點先放工   咁我叫佢買唐記點心番屋企食呀   突然間勁想食山竹牛肉呢 ~

食完就睇陣電視   11 點就一齊瞓喇 ~

炒粒粒 ( 25-AUG-2015 ) + ( 26-AUG-2015 )

( 25-AUG-2015  TUE )

今朝有啲焗熱   所以喺街度見到啲人着西裝   都覺得佢哋辛苦   可能佢哋都應該習慣咗   唔係點頂呀   咁鬼熱 ~

早餐食奄列   正想食嘅時候   8 卦又嚟到   食下傾下   好快又要番工 lu ~     

菇場勁忙呀   做到 Lunch Time 都未做完   留番一陣再做 ~

食完 Lunch Box 就落去行下   行咗 15 分鐘就即番菇場喇   條街好焗熱呢 ~

做埋啲手尾   3 點幾就可以 Hea 過喇 ~

放工去街市買餸   番到屋企抖陣   抖到 7 點   見里奧大人都未打嚟   咁我都預備定先   因為我用較剪剪粒粒   所以要多啲時間   剪到咁上下   里奧大人話已經喺九龍塘   咁遲先打嚟   我又要快快手煮嘢啦 ~       

是日晚餐 - 炒粒粒

炒粒粒 - 今餐用魚蛋代替豬肉   咁又唔錯喎   因為我唔想食咁多紅肉呢 ~

搞掂哂就開機冷衫   咁里奧大人去徑步   我就熨 3 機衫當做運動   佢番到嚟   我先熨完   抖陣就沖涼 lu ~

終於每月一到   唔怪得咁鬼攰   咁睇多陣電視   11 點幾都瞓 lu ~     

( 26-AUG-2015  WED )

今朝個肚少少痛   不過就成晚瞓得唔好   所以都係請病假 ~

都唔知做乜鬼   肚就唔係咁痛   但成鬼日嘔   呢下先辛苦 ~

瞓到 10 點半打去診所掛號   不過要 11 點 45 分先有得睇   咁好啦   再瞓過 ~

11 點 45 分去到   等到 12 點 05 分先有得睇   醫生見到我   話做乜事臉青青    青得好緊要   我話瞓得唔好   佢問我做乜瞓得唔好   我話擔心媽咪   佢問擔心啲咩呀   我話佢腎唔好囉   又唔戒口又懶   佢安慰我話媽咪認為咁開心咪有佢做囉   人生在世   如果妳要佢做乜做乜   佢又唔開心   而妳叫佢做   佢又唔做   變咗令到妳自己唔開心   咁不如妳放開啲   唔好諗咁多   其實都係嘅   我諗咁多都無用囉 ~

我其實最驚出診所   因為次次都係暈陀陀   唔知係咪出面太曬   所以我都急急腳行番屋企   一到大堂就望下塊鏡   原來塊臉真係超級白   咀唇又無血色   都幾恐怖下 ~

番到屋企點都要沖熱水涼啦   好在無暈   哈哈 ~

好喇   又瞓下醒下   瞓到 5 點就出廳喇   諗住睇下電視   點知都係瞓着咗   瞓到 7 點半   勁呀 ~

里奧大人今日上大陸   好感恩佢都 7 點到上水   叫佢食埋嘢先番屋企   佢番到嚟都 9 點 lu   咁我都沖涼洗頭喇   因為今日全日無食嘢   洗頭就真係驚會暈㗎 ~

食埋藥   10 點即瞓   因為好難得今日全日瞓   而 10 點都有睡意呢 ~ 

嘉華大酒樓 @ 官塘 ( 24-AUG-2015 )

清蒸茄子   呢個餸反而超級鹹   仲諗住清清哋添 

豉汁蒸黃立鯧 

白切雞 (半隻)

( 24-AUG-2015  MON )

今日請假陪媽咪覆診   不過 9 點都醒咗   咁沖埋涼就去食早餐   之後就去媽咪屋企 lu ~

坐到 12 點就出去飲茶   飲到 2 點就搭的士去覆診喇 ~

媽咪話食紅燒豆腐   咁是但啦   豆腐都 OK 嘅

絲瓜雲耳炒鮮魷   呢個又係媽咪叫㗎   真係唔慣晏晝食呢啲   哈哈   所以我都無咩點食

覆診時間係 2 點 15 分   但等到 4 點 20 分先睇呀   勁攰   我同工人又唔敢瞓喎   一陣聽唔到個名就大鑊嘛   哈哈 ~

今次嘅醫生超級好人呀   見咗起碼有 15 分鐘呀   佢又會問媽咪點樣   咁我好多嘢問嘛   佢都講解得好清楚   真係好在陪媽咪    咁佢就無得講大話啦   醫生叫佢唔好出街食   因為腎衰竭要食好清   雖然腎功能唔好   但就唔係好差到要洗腎喎 ~

所以我成日同媽咪講   自己唔郁真係無人幫到妳   工人已經扶住佢行 10 分鐘   但一日行 10 分鐘邊夠呀   唔郁真係乜嘢機能都差啦   講妳唔聽   其實真係好煩   但我依家唔會鬧啦   係妳自己放棄自己   我唔想成日講   我都講到煩   妳要做就做  唔做就算   勸唔聽鬧又唔聽   妳鍾意點就點   最緊要唔好後悔自己所做嘅行為就得㗎喇 ~          

拎埋藥   番到屋企都差唔多 5 點幾   超級勁攰   所以抖到 7 點先出去食嘢 ~

今晚里奧大人都嚟食飯   佢話想睇下媽咪   佢 7 點半到酒樓   真係好感恩   因為算快嘛   初初佢預計要 8 點㗎   無諗過放工可以即走呢   但佢話頭先熄電腦嘅時候   有同事問佢嘢   佢勁驚又問好耐   好在問咗 1 分鐘咋   唔係就無咁快嚟到呢 ~

家姐衰啦   尋晚無啦啦話媽咪塊臉黃得好犀利   搞到我尋晚勁擔心   驚到喊   所以好似無瞓過咁   咁頭先同里奧大人都經過間餐廳   係餐廳啲燈光好黃呀   所以媽咪塊臉咪好黃囉   真係呢 ~

食到 8 點幾就番媽咪屋企   坐咗一陣又到 9 點   所以祈完禱就番屋企休息呢 ~ 

番到屋企即沖涼呀   抖陣又睇下電視   之後收到大食 Whatsapp 話婆婆因為食飯時暈一暈   所以入咗醫院   希望婆婆無事啦 ~

今日真係好攰   11 點自己都瞓先喇 ~